Jailer: ನಿಲ್ಲದ ಜೈಲರ್‌ ಆರ್ಭಟ, ಪಾರ್ಟ್‌ 2ಕ್ಕೆ ಶಿವಣ್ಣನೇ ಬೇಕೆಂದ ತಮಿಳು ಮಂದಿ; ಕನ್ನಡಿಗರಿಗೆ ಇದೇ ಸಾರ್ಥಕಕ್ಷಣವೆಂದ ಫ್ಯಾನ್ಸ್‌

Jailer Craze : ಜೈಲರ್‌ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ರಜನಿಕಾಂತ್‌ ನಟಿಸಿದ್ದಾರೆ. ಆದರೆ ಕ್ಷಣ ಮಾತ್ರ ತೆರೆಮೇಲೆ ಬಂದು ಹೋಗುವ ಶಿವಣ್ಣನ ಹವಾ ಮಾತ್ರ ಭರ್ಜರಿಯಾಗಿದೆ. ಚಿತ್ರದಲ್ಲಿ ನರಸಿಂಹನ ಪಾತ್ರ ಕಂಡು ತಮಿಳು ಮಂದಿ ನಿಬ್ಬೆರಗಾಗಿದ್ದಾರೆ. 

ಕನ್ನಡ ಸಿನಿರಂಗದಲ್ಲಿ ಮೂರು ದಶಕ ಕಳೆದ ಹ್ಯಾಟ್ರಿಕ್‌ ಹಿರೋ, ಸೆಂಚುರಿಸ್ಟಾರ್‌ ಶಿವಣ್ಣ ನೂರಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿ ಕನ್ನಡಿಗರ ಹೃದಯದಲ್ಲಿ ಛಾಪು ಮೂಡಿಸಿದ್ದಾರೆ. ಇದೀಗ ಜೈಲರ್‌ನಲ್ಲಿನ ಶಿವಣ್ಣನ ಅಭಿನಯ ಕಂಡು ಸೋಷಿಯಲ್‌ ಮೀಡಿಯಾದಲ್ಲಿ ಮೆಚ್ಚುಗೆಯ ಹಾವಳಿ ಶುರುಮಾಡಿದ್ದಾರೆ.

ಈ ಮಾಸ್‌ ಕಲಾವಿದರನ್ನು ನಿರ್ದೇಶಕ ಹೇಗೆ ತೆರೆ ಮೇಲೆ ತೋರಿಸುತ್ತಾರೆ ಎನ್ನುವುದು ಕುತೂಹಲ ಕೆರಳಿಸಿತ್ತು. ಸದ್ಯ ಸಿನಿಮಾ ಬಿಡುಗಡೆಯಾಗಿ ಎಲ್ಲ ಪ್ರಶ್ನೆಗಳಿಗೂ ಉತ್ತರ ನೀಡಿದೆ. ಜೈಲರ್‌ ಚಿತ್ರದಲ್ಲಿನ ಸಣ್ಣ ಪಾತ್ರವನ್ನೂ ಸಹ ಅಭಿಮಾನಿಗಳು ಸಖತ್‌ ಎಂಜಾಯ್‌ ಮಾಡುತ್ತಿದ್ದಾರೆ. ಅದಕ್ಕೆ ಶಿವಣ್ಣನ ದೃಶ್ಯವೇ ಉತ್ತಮ ನಿದರ್ಶನ. 

ಕ್ಲೈಮ್ಯಾಕ್ಸ್‌ ಪೂರ್ವದಲ್ಲಿ ಕಾಣಿಸಿಕೊಳ್ಳುವ ಶಿವಣ್ಣ ಸಖತ್‌ ಮಾಸ್‌ ಆಗಿ ನರಸಿಂಹನ ಪಾತ್ರದಲ್ಲಿ ಮಿಂಚಿದ್ದಾರೆ. ಅವರ ಮ್ಯಾನರಿಸಂ, ನಟನೆ ಕಂಡು ತೆಲುಗು, ತಮಿಳು, ಆಂದ್ರ ಹಾಗೂ ಕೇರಳ ಮಂದಿ ಅಚ್ಚರಿಗೊಂಡಿದ್ದಾರೆ. ಇನ್ನು ಈ  ಬಗ್ಗೆ ಪೋಸ್ಟ್‌ ಹಂಚಿಕೊಂಡಿರುವ ತಮಿಳು ಅಭಿಮಾನಿಗಳು ಜೈಲರ್‌ ಕಥೆಗೆ ಪಾರ್ಟ್‌ 2 ಮಾಡಲೂಹುದು, ಒಂದು ವೇಳೆ ಘೋಷನೆಯಾದರೆ ಭಾಗ ಎರಡಲ್ಲಿ ಶಿವಣ್ಣನೇ ಹಿರೋ ಆಗಬೇಕು ಎಂದು ತಮಿಳು ಫ್ಯಾನ್ಸ್‌ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.