'ಎಣ್ಣೆ ನಮ್ದು ಊಟ ನಿಮ್ದು' ಎನ್ನುತ್ತಲೇ ಕನ್ನಡ ಸಿನಿ ಪ್ರೇಕ್ಷಕರಿಗೆ ಸಂಗೀತದ ನಶೆ ಏರಿಸುತ್ತಿರುವ ನವೀನ್ ನಜ್ಜು ದುನಿಯಾ ವಿಜಯ್ ಅಭಿನಯದ 'ಕನಕ' ಚಿತ್ರದ ಮೂಲಕ ಮೊದಲ ಬಾರಿಗೆ ಸಂಗೀತ ನಿರ್ದೇಶಿಸುತ್ತಿದ್ದಾರೆ.


COMMERCIAL BREAK
SCROLL TO CONTINUE READING

ಈ ಚಿತ್ರದ ಪ್ರೊಮೊ ವಿಡಿಯೋ ಸಾಂಗ್ 'ಎಣ್ಣೆ ನಮ್ದು ಊಟ ನಿಮ್ದು' ಎನ್ನುವ ಹಾಡು ಈಗಾಗಲೇ ಯೌಟ್ಯೂಬ್ನಲ್ಲಿ ಸಾಕಷ್ಟು ಹವಾ ಕ್ರಿಯೇಟ್ ಮಾಡಿದೆ. ವರ್ಷದ ಕೊನೆಯ ವಾರದಂದು ಬಿಡುಗಡೆಯಾದ ಈ ಹಾಡು ಸಿನಿ ರಸಿಕರನ್ನು ಇನ್ನು ಹೊಸ ವರ್ಷವನ್ನು 'ಎಣ್ಣೆ'ಯ ಗುಂಗಿನಲ್ಲಿರುವಂತೆ ಮಾಡಿದೆ. ಚಿತ್ರದ ಪ್ರೊಮೊ ಸಾಂಗ್ ಬಿಡುಗಡೆಯಾಗಿ ಒಂದು ವಾರ ಕಳೆದರು ಸಹಿತ ಇನ್ನು ಯುಟ್ಯೂಬ್ ನಲ್ಲಿ ಟ್ರೆಂಡಿಂಗ್ ಪಟ್ಟಿಯಲ್ಲಿದೆ. ಈ ಎಣ್ಣೆ ಹಾಡಿನ ಪ್ರೊಮೊ ವಿಡಿಯೋವನ್ನು ಪ್ರತಿ ಗಂಟೆಗೆ ಮೂರು ಸಾವಿರಕ್ಕಿಂತಲೂ ಹೆಚ್ಚು ಜನರು ವೀಕ್ಷಿಸುತ್ತಿದ್ದಾರೆ. ಈಗಾಗಲೇ  6 ಲಕ್ಷ ಜನರು ಈ ಹಾಡನ್ನು ಯುಟ್ಯೂಬ್ ನಲ್ಲಿ ವೀಕ್ಷಿಸಿದ್ದಾರೆ.


ಕೈಲಾಶ್ ಖೇರ್ ಹಾಡಿರುವ ಕನಕ ಚಿತ್ರದ ಟೈಟಲ್ ಸಾಂಗ್ ಗಿಂತ ಈ ಹಾಡು ಹೆಚ್ಚು ಜನಪ್ರಿಯವಾಗಿದೆ. ಆ ಮೂಲಕ ನವೀನ್  ತಮ್ಮ ಸಂಗೀತದ ಮೂಲಕ ಕನ್ನಡದ ಪ್ರೇಕ್ಷಕರನ್ನು ಅಮಲೆರಿಸುವಂತೆ ಮಾಡಿದ್ದಾರೆ. ನವೀನ ಸಜ್ಜು ಈ ಚಿತ್ರದಲ್ಲಿ ತಮ್ಮದೇ ವಿಶಿಷ್ಟವಾದ ಸಾಹಿತ್ಯ ಮತ್ತು ಸಂಗೀತದ ಮೂಲಕ ಪ್ರೇಕ್ಷಕರ ಬಾಯಲ್ಲಿ ಹಾಡುಗಳನ್ನುಗುಣುಗುವಂತೆ ಮಾಡಿದ್ದಾರೆ. 


ಸ್ಯಾಂಡಲ್ ವುಡ್ ನಲ್ಲಿ ಹಿನ್ನಲೆ ಗಾಯಕನಾಗಿ, ಸಂಗೀತ ನಿರ್ದೇಶಕನಾಗಿ ಮತ್ತು ಹಾಡುಗಳ ರಚನಾಕಾರನಾಗಿ  ಹೀಗೆ ತಮ್ಮ ಬಹುಮುಖ ಪ್ರತಿಭೆಯನ್ನು ತೋರ್ಪಡಿಸುವದರ ಮೂಲಕ, ಬಹಳ ದಿನಗಳ ನಂತರ ಗಾಯಕ, ಸಂಗೀತ ನಿರ್ದೇಶಕ, ಗೀತ ರಚನೆಗಾರ ಹೀಗೆ ಎಲ್ಲ ಅಂಶಗಳನ್ನು ಮೇಳೈಸಿದಂತಿರುವ ವ್ಯಕ್ತಿಯೊಬ್ಬರು ಕನ್ನಡ ಚಿತ್ರರಂಗಕ್ಕೆ ನವೀನ ಸಜ್ಜು ಮೂಲಕ ದೊರಕಿದ್ದಾರೆ.


ಸ್ಯಾಂಡಲ್ ವುಡ್ ಗೆ ಮೊದಲ ಯತ್ನದಲ್ಲೇ ಭರ್ಜರಿ ಎಂಟ್ರಿ ಕೊಟ್ಟಿರುವ ನವೀನ ಸಜ್ಜು ಬಗ್ಗೆ ಬಾಲಿವುಡ್ ನ ಖ್ಯಾತ ಸಂಗೀತ ನಿರ್ದೇಶಕ ಮತ್ತು ಗಾಯಕ ಕೈಲಾಶ್ ಖೇರ್, ಚಿತ್ರದ ನಾಯಕ ದುನಿಯಾ ವಿಜಯ ಹಾಗೂ ನಿರ್ದೇಶಕ ಆರ್.ಚಂದ್ರು ಪ್ರಶಂಸೆಯ ಸುರಿಮಳೆಗೈದಿದ್ದಾರೆ.