`ಲೈಗರ್` ಸಿನಿಮಾ ಮಾಡಿದ್ದನ್ನೇ ಮರೆತು ಹೋದ್ರಾ ಮೈಕ್‌ ಟೈಸನ್..?
ಯಾಕೋ ವಿಜಯ್‌ ದೇವರಕೊಂಡ ಚಿತ್ರಕ್ಕೆ ಎಲ್ಲಾ ಉಲ್ಟಾ ಹೊಡೆಯುತ್ತಿದೆ. ಸಿಕ್ಕಾಪಟ್ಟೆ ಹೋಪ್‌ ಇಟ್ಟುಕೊಂಡು ನಿರ್ಮಿಸಿದ್ದ'ಲೈಗರ್' ಸಿನಿಮಾ ಮಕಾಡೆ ಮಲಗಿದೆ ಎಂಬ ವಿಮರ್ಶೆ ಕೇಳಿಬರುತ್ತಿದೆ. ಇನ್ನೂ ಈ ಹೊತ್ತಲ್ಲೇ ಬಾಕ್ಸಿಂಗ್‌ ದಂತಕಥೆ ಮೈಕ್‌ ಟೈಸನ್ ಕೂಡ 'ಲೈಗರ್' ತಂಡಕ್ಕೆ ಬಿಗ್‌ ಶಾಕ್‌ ಕೊಟ್ಟಿದ್ದಾರೆ. ಟೈಸನ್ ನೀಡಿರುವ ಆ ಒಂದು ಹೇಳಿಕೆ ದೇಶಾದ್ಯಂತ ಸಂಚಲನ ಸೃಷ್ಟಿಸಿದೆ.
ಇದನ್ನೂ ಓದಿ: ಚಿತ್ರದುರ್ಗದ ಮಠದ ಮುರುಘಾಶರಣರ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಎಫ್ಐಆರ್ ದಾಖಲು!
ಖಾಸಗಿ ಸಂದರ್ಶನದಲ್ಲಿ ಮೈಕ್‌ ಟೈಸನ್‌ಗೆ 'ಲೈಗರ್' ಕುರಿತು ಪ್ರಶ್ನೆಯೊಂದನ್ನ ಕೇಳಲಾಗಿದೆ. ಆದ್ರೆ ಮೈಕ್‌ ಟೈಸನ್ ಈ ಪ್ರಶ್ನೆಗೆ ವ್ಯತಿರಿಕ್ತವಾಗಿ ಉತ್ತರಿಸಿದ್ದಾರೆ. 'ಲೈಗರ್ ಬಗ್ಗೆ ನನಗೆ ಸ್ವಲ್ಪ ಹೇಳಿ' ಎಂದು ಪ್ರಶ್ನೆ ಕೇಳಿದವರನ್ನೇ ಪ್ರಶ್ನಿಸಿದ್ದಾರೆ. ಅಲ್ದೆ 'ಲೈಗರ್' ಹೆಸರು ಎತ್ತಿದಾಗ ವಿಜ್ಞಾನದ ಬಗ್ಗೆ ಮಾತನಾಡಿದ್ದಾರೆ. 'ನಾನು ಲೈಗರ್ ತಳಿಯನ್ನು ನೋಡಿದ್ದೀನಿ. ಅದು ತುಂಬಾ ದೊಡ್ಡದಾಗಿರುತ್ತೆ. ಅದು ಲಯನ್‌ ಮತ್ತು ಟೈಗರ್‌ ಮಿಶ್ರತಳಿ' ಎಂದಿದ್ದಾರೆ. ವಿಡಿಯೋ ಈಗ ಎಲ್ಲೆಲ್ಲೂ ವೈರಲ್‌ ಆಗುತ್ತಿದ್ದು, ಟೈಸನ್ ಹೀಂಗೆಲ್ಲಾ ಮಾತನಾಡಿದ್ದು ತಮಾಷೆಗಾಗಿನಾ? ಇಲ್ಲ ಸೀರಿಯಸ್‌ ಆಗಿನಾ? ಎಂಬ ಬಿಲಿಯನ್‌ ಡಾಲರ್ ಪ್ರಶ್ನೆ ನಟ ವಿಜಯ್‌ ದೇವರಕೊಂಡ ಅಭಿಮಾನಿಗಳಲ್ಲಿ ಕಾಡುತ್ತಿದೆ.
ಇದನ್ನೂ ಓದಿ: Viral Video: ಮಲಗಿದ್ದ ಮಹಿಳೆಯ ಮೇಲೆ ಹೆಡೆ ಎತ್ತಿ ಕುಳಿತ ನಾಗರಹಾವು!
ಟೈಸನ್ ಫೈಟ್‌..!
'ಲೈಗರ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಮೈಕ್‌ ಟೈಸನ್ ಎಂಟ್ರಿಯಾಗಿದ್ದರು. ಹೀಗಾಗಿ 'ಲೈಗರ್' ಸಿಕ್ಕಾಪಟ್ಟೆ ಕ್ರೇಜ್‌ ಕೂಡ ಕ್ರಿಯೇಟ್‌ ಸೃಷ್ಟಿಮಾಡಿತ್ತು. ಆದರೆ ಎಲ್ಲಾ ನಿರೀಕ್ಷೆ ಸಿನಿಮಾ ರಿಲೀಸ್‌ ಆದ ಬಳಿಕ ಹುಸಿಯಾಗ್ತಾ ಬಂತು. ನೋಡ ನೋಡುತ್ತಿದ್ದಂತೆ 'ಲೈಗರ್' ಸೋತಿದೆ ಎಂಬ ಮಾತು ಕೇಳಿಬರುತ್ತಿದೆ. ರಿಲೀಸ್‌ ಆದ 3 ದಿನಕ್ಕೆ ಅಭಿಮಾನಿಗಳಿಂದ ನೆಗೆಟಿವ್‌ ಕಮೆಂಟ್ ಕೇಳಿಬರುತ್ತಿವೆ. ಇದರ ಜೊತೆಗೆ ಮೈಕ್‌ ಟೈಸನ್ 'ಲೈಗರ್' ಚಿತ್ರದ ಕುರಿತಾಗಿ ಹೇಳಿರುವ ಮಾತು ಕೂಡ ವೈರಲ್‌ ಆಗುತ್ತಿದೆ.
ನಟ ವಿಜಯ್‌ ದೇವರಕೊಂಡ ಅಭಿನಯದ 'ಲೈಗರ್' ಸಿನಿಮಾ ಕುರಿತು ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ. ಒಂದು ಕಡೆ 'ಲೈಗರ್' ಸೋತಿರುವ ಮುನ್ಸೂಚನೆ ಸಿಗುತ್ತಿದ್ದರೆ, ಮತ್ತೊಂದು ಕಡೆ ವಿಜಯ್‌ ದೇವರಕೊಂಡ ವರ್ತನೆಗೆ ಸಿನಿಮಾ ತಜ್ಞರ ಕಡೆಯಿಂದ ಬೇಸರ ವ್ಯಕ್ತವಾಗುತ್ತಿದೆ. ಇನ್ನು ಲೈಗರ್ ಸಿನಿಮಾ ಮೊದಲ ದಿನಕ್ಕೆ ₹33 ಕೋಟಿ ಕಲೆಕ್ಷನ್‌ ಮಾಡಿದ್ದರೆ, 2ನೇ ದಿನಕ್ಕೆ ಹಿಂದಿ ವರ್ಷನ್‌ನಲ್ಲಿ ಈ ಮೊತ್ತ ಕುಸಿದಿದೆ ಎನ್ನಲಾಗಿದೆ. ಮತ್ತೊಂದ್ಕಡೆ ವಿಜಯ್‌ ದೇವರಕೊಂಡ ಹಿಂದೆ ನೀಡಿದ್ದ ಹೇಳಿಕೆ, ಟ್ವೀಟ್ಟರ್‌ ಪೋಸ್ಟ್‌ ವೈರಲ್‌ ಆಗ್ತಿದೆ. ಸೋಷಿಯಲ್‌ ಮೀಡಿಯಾದಲ್ಲಿ ದೇವರಕೊಂಡ ವಿರುದ್ಧ ಜನರು ಮುಗಿಬಿದ್ದಿದ್ದು, 'ಲೈಗರ್' ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.