Kalki 2898 AD: ರಿಲೀಸ್‌ಗೂ ಮುನ್ನವೇ ಕಲ್ಕಿ ಟೀಸರ್ ವಿಡಿಯೋ ಲೀಕ್.. ಚಿತ್ರದಲ್ಲಿ ಪ್ರಭಾಸ್‌ ಪಾತ್ರ ಇದೇ!

Kalki 2898 AD Teaser: 'ಕಲ್ಕಿ 2898AD' ಚಿತ್ರವು ಹಿಂದೂ ಪುರಾಣವನ್ನು ಆಧರಿಸಿದ ವೈಜ್ಞಾನಿಕ ಥ್ರಿಲ್ಲರ್ ಆಗಿದೆ.. ಪ್ರಭಾಸ್ ನಟಿಸಿರುವ ಈ ಸಿನಿಮಾವನ್ನು ನಾಗ್ ಅಶ್ವಿನ್ ನಿರ್ದೇಶಿಸಿದ್ದಾರೆ. ಕಮಲ್ ಹಾಸನ್, ದೀಪಿಕಾ ಪಡುಕೋಣೆ, ದಿಶಾ ಪಟಾನಿ ಮತ್ತು ಅಮಿತಾಬ್ ಬಚ್ಚನ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಇದೇ ಸಂಕ್ರಾಂತಿ ಹಬ್ಬಕ್ಕೆ ಬರಬೇಕಿತ್ತು. ಆದರೆ ಶೂಟಿಂಗ್ ಮತ್ತು ಗ್ರಾಫಿಕ್ಸ್ ಕೆಲಸ ವಿಳಂಬವಾದ ಕಾರಣ ತಡವಾಯಿತು. ಸದ್ಯ ಚಿತ್ರೀಕರಣ ಅಂತಿಮ ಹಂತದಲ್ಲಿದೆ ಎಂದು ವರದಿಯಾಗಿದೆ... 

ಇನ್ನು ಇತ್ತೀಚೆಗೆಷ್ಟೇ ಈ ಸಿನಿಮಾದ ಟೀಸರ್‌ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಘೋಷಿಸಿತ್ತು.. ಅದರ ಪ್ರಕಾರ ಜನವರಿ 13 ರಂದು ಅಂದರೆ ಇಂದು ಈ ಚಿತ್ರದ ಟೀಸರ್‌ ರಿಲೀಸ್‌ಗೆ ಸಮಯ ನಿಗದಿ ಪಡಿಸಲಾಗಿತ್ತು.. ಇದೀಗ ಆ ಟೀಸರ್ ಗೆ ಸಂಬಂಧಿಸಿದ ವಿಡಿಯೋವೊಂದು ಲೀಕ್ ಆಗಿದ್ದು.. ಅದರಲ್ಲಿ ಸಿನಿಮಾ ರಿಲೀಸ್ ಡೇಟ್ ಕೂಡ ರಿವೀಲ್ ಆಗಿದೆ. 

ಕಳೆದ ಕೆಲವು ದಿನಗಳಿಂದ ಈ ಸಿನಿಮಾ ಮೇ 9ಕ್ಕೆ ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಕೇಳಿ ಬರುತ್ತಿದೆ. ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಬಿಡುಗಡೆಯಾದ ಮಹಾನಟಿ ಮತ್ತು ಮಹರ್ಷಿ ಚಿತ್ರಗಳು ಮೇ 9 ರಂದೇ ಬಿಡುಗಡೆಯಾಗಿ ಬ್ಲಾಕ್ ಬಸ್ಟರ್ ಆಗಿವೆ.. ಸದ್ಯ 50 ಪ್ರಶಸ್ತಿಗಳನ್ನು ಪೂರೈಸುತ್ತಿರುವ ಈ ವೈಜಯಂತಿ ಮೂವೀಸ್ ತನ್ನ ಮುಂಬರುವ ಕಲ್ಕಿ ಚಿತ್ರವನ್ನು ಮೇ 9ಕ್ಕೆ ರಿಲೀಸ್‌ ಮಾಡುವ ಯೋಚನೆಯಲ್ಲಿದ್ದಾರೆ ಎನ್ನಲಾಗುತ್ತಿದೆ.. 

ಸದ್ಯ ಬಿಡುಗಡೆಯಾಗಲಿರುವ ಟೀಸರ್‌ ಸುಮಾರು 1 ನಿಮಿಷ 23 ಸೆಕೆಂಡ್‌ಗಳಷ್ಟು ಇರಲಿದೆ ಎನ್ನಲಾಗಿದೆ.. ಸೂಪರ್ ಹೀರೋ ಪರಿಕಲ್ಪನೆಯೊಂದಿಗೆ ಫ್ಯೂಚರಿಸ್ಟಿಕ್ ಸಿನಿಮಾವಾಗಿ ತಯಾರಾಗಿರುವ ಈ ಸಿನಿಮಾದಲ್ಲಿ ಬಳಸಿದ ತಂತ್ರಜ್ಞಾನ, ಆಯುಧಗಳು, ಟ್ರೋಪ್ ಗಳು, ವೇಷಭೂಷಣಗಳು... ಹೀಗೆ ಭವಿಷ್ಯದಲ್ಲಿ ಎಲ್ಲವೂ ಹೇಗೆ ಬದಲಾಗಬಹುದು ಎಂಬುದನ್ನು ಭಾರತೀಯ ಮೂಲದಿಂದಲೇ ರೂಪಿಸಲಾಗಿದ್ದು.. ಒಟ್ಟಾರೆಯಾಗಿ ಟೀಸರ್ ಮೂಲಕ ಎಲ್ಲರಿಗೂ ಆ ಕಾಲ್ಪನಿಕ ಲೋಕದ ಪರಿಚಯವಾಗಲಿದೆ.