Ileana D`Cruz: ಮಗುವಿನ ಮುದ್ದಾದ ಪೋಟೋಗಳನ್ನು ಶೇರ್‌ ಮಾಡಿದ ಗೋವಾ ಬ್ಯೂಟಿ..! ಸೋ ಕ್ಯೂಟ್‌ ಎಂದ ಫ್ಯಾನ್ಸ್‌

Ileana D'Cruz: ಇಲಿಯಾನಾ ಡಿಕ್ರೂಜ್  ಕೆಲ ತಿಂಗಳ ಹಿಂದೆ ತಮ್ಮ ಪ್ರೆಗ್ನೆನ್ಸಿ ವಿಚಾರವನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಹೇಳಿಕೊಂಡಿದ್ದರು. ನಟಿ ಆಗಸ್ಟ್ 1 ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಗೋವಾ ಬ್ಯೂಟಿ ಮಗುವಿನ ಪೋಟೋವನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ. 

ನಟಿ ಇಲಿಯಾನಾ ಡಿಕ್ರೂಜ್ ತಮ್ಮ ಮಗನಿಗೆ ಕೋವಾ ಫೀನಿಕ್ಸ್ ಡೋಲನ್ ಎಂದು ಹೆಸರಿಟ್ಟಿದ್ದಾರೆ. ಇವರು ಸದ್ಯ ಹಂಚಿಕೊಂಡ ತಮ್ಮ ಒಂದು ತಿಂಗಳ ಮಗುವಿನ ಫೋಟೋದಲ್ಲಿ, ಇಲಿಯಾನಾ ಮಗುವಿನ ಪುಟ್ಟ ಪಾದಗಳನ್ನು ತೋರಿಸಿದ್ದಾರೆ. ಈ ಪೋಟೋಗಳಿಗೆ ನೆಟ್ಟಿಗರಿಂದ ಕಾಮೆಂಟ್‌ಗಳ ಸುರಿಮಳೆಯೇ ಸುರಿದಿದೆ. ‌

ಇದನ್ನೂ ಓದಿ-ಸೌದತ್ತಿ ಯಲ್ಲಮ್ಮ ದೇವಸ್ಥಾನದಲ್ಲಿ ಉರುಳು ಸೇವೆ ಸಲ್ಲಿಸಿದ ಇನಾಮ್ದಾರ ಚಿತ್ರ ನಟ ರಂಜನ್ ಛತ್ರಪತಿ

ಇನ್ನು ಇಲಿಯಾನಾ ತನ್ನ ಗರ್ಭಾವಸ್ಥೆಯ ಸುದ್ದಿಯನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಹಂಚಿಕೊಂಡಾಗ, ಮಗುವಿನ ತಂದೆ ಆಸ್ಟ್ರೇಲಿಯಾದ ಛಾಯಾಗ್ರಾಹಕ ಆಂಡ್ರ್ಯೂ ನೀಬೋನ್ ಎಂಬ ಊಹಾಪೋಹಗಳು ಹಬ್ಬಿದ್ದವು. ಆದರೆ ಇವರಿಬ್ಬರೂ 2019 ರಲ್ಲಿ ಬೇರ್ಪಟ್ಟಿದ್ದಾರೆ ಎನ್ನಲಾಗಿತ್ತು. 

ಕೆಲವು ವರದಿಗಳ ಪ್ರಕಾರ, ಇಲಿಯಾನಾ ಮೈಕೆಲ್ ಡೋಲನ್ ಎಂಬ ವ್ಯಕ್ತಿಯನ್ನು ಮದುವೆಯಾಗಿದ್ದಾರೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.