ನವರಸನಾಯಕ ಜಗ್ಗೇಶ್ ತನ್ನ ಪ್ರೀತಿಯ ಹುಡುಗಿಯನ್ನ ಮೊದಲು ನೋಡಿದಾಗ ಆಕೆಗೆ ಜಸ್ಟ್ 14ವರ್ಷ..!

ಬೆಂಗಳೂರು : ನವರಸನಾಯಕ ಜಗ್ಗೇಶ್ ಜೀವನವೇ ರೋಚಕ. ತಮ್ಮ ಪತ್ನಿ ಮತ್ತು ಮಕ್ಕಳು, ಮೊಮ್ಮಕ್ಕಳ ಜೊತೆ ಅದ್ಭುತವಾಗಿ  ಬದುಕು ಸಾಗಿಸುತ್ತಿದ್ದಾರೆ. ಸಿನಿಮಾ, ರಾಜಕೀಯ ಅಂತ ಸದಾ ಬ್ಯುಸಿ ಇರೋ ಜಗ್ಗೇಶ್, ಫ್ಯಾಮಿಲಿಗೂ ಅಷ್ಟೇ ಟೈಮ್ ಕೊಡುತ್ತಾರೆ. ಜಗ್ಗೇಶ್ ಅವರ ಪತ್ನಿ ನಿಮಗೆಲ್ಲ ಗೊತ್ತಿರೋ ಹಾಗೇ ಆರೋಗ್ಯದ ಬಗ್ಗೆ ,ಆಹಾರದ ಬಗ್ಗೆ ಜನರಿಗೆ ಒಳ್ಳೆ ಟಿಪ್ಸ್ ಕೊಡೋ ಮೂಲಕ ಜನತೆಗೆ ತುಂಬಾ ಹತ್ತಿರವಾಗಿದ್ದಾರೆ. ಜಗ್ಗೇಶ್ ಅವರಿಗೆ ಅವರ ಪತ್ನಿ ಮೊದಲು ಕಣ್ಣಿಗೆ ಬಿದ್ದಿದ್ದು ಯಾವಾಗ ಅನ್ನೋ  ಮಾಹಿತಿ ಗೊತ್ತಾ..?  ನವರಸ ನಾಯಕ ಜಗ್ಗೇಶ್ ಅವರಿಗೆ ಪರಿಮಳ ಅವರು ಮೊದಲು ಕಾಣಿಸಿಕೊಂಡಿದ್ದು  9ನೇ ತರಗತಿಯಲ್ಲಿ. ಅಂದ್ರೆ ಆಗ ಅವರಿಗೆ 14ವರ್ಷ. ಅಂದೇ ಜಗ್ಗೇಶ್ ಅವರು ಈಕೆ ನನ್ನ ಜೀವದ ಮತ್ತು ಜೀವನದ ಒಡತಿ ಅಂತ ನಿರ್ಧಾರ ಮಾಡಿಯೇ ಬಿಟ್ಟರು.

ಅಲ್ಲಿಂದ ಇಲ್ಲಿಯವರೆಗೂ ಪತ್ನಿಯನ್ನ ಹೂವಿನಂತೆ ಕಾಪಾಡಿಕೊಂಡು ಬಂದಿದ್ದಾರೆ. ಮದುವೆ ಆಗುವುದು ದೊಡ್ಡದಲ್ಲ ಎನ್ನುವುದನ್ನು ಪ್ರತಿ ಬಾರಿಯೂ ಜಗ್ಗೇಶ್ ಹೇಳುತ್ತಾರೆ. ಸಂಸಾರ ತೂಗಿಸಿ ಸಪ್ತಪದಿ ತುಳಿದಾಗಿನಿಂದ ಕೊನೆಯವರೆಗೂ ಪ್ರೀತಿ, ನಂಬಿಕೆ, ವಿಶ್ವಾಸ, ಸಹನೆ, ತಾಳ್ಮೆ ಕಡಿಮೆಯಾಗದಂತೆ ಬಾಳಬೇಕು ಆಗ ಮಾತ್ರ ಸಂಬಂಧ ಶ್ರೇಷ್ಠವಾಗಿ ಉಳಿಯತ್ತದೆ ಅನ್ಯರಿಗೂ ಮಾದರಿಯಾಗುತ್ತದೆ ಅನ್ನೋದು  ಜಗ್ಗೇಶ್ ಮಾತು. . 

ಇದನ್ನೂ ಓದಿ : ವೈದ್ಯಕೀಯದ ಸಹಾಯದಿಂದ ನಾವು ಮಕ್ಕಳನ್ನು ಹೊಂದಬಹುದು ಅಂದಿದ್ಯಾಕೆ ನರೇಶ್ ಮತ್ತು ಪವಿತ್ರ ಲೋಕೇಶ್ ?

ಪ್ರೀತಿಸಿದ ಹುಡುಗಿಯನ್ನ ಮನೆ ತುಂಬಿಸಲು ಅಂದು ಜಗ್ಗೇಶ್ ಅವರು ಕುಟುಂಬದ ವ್ಯಾಜ್ಯ, ಪೋಲೀಸ್ ಸ್ಟೇಷನ್, ನಂತರ ಸುಪ್ರೀಂ ಕೋರ್ಟ್‌ ವರೆಗೂ ಹೋಗಿದ್ದರು. ಆರು ತಿಂಗಳು ದೆಹಲಿಯ ಕೋರ್ಟ್‌ಗೆ ಓಡಾಟ ಹೀಗೆ ನಾನಾ ರೀತಿಯ ಸಮಸ್ಯೆಯನ್ನ ಎದುರಿಸಬೇಕಾಯಿತು.

ಇದನ್ನೂ ಓದಿ : ಸಾಲು ಸಾಲು ಸೋಲು, ಅವಮಾನ, ಸವಾಲು ಇವೆಲ್ಲಾ ಮೆಟ್ಟಿ ನಿಂತ ನಟ ರಾಕ್ಷಸ ಡಾಲಿ..!