LEO OTT: ಬಿಡುಗಡೆಯಾದ ಒಂದು ತಿಂಗಳೊಳಗೆ ಡಿಜಿಟಲ್‌ ವೇದಿಕೆ ಪ್ರವೇಶಿಸಿದ ವಿಜಯ್‌ ಸಿನಿಮಾ!

Leo OTT: ಭಾರೀ ನಿರೀಕ್ಷೆಗಳ ನಡುವೆ ಲಿಯೋ ಚಿತ್ರವು ದಸರಾ ಉಡುಗೊರೆಯಾಗಿ ಅಕ್ಟೋಬರ್ 19 ರಂದು ಗ್ರ್ಯಾಂಡ್ ರಿಲೀಸ್ ಆಗಿತ್ತು. ಭಾಕ್ಸಾಪೀಸ್‌ನಲ್ಲಿ ಸಖತ್‌ ಗಳಿಕೆ ಮಾಡುತ್ತಿರುವ ಈ ಸಿನಿಮಾ ಬಿಡುಗಡೆಯಾಗಿ ಒಂದು ತಿಂಗಳಲ್ಲಿಯೇ ಡಿಜಿಟಲ್‌ ವೇದಿಕೆ ಪ್ರವೇಶಿಸಿದೆ..

ಇದೀಗ ಈ ಚಿತ್ರದ OTT ಸ್ಟ್ರೀಮಿಂಗ್ ದಿನಾಂಕವನ್ನು ಅಂತಿಮಗೊಳಿಸಲಾಗಿದ್ದು, ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ ಎನ್ನಲಾಗುತ್ತಿದೆ.. 

ಇದನ್ನೂ ಓದಿ-Parineethi Chopra: ಮದುವೆಯ ಬಳಿಕ ಮೊದಲ ಕರ್ವ ಚೌತ್‌ ಆಚರಿಸಿದ ಬಾಲಿವುಡ್‌ ನಟಿ

ಲಿಯೋ ಚಿತ್ರವು ನವೆಂಬರ್ 16 ರಂದು OTT ನಲ್ಲಿ ಸ್ಟ್ರೀಮ್ ಆಗಲಿದೆಯಂತೆ. ಈ ಸಿನಿಮಾದ OTT ಹಕ್ಕುಗಳನ್ನು ಪ್ರಮುಖ OTT ಕಂಪನಿ Netflix ಸ್ವಾಧೀನಪಡಿಸಿಕೊಂಡಿದೆ. ಇದರ ಕುರಿತ ಅಧಿಕೃತ ಪ್ರಕಟಣೆ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.. 

ಒಟಿಟಿಯಲ್ಲಿ ಈ ಸಿನಿಮಾ ಸ್ವಲ್ಪ ಹೆಚ್ಚು ಅವಧಿ ಇರಲಿದೆಯಂತೆ. ಈ ಬಗ್ಗೆ ಈಗಾಗಲೇ ಚಿತ್ರದ ನಿರ್ದೇಶಕ ಲೋಕೇಶ್ ಸ್ಪಷ್ಟನೆ ನೀಡಿದ್ದಾರೆ. ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ಆವೃತ್ತಿಯನ್ನು ಹೊರತುಪಡಿಸಿ, ಹಲವು ಬದಲಾವಣೆಗಳನ್ನು ಮಾಡಲಾಗಿದೆಯಂತೆ. ಅದರ ಭಾಗವಾಗಿ ಒಟಿಟಿಯಲ್ಲಿ ಹೊಸ ಆವೃತ್ತಿ ಬರಲಿದೆಯಂತೆ. ಥಿಯೇಟರ್‌ಗಳಲ್ಲಿ 2 ಗಂಟೆ 45 ನಿಮಿಷಗಳ ಅವಧಿಯ ಚಿತ್ರವು ಕೆಲವು ಹೊಸ ದೃಶ್ಯಗಳೊಂದಿಗೆ ಸುಮಾರು 3 ಗಂಟೆ 6 ನಿಮಿಷಗಳ ಕಾಲ ಇರಲಿದೆಯಂತೆ.