ಜೂ. ಎನ್‌ಟಿಆರ್‌ `ದೇವರ` ಚಿತ್ರದಲ್ಲಿ ಅಲ್ಲು ಅರ್ಜುನ್‌ ಪುತ್ರಿ..10 ನಿಮಿಷಕ್ಕೆ ಅರ್ಹಾ ಪಡೆದ ಸಂಭಾವನೆ ಎಷ್ಟು ಗೊತ್ತಾ..?

Devara Film : ಟಾಲಿವುಡ್​​ ನಟ​​ ಜೂ. ಎನ್​​ಟಿಆರ್​ ಅವರ ಬಹುನಿರೀಕ್ಷಿತ ಹಾಗೂ ಪ್ಯಾನ್ ಇಂಡಿಯಾ ಮಾಸ್ ಎಂಟರ್​​ಟೈನರ್ ‘ದೇವರ’ ಸಿನಿಮಾವನ್ನು ಕೊರಟಾಲ ಶಿವ ನಿರ್ದೇಶಿಸುತ್ತಿದ್ದು, ನಟಿ ಜಾನ್ವಿ ಕಪೂರ್ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. 

ಇನ್ನು ಈ ಸಿನಿಮಾದಲ್ಲಿ ದೊಡ್ಡ ತಾರ ಬಳಗವೇ ಇದೆ ಎನ್ನಲಾಗುತ್ತಿದೆ. ಹೌದು ಅಲ್ಲು ಅರ್ಜುನ್ ಅವರ ಪುತ್ರಿ ಅಲ್ಲು ಆರ್ಹಾ ಪುಟ್ಟ ಪಾತ್ರದಲ್ಲಿ ನಟಿಸಲಿದ್ದಾರೆ ಎಂಬ ವದಂತಿ ಸದ್ಯ ಸೋಷಿಯಲ್​ ಮೀಡಿಯಾದ ತುಂಬ ಹರಿದಾಡುತ್ತಿದೆ. ಆದರೆ ಈ ಕುರಿತು ಯಾವುದೇ ಅಧಿಕೃತ ಘೋಷಣೆಗಳಾಗಿಲ್ಲ. 

ಇದನ್ನೂ ಓದಿ-ತಮನ್ನಾ ʼಕಾವಾಲಯ್ಯಾʼ ಟ್ರೆಂಡ್‌ ಗೆ ಟಾಂಗ್‌ ಕೊಟ್ಟ ಕನ್ನಡಿಗ..ವಿಡಿಯೋ ವೈರಲ್‌

ಅಲ್ಲು ಅರ್ಹಾ ಅವರು ಸಮಂತಾ ರುತ್ ಪ್ರಭು ಅವರ ಪೌರಾಣಿಕ ನಾಟಕ ಶಾಕುಂತಲಂ ಮೂಲಕ ನಟನೆಯನ್ನು ಪ್ರಾರಂಭಿಸಿದರು. ಸ್ಟಾರ್ ಕಿಡ್ ತನ್ನ ಅಭಿನಯಕ್ಕಾಗಿ ಮೆಚ್ಚುಗೆ ಪಡೆದಿದೆ. ಇನ್ನು ಈ ದೇವರ ಸಿನಿಮಾದಲ್ಲಿ ಅಲ್ಲು ಅರ್ಹಾ ಪಾತ್ರದ ಅವಧಿ 10 ನಿಮಿಷ ಇರಲಿದ್ದು, ನಿಮಿಷಕ್ಕೆ 2 ಲಕ್ಷ ರೂ ಸಂಭಾವಣೆ ನೀಡುವ ಯೋಜನೆಯನ್ನು ಚಿತ್ರತಂಡ ಹಾಕಿಕೊಂಡಿದೆ. 

ಸದ್ಯ ಜಾನ್ವಿ ಕಪೂರ್ ನಾಯಕಿಯಾಗಿರುವ ಈ ‘ದೇವರ’ ಚಿತ್ರದಲ್ಲಿ ಪ್ರಕಾಶ್ ರಾಜ್, ಮೇಕಾ ಶ್ರೀಕಾಂತ್, ಶೈನ್ ಟಾಮ್ ಚಾಕೊ ಮತ್ತು ಚೈತ್ರಾ ರಾಯ್ ಪ್ರಮುಖ ಪಾತ್ರಗಳಲ್ಲಿ ನಟಿಸಲಿದ್ದಾರೆ. ಮತ್ತು ಈ ಸಿನಿಮಾಗೆ ಅನಿರುದ್ಧ ರವಿಚಂದರ್ ಹಿನ್ನೆಲೆ ಸಂಗೀತವನ್ನು ಒದಗಿಸಿದ್ದಾರೆ.