ಖ್ಯಾತ ಚಲನಚಿತ್ರ ನಿರ್ದೇಶಕ, ರಾಷ್ಟ್ರ ಪ್ರಶಸ್ತಿ ವಿಜೇತ ಕೆಜಿ ಜಾರ್ಜ್ ನಿಧನ..!

Director KG George : ಮಲಯಾಳಂನ ಹಿರಿಯ ಚಲನಚಿತ್ರ ನಿರ್ದೇಶಕ ಮತ್ತು ರಾಷ್ಟ್ರ ಪ್ರಶಸ್ತಿ ವಿಜೇತ ಕೆ.ಜಿ.ಜಾರ್ಜ್ ನಿಧನರಾಗಿದ್ದಾರೆ. ಕೇರಳದ ಕಾಕ್ಕನಾಡು ಸಮೀಪದ ವೃದ್ಧಾಶ್ರಮದಲ್ಲಿ ಸೆಪ್ಟೆಂಬರ್ 24, ಭಾನುವಾರ ಸ್ವರ್ಗಸ್ಥರಾಗಿದ್ದಾರೆ. ಅವರಿಗೆ 78 ವರ್ಷ ವಯಸ್ಸಾಗಿತ್ತು.

ಕೆ.ಜಿ.ಜಾರ್ಜ್ ಐದು ವರ್ಷಗಳ ಹಿಂದೆ ಪಾರ್ಶ್ವವಾಯುವಿಗೆ ತುತ್ತಾಗಿದ್ದರು. ದಕ್ಷಿಣ ಸಿನಿ ಇಂಡಸ್ಟ್ರಿಯ ಸೆಲೆಬ್ರಿಟಿಗಳು ಮತ್ತು ರಾಜಕಾರಣಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂತಾಪ ಸೂಚಿಸುತ್ತಿದ್ದಾರೆ. ಕೆ.ಜಿ.ಜಾರ್ಜ್ ಅವರ ಅಂತ್ಯಕ್ರಿಯೆ ಮಂಗಳವಾರ ನಡೆಯುವ ಸಾಧ್ಯತೆ ಇದೆ ಎಂದು ವೃದ್ಧಾಶ್ರಮ ಆಡಳಿತ ಮಂಡಳಿ ತಿಳಿಸಿದೆ.

ಇದನ್ನೂ ಓದಿ: 

ಹಲವಾರು ಶಾಸ್ತ್ರೀಯ ಚಲನಚಿತ್ರಗಳನ್ನು ನೀಡುವ ಮೂಲಕ ಮಲಯಾಳಂ ಚಿತ್ರರಂಗವನ್ನು ಮರುಶೋಧಿಸಿದ ನಿರ್ದೇಶಕ ಕೆಜಿ ಚಾರ್ಜ್‌ ಒಂದು ದಂತಕಥೆ. ಅವರ ಅತ್ಯುತ್ತಮ ಚಲನಚಿತ್ರ ಸ್ವಪ್ನಾದನಂ (1976) ರಾಷ್ಟ್ರೀಯ ಪ್ರಶಸ್ತಿ ಪಡೆಯಿತು. 1970 ರಲ್ಲಿ ತಮ್ಮ ಚಲನಚಿತ್ರ ವೃತ್ತಿಜೀವನವನ್ನು ಪ್ರಾರಂಭಿಸಿದ ಚಾರ್ಜ್‌ ಒಟ್ಟು ಒಂಬತ್ತು ರಾಜ್ಯ ಚಲನಚಿತ್ರ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ.

ಜಾರ್ಜ್ ಅವರು ಉಲ್ಕದ್ದಲ್ (1979), ಒನಪ್ಪುದವ (1978), ಯವನಿಕಾ (1982) ಮತ್ತು ಅದಮಿಂತೆ ವರಿಯೆಲ್ಲು (1984) ನಿರ್ದೇಶಕರಾಗಿ ಸಹ ಭಾಗವಾಗಿದ್ದರು. 2015 ರಲ್ಲಿ, ಅವರು ಜೆಸಿ ಡೇನಿಯಲ್ ಪ್ರಶಸ್ತಿಗೆ ಆಯ್ಕೆಯಾದರು. ʼಜೆಸಿ ಡೇನಿಯಲ್‌ ಪ್ರಶಸ್ತಿʼ ಮಲಯಾಳಂ ಚಿತ್ರರಂಗಕ್ಕೆ ನೀಡಿದ ಅತ್ಯುತ್ತಮ ಕೊಡುಗೆಗಾಗಿ ಕೇರಳ ಸರ್ಕಾರದಿಂದ ನೀಡುವ ಅತ್ಯುನ್ನತ ಗೌರವವಾಗಿದೆ.