ಕಬ್ಜ ಸಿನಿಮಾದ ಟೈಟಲ್ ಟ್ರ್ಯಾಕ್ ಸಪ್ತಸಾಗರದಾಚೆ ಸೌಂಡ್ ಮಾಡೋದು ಪಕ್ಕಾ..!

ಬೆಂಗಳೂರು: ಹಾಲಿವುಡ್ ರೇಂಜ್ ಗೆ ಕನ್ನಡ ಸಿನಿಮಾ ಬೆಳೆಯುತ್ತಿದೆ. ಮಾರ್ಚ್ 17ರಂದು ರಿಲೀಸ್ ಆಗೋ 'ಕಬ್ಜ' ಸಿನಿಮಾ ಕೂಡ ಯಾಕೋ ಹಿಸ್ಟರಿ ಸೃಷ್ಟಿಸೋ ಎಲ್ಲಾ ಲಕ್ಷಣ ಕಂಡುಬರುತ್ತಿದೆ. ಯೆಸ್ ರಿಲೀಸ್ ಆಗಿದ್ದ ಟೀಸರ್ ಬೇರೆಯದ್ದೇ ಲೋಕ ತೋರಿಸಿತ್ತು. ಇದೀಗ ಕಬ್ಜ ಸಿನಿಮಾದ ಟೈಟಲ್ ಸಾಂಗ್ ಹೈದ್ರಾಬಾದ್ನಲ್ಲಿ ದೊಡ್ಡ ಇವೆಂಟ್ ಮಾಡೋ ಮೂಲಕ ರಿಲೀಸ್ ಮಾಡಲಾಯಿತು.

ಕಬ್ಜ ಸಿನಿಮಾ ಟೈಟಲ್ ಟ್ರ್ಯಾಕ್ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.ರಿಲೀಸ್ ಆದ ಕೆಲ ಗಂಟೆಗಳಲ್ಲೇ ಲಕ್ಷಲಕ್ಷ ಜನ ನೋಡಿದ್ದಾರೆ ಅಂದ್ರೆ ಲೆಕ್ಕಾ ಹಾಕಿ. ಹಾಡು ನೋಡಿದ ಅಷ್ಟೂ ಸಿನಿ ಪ್ರಿಯರು ರವಿ ಬಸ್ರುರ್ ಅವರ ಸಂಗೀತವನ್ನ ಹಾಡಿಹೊಗಳುತ್ತಿದ್ದಾರೆ. ಕಬ್ಜ ಸಿನಿಮಾ ಕೂಡ ಸಪ್ತ ಸಾಗರದಾಚೆ ಸೌಂಡ್ ಮಾಡೋ ಸುಳಿವು ಕೊಟ್ಟಿದೆ.ಡೈರೆಕ್ಟರ್ ಆರ್.ಚಂದ್ರು ಟ್ಯಾಲೆಂಟ್ ಬಗ್ಗೆ ಪ್ರತಿಯೊಬ್ಬರೂ ಕಾಮೆಂಟ್ ಮಾಡೋ ಮೂಲಕ ಹೊಗಳುತ್ತಿದ್ದಾರೆ.ಹಾಡಿನ ಪ್ರತಿ ಸಾಲುಕೂಡ ಉಪ್ಪಿ ಲುಕ್ ಮತ್ತು ಸ್ಟೈಲ್ ಗೆ ಪಕ್ಕಾ ಸೂಟ್ ಆಗುತ್ತಿದೆ.

ಕೆಜಿಎಫ್' ಖ್ಯಾತಿಯ ಶಿವಕುಮಾರ್ ಕಲಾ ನಿರ್ದೇಶನ ಮಾಡಿದ್ದಾರೆ.ಇದು ಸ್ವಾತಂತ್ರ್ಯಪೂರ್ವದ ಭೂಗತ ಲೋಕದ ಕಥೆಯಾಗಿದೆ.