ಚಿರಂಜೀವಿ ಬೆಳಗ್ಗೆ ಎದ್ದಾಗ ಮೊದಲು ನೋಡುವುದೇ ಈ ಖ್ಯಾತ ನಟಿಯ ಫೋಟೋ..!

Megastar Chiranjeevi Morning Routine: ಮೆಗಾಸ್ಟಾರ್ ಚಿರಂಜೀವಿ ಬಗ್ಗೆ ತೆಲುಗು ಪ್ರೇಕ್ಷಕರಿಗೆ ಪರಿಚಯವೇ ಬೇಡ. ಸುಮಾರು ಒಂದು ದಶಕದ ಕಾಲ ಚಿತ್ರರಂಗದಲ್ಲಿ ಟಾಪ್‌ ಹೀರೋ ಆಗಿದ್ದವರು. ಇದೀಗ ಮೆಗಾಸ್ಟಾರ್ ಚಿರಂಜೀವಿ ಕುರಿತ ಇಂಟರೆಸ್ಟಿಂಗ್‌ ವಿಚಾರವೊಂದು ವೈರಲ್‌ ಆಗುತ್ತಿದೆ. ಚಿರಂಜೀವಿ ಅವರು ಬೆಳಗ್ಗೆ ಎದ್ದ ನಂತರ ಯಾರ ಮುಖವನ್ನು ಮೊದಲು ನೋಡುತ್ತಾರೆ ಎಂಬ ಸಂಗತಿ ರಿವೀಲ್‌ ಆಗಿದೆ.

ಮೆಗಾಸ್ಟಾರ್ ಚಿರಂಜೀವಿ ಸ್ವಪ್ರಯತ್ನದಿಂದ ಒಂದೊಂದೇ ಮೆಟ್ಟಿಲು ಏರುತ್ತಾ ಸೂಪರ್ ಹೀರೋ ಆದರು. ಟಾಲಿವುಡ್ ಚಿತ್ರರಂಗದಲ್ಲಿ ವಿಶೇಷ ಸಿನಿಮಾಗಳನ್ನು ನೀಡಿದ್ದಾರೆ. ಇತ್ತೀಚೆಗಷ್ಟೇ ಕೇಂದ್ರ ಸರ್ಕಾರ ಮೆಗಾಸ್ಟಾರ್ ಚಿರಂಜೀವಿ ಅವರಿಗೆ ಪದ್ಮವಿಭೂಷಣ ಪ್ರಶಸ್ತಿ ನೀಡಿ ಗೌರವಿಸಿದೆ.

ಚಿರಂಜೀವಿ ಬೆಳಗ್ಗೆ ಎದ್ದಾಗ ಯಾರ ಮುಖ ನೋಡುತ್ತಾರೆ ಎಂಬುದು ಇತ್ತೀಚೆಗೆ ಬೆಳಕಿಗೆ ಬಂದಿದೆ. ಬೆಳಗ್ಗೆ ಎದ್ದಾಗ ಹಲವರು ಮೊದಲು ನೋಡುವುದು ದೇವರ ಫೋಟೋ. ಆದರೆ ಚಿರಂಜೀವಿ ಹಾಗಲ್ಲ. ಅವರು ಬೆಳಗ್ಗೆ ಎದ್ದ ತಕ್ಷಣ ಮೊದಲು ನೋಡುವುದು ತಮ್ಮ ನೆಚ್ಚಿನ ಮೇರು ನಟಿ ಸಾವಿತ್ರಿ ಅವರ ಫೋಟೋ. ಸಾವಿತ್ರಿ ಅವರ ಪುತ್ರಿ ಚಾಮುಂಡೇಶ್ವರಿ ಇತ್ತೀಚೆಗೆ ಈ ವಿಚಾರ ರಿವೀಲ್‌ ಮಾಡಿದ್ದಾರೆ. ಚಿರಂಜೀವಿ ದಂಪತಿಗಳು ಸಾವಿತ್ರಿ ಅವರ ಇತ್ತೀಚಿನ ಪುಸ್ತಕ 'ಸಾವಿತ್ರಿ ಕ್ಲಾಸಿಕ್ಸ್' ಅನ್ನು ಮಂಗಳವಾರ ಅನಾವರಣಗೊಳಿಸಿದರು. ಮುಂಜಾನೆ ಎದ್ದಾಗ ಸಾವಿತ್ರಿ ಅವರ ಫೋಟೋ ನೋಡದೇ ಅವರು ಬೇರೇನೂ ಮಾಡಲ್ಲ ಎಂಬ ವಿಚಾರ ಈ ಸಂದರ್ಭದಲ್ಲಿ ರಿವೀಲ್‌ ಆಗಿದೆ.

ಇದನ್ನೂ ಓದಿ: ಅನುಷ್ಕಾ ಶೆಟ್ಟಿ ಜೊತೆ ನಾಗಚೈತನ್ಯ ಮದುವೆ ಆಗಿದ್ರಾ? ಹಾಗಾದ್ರೆ ಸಮಂತಾ ಮೊದಲ ಪತ್ನಿ ಅಲ್ವಾ? ನಾಗಾರ್ಜುನʼಗೂ ಗೊತ್ತಿತ್ತಂತೆ ಈ ವಿಚಾರ!!

ಚಿರಂಜೀವಿ ಅವರು ‘ಪುನಾಡಿ ರಾಳು’ ಸಿನಿಮಾದಲ್ಲಿ ಮಹಾನಟಿ ಸಾವಿತ್ರಿ ಜತೆ ನಟಿಸಿದ್ದು ನನ್ನ ಅದೃಷ್ಟ ಎಂದರು. ಸಾವಿತ್ರಿ ಅವರು, ನನ್ನ ನೃತ್ಯ ನೋಡಿ ನಾನು ಒಳ್ಳೆಯ ನಟನಾಗುತ್ತೇನೆ ಎಂದು ಆಶೀರ್ವದಿಸಿದರು. ಈ ಸಂದರ್ಭದಲ್ಲಿ ಮಹಾನಟಿ ಸಾವಿತ್ರ ಅವರೊಂದಿಗೆ ಕಳೆದ ಮಧುರ ಕ್ಷಣಗಳನ್ನು ಚಿರಂಜೀವಿ ನೆನಪಿಸಿಕೊಂಡರು.

ಸದ್ಯಕ್ಕೆ ಚಿರಂಜೀವಿ ಅವರು ವಶಿಷ್ಠ ನಿರ್ದೇಶನದ ‘ವಿಶ್ವಂಭರ’ ಸಿನಿಮಾದಲ್ಲಿ ಕೆಲಸ ಬ್ಯುಸಿಯಾಗಿದ್ದಾರೆ. ಸೋಷಿಯೋ ಫ್ಯಾಂಟಸಿ ಹಿನ್ನೆಲೆಯಲ್ಲಿ ತಯಾರಾಗುತ್ತಿರುವ ಈ ಚಿತ್ರದ ಮೇಲೆ ಭಾರೀ ನಿರೀಕ್ಷೆಗಳಿವೆ. ಈ ಚಿತ್ರದಲ್ಲಿ ಚಿರುಗೆ ನಾಯಕಿಯಾಗಿ ತ್ರಿಶಾ ನಟಿಸುತ್ತಿದ್ದಾರೆ. ಈ ಸಿನಿಮಾ ಮುಂದಿನ ವರ್ಷ ಸಂಕ್ರಾಂತಿಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. 

ಇದನ್ನೂ ಓದಿ: "ಆಹಾ.. ಆ ಮೂಗು, ತುಟಿ, ಕಣ್ಣು..." ಮೃಣಾಲ್ ಠಾಕೂರ್ ಅಂದ ವರ್ಣಿಸಿದ ವಿಜಯ್ ದೇವರಕೊಂಡ!! ರಶ್ಮಿಕಾ ಏನಂತಾರೆ?