ಇಲಿಗಳನ್ನು ಕಂಡ ಒಡನೆ ಭಾವುಕರಾಗುತ್ತಾರೆ ಕಿಚ್ಚ ಸುದೀಪ್‌! ಏಕೆ ಗೊತ್ತಾ..?

Kiccha Sudeep: ಸುದೀಪ್. .ಕಿಚ್ಚ ಸುದೀಪ್. .ಕರುನಾಡಿನ ಜನರ ಪ್ರೀತಿಯ ಬಾದ್ ಶಾ...ಪ್ರತಿಯೊಬ್ಬರು ಕಿಚ್ಚ ಅಂದ್ರೆ ಸಾಕು ಕುಣಿದು ಕುಪ್ಪಳಿಸುತ್ತಾರೆ. ಕಿಚ್ಚ ನೋಡಲು ಒರಟ. ಆದರೆ ಭಾವನಾತ್ಮಕ ಜೀವಿ. ಸ್ನೇಹಜೀವಿ. ಕಷ್ಟಕ್ಕೆ ಮಿಡಿಯೊ ಸಹೃದಯಿ. ಕಿಚ್ಚ ಪ್ರೀತಿಯಿಂದ ಇಲಿಗಳನ್ನ ಸಾಕುತ್ತಿದ್ದ ಮ್ಯಾಟರ್ ಎಷ್ಟೋ ಜನಕ್ಕೆ ಗೊತ್ತಿಲ್ಲ.

ನಟನಾಗಬೇಕು ಅಂತ ಗಾಂಧಿನಗರದಲ್ಲಿ ಅಲೆದಾಡಿದ ಸುದೀಪ್  ಇಂದು ಜನಪ್ರಿಯ ನಟ.  ಕಿಚ್ಚನಲ್ಲಿ ನಟನಿದ್ದಾನೆ, ನಿರ್ದೇಶಕನಿದ್ದಾನೆ, ಹಾಡುಗಾರನಿದ್ದಾನೆ,ಒಳ್ಳೆ ಕ್ರಿಕೆಟ್ ಆಟಗಾರನಿದ್ದಾನೆ. ಈ ಎಲ್ಲಾ ಅದ್ಭುತ ಟ್ಯಾಲೆಂಟ್ ಹೊಂದಿರೋ ಕಿಚ್ಚ ಅಂದ್ರೆ ಕರುನಾಡಿನಲ್ಲಿ ಅಷ್ಟೇ ಅಲ್ಲದೇ ಹೊರಭಾಗದಲ್ಲೂ ಅಭಿಮಾನಿ ಬಳಗವಿದೆ.  

ಕಿಚ್ಚ ಅದೆಷ್ಟೋ ಜನರ ಪಾಲಿಗೆ ದೇವರು ಮತ್ತು ಅನ್ನದಾತ. ಅದೆಷ್ಟೋ ಹೊಸ ಪ್ರತಿಭೆಗಳಿಗೆ ಅವಕಾಶ ಕೊಟ್ಟು ಬೆಳೆಸಿರೋ ಅದ್ಭುತ ವ್ಯಕ್ತಿತ್ವ. ನಿಮಗೆ ಗೊತ್ತಾ ಕಿಚ್ಚ ಅಂದು ಅದ್ಯಾವುದೋ ಸಣ್ಣ ರೂಮಿನಲ್ಲಿ ಇರುತ್ತಿದ್ದರು. ಆ ಸಂದರ್ಭದಲ್ಲಿ ಇಲಿಗಳ ಕಾಟ ಇರುತ್ತಿತ್ತು. ಇಲಿ ಅಂದ್ರೆ ಭಯಪಟ್ಟಿದ್ದ ಕಿಚ್ಚ ಒಮ್ಮೆ ಆ ಇಲಿಯನ್ನ ಹೇಗೋ ಹಿಡಿದು ಎಸೆದು ಬಿಡುತ್ತಾರೆ. 

ಇಲಿಯನ್ನ ಎಸೆದ ತಕ್ಷಣ ಕಾಗೆಯೊಂದು ಇಲಿಯನ್ನ ಹಿಡಿದು ಕೊಲ್ಲುತ್ತೆ. ಇದನ್ನ ಕಂಡ ಕಿಚ್ಚನಿಗೆ ತುಂಬಾ ಅಂದ್ರೆ ತುಂಬಾ ಸಂಕಟವಾಗುತ್ತೆ. ಆ ನೋವಿನಲ್ಲಿದ್ದ ಕಿಚ್ಚ ರೂಮಿನಲ್ಲಿ ಅದೆಷ್ಟೋ ಇಲಿಗಳಿಗೆ ಆಶ್ರಯ ಕೊಟ್ಟು ಸಾಕಲು ಶುರು ಮಾಡುತ್ತಾರೆ. ಎಲ್ಲಾದ್ರೂ ಇಲಿಗಳು ಕಾಣಿಸದೆ ಹೋದರೆ ನರಳಿಬಿಡುತ್ತಾರೆ.