ಮಹೇಶ್ ಬಾಬು ಬೈಸೆಪ್ಸ್ ನೋಡಿ ಶಾಕ್‌ ಆದ ಪತ್ನಿ ನಮ್ರತಾ..! `ಮಾತೆ ಬರ್ತಿಲ್ಲವಂತೆ`

Mahesh babu workout photo : ತೆಲುಗು ಚಿತ್ರರಂಗದಲ್ಲಿ ಮಹೇಶ್ ಬಾಬು ಮತ್ತು ನಮ್ರತಾ ಶಿರೋಡ್ಕರ್ ಅತ್ಯಂತ ಪ್ರಸಿದ್ಧ ಜೋಡಿಗಳಲ್ಲಿ ಒಂದು. ಇತ್ತೀಚೆಗೆ, ನಮ್ರತಾ ತಮ್ಮ ಪತಿ-ನಟ ಮಹೇಶ್ ಬಾಬು ಅವರ ವರ್ಕೌಟ್ ಪೋಸ್ಟ್‌ಗೆ ಪ್ರತಿಕ್ರಿಯೆ ನೀಡಿದ್ದು, ಸೋಷಿಯಲ್‌ ಮೀಡಿಯಾದಲ್ಲಿ ಹೈಪ್‌ ಕ್ರಿಯೇಟ್‌ ಮಾಡಿತ್ತು. ಅಂದಹಾಗೆ ಟಾಲಿವುಡ್‌ ಸೂಪರ್‌ಸ್ಟಾರ್ ನಟ ಜಿಮ್‌ನಲ್ಲಿ ವ್ಯಾಯಾಮ ಮಾಡುತ್ತಿರುವ ಫೋಟೋ ಶೇರ್‌ ಮಾಡಿದ್ದರು.

ಹೌದು.. ನಟ ಮಹೇಶ್‌ ಬಾಬು ಜಿಮ್‌ನಲ್ಲಿ ವರ್ಕೌಟ್‌ ಮಾಡುತ್ತಿರುವ ಬ್ಲ್ಯಾಕ್‌ ಅಂಡ ವೈಟ್‌ ಚಿತ್ರವನ್ನು ಹಂಚಿಕೊಂಡಿದ್ದರು. ಅದರಲ್ಲಿ ಟಿ-ಶರ್ಟ್‌ ಧರಿಸಿ, ಹಾರ್ಡ್‌ ಬೈಸೆಪ್ಸ್ ತೋರಿಸಿದ್ದರು. ಅಲ್ಲದೆ "ಕಠಿಣ ಪರಿಶ್ರಮದ ವಿಷಯಕ್ಕೆ ಬಂದಾಗ ಕಪ್ಪು ಮತ್ತು ಬಿಳಿಪು ಮ್ಯಾಟರ್‌ ಅಲ್ಲ... ಹಾರ್ಡ್‌ ವರ್ಕ್‌ ಮುಖ್ಯ ಎಂದು ಶೀರ್ಷಿಕೆ ಬರೆದುಕೊಂಡಿದ್ದರು. 

ಇದನ್ನೂ ಓದಿ: ವಿಷ್ಣು ʼಕಣ್ಣಪ್ಪʼ ಚಿತ್ರದಲ್ಲಿ ಶಿವಣ್ಣ : ಪ್ರಭಾಸ್‌ ಶಿವನಾದ್ರೆ, ಹ್ಯಾಟ್ರಿಕ್‌ ಹೀರೋ ಪಾತ್ರವೇನು?

ಇನ್ನು ಮಹೇಶ್‌ ಅವರ ಪತ್ನಿ ನಮ್ರತಾ ಈ ಪೋಸ್ಟ್‌ಗೆ ಪ್ರತಿಕ್ರಿಯೆ ನೀಡಿದ್ದು, "ಮಾತೆ ಬರುತ್ತಿಲ್ಲ" ಅಂತ ಫೈರ್‌ ಎಮೋಜಿ ಕಾಮೆಂಟ್ ಮಾಡಿದ್ದಾರೆ. ಅಲ್ಲದೆ, ನಮ್ರತಾ ಸಹೋದರಿ ಶಿಲ್ಪಾ ಶಿರೋಡ್ಕರ್ ಹಾರ್ಟ್‌ ಮತ್ತು ಕಣ್ಣಿನ ಎಮೋಜಿ ಪೋಸ್ಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನೆಟ್ಟಿಗರು ಸಹ ಈ ಫೋಟೋಗೆ ವಿಭಿನ್ನವಾಗಿ ಕಾಮೆಂಟ್‌ ಮಾಡುತ್ತಿದ್ದಾರೆ.

ಮಹೇಶ್ ಬಾಬು ಮತ್ತು ನಮ್ರತಾ ಫೆಬ್ರವರಿ 10, 2005 ರಂದು ವಿವಾಹವಾದರು. ಅವರಿಗೆ 17 ವರ್ಷದ ಮಗ ಗೌತಮ್ ಘಟ್ಟಮನೇನಿ ಮತ್ತು ಮಗಳು ಸಿತಾರಾ ಘಟ್ಟಮನೇನಿ ಇದ್ದಾರೆ. ಈ ವರ್ಷದ ಆರಂಭದಲ್ಲಿ, ದಂಪತಿಗಳು ತಮ್ಮ 18 ನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದರು.

ಸಿನಿಮಾ ವಿಚಾರವಾಗಿ ಹೇಳುವುದಾದರೆ, ಮಹೇಶ್ ಬಾಬು ನಟನೆಯ 'ಗುಂಟೂರ್ ಕಾರ' ರಿಲೀಸ್‌ಗೆ ರೆಡಿಯಾಗಿದೆ. ಈ ಚಿತ್ರವನ್ನು ತ್ರಿವಿಕ್ರಮ್ ಶ್ರೀನಿವಾಸ್ ನಿರ್ದೇಶಿಸಿದ್ದಾರೆ. ಇದಲ್ಲದೆ ಆರ್‌ಆರ್‌ಆರ್‌ ಸೃಷ್ಟಿಕರ್ತ ಎಸ್ಎಸ್ ರಾಜಮೌಳಿ ಅವರೊಂದಿಗೆ ಇಂಡಿಯಾನಾ ಜೋನ್ಸ್ ಶೈಲಿಯ ಹೆಸರಿಸದ ಆಕ್ಷನ್ ಚಿತ್ರವನ್ನೂ ಮಾಡಲಿದ್ದಾರೆ.