ಬಿಗ್’ಬಾಸ್ ಮನೆಗೆ ಹೋಗಿಬಂದ ಅನುಭವದ ಬಗ್ಗೆ ‘ಒಳ್ಳೆ ಹುಡುಗ ಪ್ರಥಮ್’ ಹೇಳಿದ್ದು ಹೀಗೆ…

Pratham Statement on Bigg Boss: ಕರ್ನಾಟಕದಲ್ಲಿ ಸದ್ಯ ಸಖತ್ ಕ್ರೇಜ್ ಹುಟ್ಟುಹಾಕಿರುವ ಬಿಗ್ ಬಾಸ್ ಸೀಸನ್ 10 ದಿನೇ ದಿನೇ ಮಜಾ ನೀಡುತ್ತಿದೆ. ಪ್ರತೀ ದಿನ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಕೊಡುತ್ತಿರುವ ಈ ರಿಯಾಲಿಟಿ ಶೋ ಕರುನಾಡಿನ ಫೇವರೇಟ್ ಪ್ರೋಗ್ರಾಂ ಎಂದೇ ಹೇಳಬಹುದು.

ಇದನ್ನೂ ಓದಿ: ಸವಾಲೆಸೆದ ಪಾಕಿಸ್ತಾನವನ್ನು ಸದೆಬಡಿದ ಸಚಿನ್, 2015ರಲ್ಲಿ ಮೊದಲ ಪೆಟ್ಟು ನೀಡಿದ ಕೊಹ್ಲಿ, 2019ರಲ್ಲಿ ರೋಹಿತ್; ಈ ಬಾರಿ ಯಾರು?

ಇನ್ನು ದೊಡ್ಮನೆ ಆಟದಲ್ಲಿ ಲಾರ್ಡ್ ಆಗಿ ಕಳೆದ ದಿನವಷ್ಟೇ ಎಂಟ್ರಿಕೊಟ್ಟು, ಲಾರ್ಡ್ ಪ್ರಥಮ್ ಅಂದ್ರೆನೇ ನ್ಯಾಯ, ನ್ಯಾಯ ಅಂದ್ರೆನೇ ಲಾರ್ಡ್ ಪ್ರಥಮ್ ಎನ್ನುತ್ತಾ ಸ್ಪರ್ಧಿಗಳಿಗೆ ಸಖತ್ ಕ್ಲಾಸ್ ತೆಗೆದುಕೊಂಡಿದ್ದರು. ಇದೀಗ ಬಿಗ್ ಬಾಸ್ ಮನೆಯೊಳಗೆ ಹೋಗಿ ಬಂದ ಒಳ್ಳೆಹುಡುಗ ಪ್ರಥಮ್ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದು, ಹೀಗೆ ಹೇಳಿದ್ದಾರೆ…

“ಬಿಗ್ ಬಾಸ್ ಮನೆ ಯಶಸ್ಸಿನ ಹಿಂದೆ ಇಬ್ಬರ ಕೈ ಇದೆ. ಒಬ್ಬರು ಪ್ರಶಾಂತ್ ನಾಯಕ್ ಮತ್ತೊಬ್ಬರು ಪ್ರಕಾಶ್, ನಾನು ಪ್ರಶಾಂತ್ ನಾಯಕ್ ಅವರಿಗೆ ಅಭಿನಂದಿಸುತ್ತೇನೆ. ಮಾಡುವ ತಾಕತ್ ಇದ್ರೆ ಮಾತ್ರ ಇಂಥಾ ಸಾಧನೆ ಮಾಡೋಕೆ ಸಾಧ್ಯ, ಇವೆಲ್ಲವೂ ಅವರಿಬ್ಬರ ಹೆಗ್ಗಳಿಕೆ. ನನ್ನ ಕಣ್ಣಿಗೆ ಬಟ್ಟೆ ಕಟ್ಟಿ ಕರೆದುಕೊಂಡು ಹೋಗಿದ್ರು. ಅಷ್ಟರ ಮಟ್ಟಿಗೆ ಅಲ್ಲಿ ಭದ್ರತೆ ಇದೆ. ಮೇಕಪ್ ನನಗೆ ಮಾಡಿರ್ಲಿಲ್ಲ. ಯಾಕೇ ಅಂತ ಕೇಳಿದ್ರೆ ಹುಲಿ ಸಿಂಹಕ್ಕೆಲ್ಲಾ ಮೇಕಪ್ ಮಾಡ್ತಾರಾ ಅಂದ್ರು, ನಂತರ ಲಾರ್ಡ್ ಗೆಟಪ್ ಕೊಟ್ರು. ಇದಕ್ಕೆ ಅಳತೆ ಬೇಡ್ವಾ ಅಂದೆ, ಅವತ್ತು ಹೇಗೆ ಇದ್ದೀರಾ ಹಾಗೇ ಇದ್ದೀರ ಅಂತ ಮತ್ತೆ ಹೇಳಿದ್ರು. ಆಮೇಲೆ ಕಣ್ಣಿಗೆ ಬಟ್ಟೆ ಕಟ್ಟಿ ಕರ್ಕೊಂಡು ಹೋದ್ರು” ಎಂದರು.

ಇದನ್ನೂ ಓದಿ: 2028ರ ಒಲಿಂಪಿಕ್ಸ್’ಗೆ ಕ್ರಿಕೆಟ್ ಸೇರ್ಪಡೆ: 128 ವರ್ಷಗಳ ಬಳಿಕ ಅಧಿಕೃತ ಸೇರ್ಪಡೆಗೆ ಅಸ್ತು ಎಂದ ಸಮಿತಿ

ಮಾತು ಮುಂದುವರೆಸಿದ ಪ್ರಥಮ್, “ಒಂದು ಅಪರೂಪದ ನೆನಪನ್ನು ಕೊಟ್ಟಿದ್ದಾರೆ. ಉಸಿರು ಇರೋ ತನಕ ಇದನ್ನು ಮರೆಯಲ್ಲ. ಸಖತ್ ಮಜಾ ಮಾಡಿದೆ” ಎಂದು ಖುಷಿ ಹಂಚಿಕೊಂಡಿದ್ದಾರೆ.