ಜೈಲರ್ ಗಳಿಕೆಯಲ್ಲಿ ಭಾರಿ ಜಿಗಿತ, ರಜನಿಕಾಂತ್ ಚಿತ್ರದ 11ನೇ ದಿನದ ಕಲೆಕ್ಷನ್ ಇದು

Jailer Box Office Collection Day 11: ಸನ್ನಿ ಡಿಯೋಲ್ ಮತ್ತು ಅಮೀಶಾ ಪಟೇಲ್ ಅಭಿನಯದ 'ಗದರ್ 2' ಬಾಕ್ಸ್ ಆಫೀಸ್‌ನಲ್ಲಿ ಬುಲೆಟ್‌ಗಿಂತಲೂ ವೇಗವಾಗಿ ಗಳಿಕೆ ಮಾಡುತ್ತಿದೆ. ಇನ್ನೊಂದೆಡೆ 'ಗದರ್ 2' ಬಿರುಗಾಳಿಯ ಮುಂದೆ ರಜನಿಕಾಂತ್ ಅಭಿನಯದ 'ಜೈಲರ್' ಕೂಡ ತನ್ನ ನಾಗಾಲೋಟವನ್ನು ಮುಂದುವರೆಸಿದೆ. ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಬಾಕ್ಸ್ ಆಫೀಸ್ ನಲ್ಲೂ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. ರಜನಿಕಾಂತ್ ಚಿತ್ರ 300 ಕೋಟಿ ಕ್ಲಬ್ ಮುಟ್ಟಲು ಇನ್ನು ಕೆಲವೇ ಹೆಜ್ಜೆಗಳು ಬಾಕಿ ಇವೆ. ಚಿತ್ರ ಬಿಡುಗಡೆಯಾದ 11ನೇ ದಿನಕ್ಕೆ ಎಷ್ಟು ಕೋಟಿ ಗಳಿಸಿದೆ ಎಂಬುದನ್ನು ಇಲ್ಲಿ ತಿಳಿಯೋಣ.

ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ 'ಜೈಲರ್' ಚಿತ್ರ ಆಗಸ್ಟ್ 10 ರಂದು ಬಿಡುಗಡೆಯಾಗಿತ್ತು. ಈ ಚಿತ್ರದ ಮೂಲಕ ರಜನಿಕಾಂತ್ ಎರಡು ವರ್ಷಗಳ ನಂತರ ಬೆಳ್ಳಿತೆರೆಗೆ ಕಮ್ ಬ್ಯಾಕ್ ಮಾಡಿದ್ದಾರೆ. ಚಿತ್ರವು ತನ್ನ ಆರಂಭಿಕ ದಿನದಿಂದಲೇ ಭರ್ಜರಿ ವ್ಯಾಪಾರ ಮಾಡುತ್ತಿದೆ. ಈ ಚಿತ್ರ ಹಲವು ಭಾಷೆಗಳಲ್ಲಿ ಬಿಡುಗಡೆಯಾಗಿತ್ತು.

ಇದನ್ನೂ ಓದಿ: ನಿಖಿಲ್ ಕುಮಾರಸ್ವಾಮಿ ಸಿನಿಮಾಗೆ ಮಹೂರ್ತ ಫಿಕ್ಸ್

ಜಾಗತಿಕವಾಗಿ ರಜನಿಕಾಂತ್ ಅವರ ಚಿತ್ರ 375 ಕೋಟಿ ರೂ.ಗೂ ಹೆಚ್ಚು ಗಳಿಸಿದೆ ಮತ್ತು ಇದರೊಂದಿಗೆ 'ಜೈಲರ್' ಚಿತ್ರದ ಕಲೆಕ್ಷನ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. 'ಗದರ್ 2' ಮತ್ತು 'OMG 2' ನಿಂದ ಕಠಿಣ ಸ್ಪರ್ಧೆಯ ನಡುವೆಯೂ, ಚಿತ್ರವು 9 ನೇ ದಿನಕ್ಕೆ ರಾಷ್ಟ್ರೀಯ ಬೆಲ್ಟ್‌ನಲ್ಲಿ 10.05 ಕೋಟಿ ಗಳಿಸಿತು. ಮತ್ತೊಂದೆಡೆ, ಚಿತ್ರದ 10 ನೇ ದಿನದ ಗಳಿಕೆಯಲ್ಲಿ ಭಾರಿ ಜಿಗಿತ ಕಂಡುಬಂದಿದೆ ಮತ್ತು ಅದು 16.25 ಕೋಟಿ ರೂ. ಅದೇ ಸಮಯದಲ್ಲಿ, ಚಿತ್ರ ಬಿಡುಗಡೆಯ 11 ನೇ ದಿನದ ಆರಂಭಿಕ ಅಂಕಿಅಂಶಗಳು ಸಹ ಬಂದಿವೆ.

ಜೈಲರ್ ಬಿಡುಗಡೆಯಾದ 11 ನೇ ದಿನಕ್ಕೆ 18 ಕೋಟಿ ವ್ಯವಹಾರ ಮಾಡಿದೆ. ಇದರೊಂದಿಗೆ 'ಜೈಲರ್' ಚಿತ್ರದ ಒಟ್ಟು ಕಲೆಕ್ಷನ್ ಈಗ 280.15 ಕೋಟಿ ರೂ. ಆಗಿದೆ. ಜೈಲರ್ 300 ಕೋಟಿ ಕ್ಲಬ್ ಸೇರಲು ಕೆಲವೇ ಹೆಜ್ಜೆಗಳು ಬಾಕಿ ಇವೆ. 

ಜೈಲರ್ ತನ್ನ ಬಾಕ್ಸ್ ಆಫೀಸ್ ನಂಬರ್ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದೆ. ರಜನಿಕಾಂತ್ ಅವರ ಚಿತ್ರ ಈಗ 300 ಕೋಟಿ ಕ್ಲಬ್ ಸೇರಲು ತುದಿಗಾಲಿನಲ್ಲಿದೆ. ಜೈಲರ್ ಕಮರ್ಷಿಯಲ್ ಆಕ್ಷನ್ ಎಂಟರ್‌ಟೈನರ್ ಚಿತ್ರವಾಗಿದ್ದು, ನೆಲ್ಸನ್ ದಿಲೀಪ್‌ಕುಮಾರ್ ಬರೆದು ನಿರ್ದೇಶಿಸಿದ್ದಾರೆ. ರಜನಿಕಾಂತ್, ವಿನಾಯಕನ್, ರಮ್ಯಾ ಕೃಷ್ಣನ್, ವಸಂತ ರವಿ ಮತ್ತು ತಮನ್ನಾ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಶಿವರಾಜ್‌ಕುಮಾರ್, ಮೋಹನ್‌ಲಾಲ್ ಮತ್ತು ಜಾಕಿ ಶ್ರಾಫ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಸುದೀಪ್‌ ವಿರುದ್ಧ ಸಾರ್ವಜನಿಕವಾಗಿ ಹೇಳಿಕೆ ನೀಡದಂತೆ ಕೋರ್ಟ್‌ ಆದೇಶ