`ನಿಮಗೆ ಉರಿ, ಮೇರಿಕಾಂ ಹಾಗೂ ನೀರಜಾ ಇಷ್ಟವಾದರೇ ತೇಜಸ್‌ ಸಹ ಇಷ್ಟವಾಗುತ್ತದೆ`: ಕಂಗನಾ ವಿಡಿಯೋ ವೈರಲ್

Tejas Movie: ನಟಿ ಕಂಗನಾ ರನೌತ್‌ ಅಭಿನಯದ ಬಹುನಿರೀಕ್ಷಿತ ʼತೇಜಸ್‌ʼ ಸಿನಿಮಾ ಇದೇ ಆಕ್ಟೋಬರ್‌ 27ರಂದು ತೆರೆಮೇಲೆ ಅಪ್ಪಳಿಸಿದ್ದು, ಈ ಚಿತ್ರದಲ್ಲಿ ನಟಿ ಕಂಗನಾ ಇಂಡಿಯನ್‌ ಏರ್ಫೋಸ್‌ ಪೈಲೇಟ್‌ ಪಾತ್ರವನ್ನು ಮಾಡಿದ್ದಾರೆ. ತೇಜಸ್‌ ಪೈಲೇಟಾಗಿ ತಮ್ಮ ದೇಶ ಸೇವೆ ಹಾಗೂ ಹಲವಾರು ಸವಾಲುಗಳನ್ನು ಎದುರಿಸುವ ದೃಶ್ಯಗಳನ್ನು ಈ ಸಿನಿಮಾದಲ್ಲಿ ತೋರಿಸುವುದರ ಜೊತೆಗೆ ಎಲ್ಲರಲ್ಲಿಯೂ ದೇಶಭಕ್ತಿಯನ್ನು ಮೂಡಿಸುತ್ತದೆ. 

ತೇಜಸ್‌ ಸಿನಿಮಾ ರಿಲೀಸ್‌ ಆದಗಿನಿಂದಲೂ ಹೆಚ್ಚು ಕಲೆಕ್ಷನ್‌ ಮಾಡದೆ, ಮೊದಲ ಎರಡೂ  ದಿನವೂ ಕೇವಲ ಒಂದು ಕೋಟಿ ರುಪಾಯಿ ಮಾತ್ರ ಬಾಕ್ಸ್‌ ಆಫೀಸ್‌ನಲ್ಲಿ ಕಮಾಲ್‌ ಮಾಡಿದೆ. ಈ ಹಿಂದೆಯೂ ಕಂಗನಾ ನಟಿಸಿರುವ ಸಿನಿಮಾ ಮೊದಲ ದಿನವೇ ಇಷ್ಟೊಂದು ಲಾಭ ಮಾಡದಿದ್ದರು, ತೇಜಸ್‌ ಚಿತ್ರಕಥೆಗೆ ಇದು ಸೂಕ್ತ ನ್ಯಾಯವಾಗದೆ ತುಂಬಾ ಕಡಿಮೆ ಕಲೆಕ್ಷನ್‌ ಆಗಿದೆ. ಈ ಕಾರಣದಿಂದ ಕಂಗನಾ ಸೋಷಿಯಲ್‌ ಮಿಡಿಯಾದಲ್ಲಿ ವೀಕ್ಷಕರಲ್ಲಿ ಸಿನಿಮಾವನ್ನು ಚಿತ್ರಮಂದಿರಗಳಿಗೇ ಬಂದು ನೋಡುವುದಾಗಿ ಕೋರಿರುವ ವಿಡಿಯೋ ಶನಿವಾರ ಶೇರ್‌ ಮಾಡಿದ್ದು, ಸದ್ಯ ವೈರಲ್‌ ಆಗಿದೆ.

ಈ ವಿಡಿಯೋದಲ್ಲಿ ನಟಿ ಕಂಗನಾ "ಸ್ನೇಹಿತರೇ, ನನ್ನ ತೇಜಸ್‌ ಸಿನಿಮಾ ರಿಲೀಸ್‌ ಆಗಿದೆ. ತೇಜಸ್‌ ಸಿನಿಮಾ ನೋಡಿದವರು ಒಳ್ಳೆಯ ಪ್ರತಿಕ್ರಿಯೆ ಹಾಗೂ ಆರ್ಶಿವಾದ ನೀಡಿದ್ದಾರೆ. ಓವಿಡ್‌ ನಂತರ ಹಿಮದಿ ಸಿನಿಮಾ ಇಂಡಸ್ಟ್ರೀ ಅಷ್ಟಾಗಿ ಲಾಭಗಳಿಸಿಲು ಸಾಧ್ಯವಾಗಿಲ್ಲ. ಇಂದಿನ ಯುಗದಲ್ಲಿ ಪ್ರತಿಯೊಬ್ಬರ ಬಳಿ ಮೊಬೈಲ್ ಫೋನ್ ಇದೆ. ಆದರೆ ಸಿನಿಮಾವನ್ನು ಚಿತ್ರಮಂದಿರಕ್ಕೆ ಬಂದು ನೋಡುವುದು ಹೊಸ ಅದ್ಯಾಯಕ್ಕೆ ದಾರಿಯಾಗಲು ಮುಖ್ಯವಾಗಿದೆ. ಹಿಂದಿ ಸಿನಿಮಾ ವೀಕ್ಷಕರಿಗೆ ಉರಿ, ಮೇರಿಕಾಂ ಹಾಗೂ ನೀರಜಾ ಸಿನಿಮಾ ಇಷ್ಟವಾದರೇ ತೇಜಸ್‌ ಸಹ ಇಷ್ಟವಾಗುತ್ತದೆ" ಎಂದು ಮಾತನಾಡಿದ್ದಾರೆ.