ಕೆಜಿಎಫ್ 2 ಸುನಾಮಿಗೆ ಬೆಚ್ಚಿದ ಬಾಲಿವುಡ್...!

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ನಾಯಕನಾಗಿ ನಟಿಸಿರುವ ಕೆಜಿಎಫ್ ಚಾಪ್ಟರ್ 2  ಸಿನಿಮಾ ಎರಡು ದಿನಗಳಲ್ಲಿ ಅಭೂತ ಪೂರ್ವ ₹300 ಕೋಟಿ ಗಳಿಸಿದೆ.ಗುರುವಾರದಂದು ಬಿಡುಗಡೆಯಾದ ಈ ಚಿತ್ರ ಹಿಂದಿಯಲ್ಲೂ ಉತ್ತಮ ಪ್ರದರ್ಶನ ಕಾಣುತ್ತಿದೆ.ಇದರ ಹಿಂದಿ ಆವೃತ್ತಿಯೂ ₹100 ಕೋಟಿ ಗಳಿಸಿದೆ.ಈ ಕುರಿತಾಗಿ ಚಲನಚಿತ್ರ ವ್ಯಾಪಾರ ವಿಶ್ಲೇಷಕ ಮನೋಬಾಲಾ ಶನಿವಾರದಂದು ಅಂಕಿ-ಅಂಶಗಳನ್ನು ಟ್ವೀಟ್ ಮಾಡಿದ್ದಾರೆ.

ಕೆಜಿಎಫ್ 2 ಅಭೂತಪೂರ್ವ ಎನ್ನುವಂತೆ ಹಿಂದಿ ಮಾರುಕಟ್ಟೆಯಲ್ಲಿ ಎರಡು ದಿನಗಳಲ್ಲಿ ಕ್ರಮವಾಗಿ 53.95 ಕೋಟಿ, 46.79 ಕೋಟಿ ರೂ ದಂತೆ ಒಟ್ಟು: ₹ 100.74 ಕೋಟಿ," ಗಳಿಸಿದೆ.ವಿಶ್ವದಾದ್ಯಂತ ಕೇವಲ ಎರಡು ದಿನಗಳಲ್ಲಿ 300 ಕೋಟಿ ರೂ ಗಳಿಸಿದೆ.

ಇದನ್ನೂ ಓದಿ : 'ಕೆಜಿಎಫ್‌-2' ಹಾಡಿಗೆ ಫ್ಯಾನ್ಸ್‌ ಫಿದಾ..! ಎಷ್ಟಾಯ್ತು ಗೊತ್ತಾ ವೀವ್ಸ್..?

ಕೆಜಿಎಫ್: ಚಾಪ್ಟರ್  2 ರಾಕಿ (ಯಶ್) ಎಂಬ ಅನಾಥ ವ್ಯಕ್ತಿ ಬಡತನದಿಂದ ಚಿನ್ನದ ಗಣಿಯ ರಾಜನಾಗುವ ಕಥೆಯನ್ನು ಈ ಚಿತ್ರವೂ ಹೇಳುತ್ತದೆ.ಈ ಚಿತ್ರದಲ್ಲಿ ಬಾಲಿವುಡ್ ನಟಿ ರವೀನಾ ಟಂಡನ್, ಸಂಜಯ್ ದತ್, ಪ್ರಕಾಶ್ ರಾಜ್, ಮಾಳವಿಕಾ ಅವಿನಾಶ್ ಮತ್ತು ಶ್ರೀನಿಧಿ ಶೆಟ್ಟಿ ನಟಿಸಿದ್ದಾರೆ.
ಫರ್ಹಾನ್ ಅಖ್ತರ್ ಅವರ ಎಕ್ಸೆಲ್ ಎಂಟರ್‌ಟೈನ್‌ಮೆಂಟ್ ಮತ್ತು ಎಎ ಫಿಲ್ಮ್ಸ್ಮೂಲಕ ಚಿತ್ರವನ್ನು ಉತ್ತರ-ಭಾರತದ ಮಾರುಕಟ್ಟೆಗಳಲ್ಲಿ ಪ್ರಸ್ತುತಪಡಿಸಿದೆ.ಇದು ದಿಲ್ ಚಾಹತಾ ಹೈ, ಜಿಂದಗಿ ನಾ ಮಿಲೇಗಿ ದೊಬಾರಾ, ದಿಲ್ ಧಡಕ್ನೆ ದೋ, ಮತ್ತು ಗಲ್ಲಿ ಬಾಯ್ ಮುಂತಾದ ಸೂಪರ್ ಹಿಟ್‌ಗಳನ್ನು ನೀಡಿದೆ.