ಒಂದೇ ದಿನದಲ್ಲಿ ನಟ ಮನೋಜ್‌ 8 ಪ್ಯಾಕ್ಸ್‌ ಪಡೆದದ್ದು ಹೇಗೆ ಗೊತ್ತೆ..! ನಿಮ್ಗೂ ಇದು ಸಾಧ್ಯ

Killer soup : ಪ್ರಸ್ತುತ ನೆಟ್‌ಫ್ಲಿಕ್ಸ್‌ನಲ್ಲಿ 'ಕಿಲ್ಲರ್ ಸೂಪ್' ವೆಬ್ ಸರಣಿ ಸಖತ್‌ ಸೌಂಡ್‌ ಮಾಡುತ್ತಿದೆ. ನಟ ಮನೋಜ್ ಬಾಜ್‌ಪೇಯಿ ಅಭಿಯನದ ಈ ವೆಬ್‌ ಸರಣಿಗೆ ಪ್ರೇಕ್ಷಕರು ಉತ್ತಮ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಇನ್ನು ಈ ವರ್ಷದ ಮೊದಲ ದಿನ ಮನೋಜ್‌ ಅವರ ಏಟ್‌ ಪ್ಯಾಕ್ಸ್‌ ಫೋಟೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು. ಸಧ್ಯ ಈ ಕುರಿತು ನಟ ಬಹಿರಂಗಪಡಿಸಿದ್ದಾರೆ.

ಹೌದು.. ಕಟ್‌ ಮಸ್ತ್‌ ಬಾಡಿ, ಶರ್ಟ್‌ಲೆಸ್ ಫೋಟೋವನ್ನು ಪೋಸ್ಟ್ ಮಾಡಿ ಮನೋಜ್‌ ಎಲ್ಲರಿಗೂ ಶಾಕ್‌ ನೀಡಿದ್ದರು. ಅವರ ಸರಣಿಯ ಪ್ರಚಾರದ ಭಾಗವಾಗಿ, ನಟ ಈ ಫೋಟೋವನ್ನು ಹಂಚಿಕೊಂಡಿದ್ದರು. ಅಲ್ಲದೆ, “ಹೊಸ ವರ್ಷ ಹೊಸ ನಾನು! ನೋಡಿ.. ಕಿಲ್ಲರ್‌ ಲುಕ್‌ ಅಂತ ಶೀರ್ಷಿಕೆ ಬರೆದುಕೊಂಡಿದ್ದರು. ಈ ಫೋಟೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು.

ಇದನ್ನೂ ಓದಿ: ʻಬ್ಯಾಚುಲರ್‌ ಪಾರ್ಟಿʼನಲ್ಲಿ ಈ ನಟಿಯನ್ನೇ ನೋಡಲು ರಕ್ಷಿತ್‌ ಬಂದಿದ್ದರು: ದಿಗಂತ್‌-ಯೋಗಿ!

ಮನೋಜ್‌ ಎಟ್‌ ಪ್ಯಾಕ್ಸ್‌ ನೆಟ್ಟಿಗರಿಗೆ ಶಾಕ್‌ ನೀಡಿತ್ತು. ಕೆಲವರು ಹೇಗೆ ಸಾಧ್ಯ ಅಂತ ಹಾಗೂ ಟಿಪ್ಸ್‌ ಕೇಳಿ ಕಾಮೆಂಟ್‌ ಮಾಡಿದ್ದರು. ಸಧ್ಯ ತಮ್ಮ ಬಾಡಿ ರಹಸ್ಯವನ್ನು ಮನೋಜ್‌ ಬಯಲು ಮಾಡಿದ್ದಾರೆ. ಈ ಚಿತ್ರವನ್ನು 'ಕಿಲ್ಲರ್ ಸೂಪ್' ಪ್ರಚಾರದ ಭಾಗವಾಗಿ ಮಾರ್ಫ್ ಮಾಡಲಾಗಿದೆ ಅಂತ ನಿಜ ತಿಳಿಸಿದ್ದಾರೆ. ಈ ಸುದ್ದಿ ಕೇಳಿ ಅವರ ಫ್ಯಾನ್ಸ್‌ ಶಾಕ್‌ ಆಗಿದ್ದಾರೆ.

ಜನವರಿ 11 ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾದ ʼಕಿಲ್ಲರ್‌ ಸೂಪ್‌ʼನಲ್ಲಿ ಪ್ರಭಾಕರ್ 'ಪ್ರಭು' ಶೆಟ್ಟಿ ಮತ್ತು ಉಮೇಶ್ ಶೆಟ್ಟಿಯಾಗಿ ದ್ವಿಪಾತ್ರದಲ್ಲಿ ಮನೋಜ್ ನಟಿಸಿದ್ದಾರೆ. ಅಭಿಷೇಕ್ ಚೌಬೆ ನಿರ್ದೇಶನ ಈ ವೆಬ್‌ ಸರಣಿಯನ್ನು ಹನಿ ಟ್ರೆಹಾನ್ ಮತ್ತು ಚೇತನಾ ಕೌಶಿಕ್ ನಿರ್ಮಿಸಿದ್ದಾರೆ. ವೆಬ್ ಸರಣಿಯಲ್ಲಿ ನಾಸರ್, ಸಯಾಜಿ ಶಿಂಧೆ ಮತ್ತು ಲಾಲ್ ಕೂಡ ನಟಿಸಿದ್ದಾರೆ.