ವಿವಾದಗಳ ನಡುವೆಯೇ CET ಪರೀಕ್ಷೆಯಲ್ಲಿ ತೇರ್ಗಡೆಯಾದ ಪವಿತ್ರಾ ಲೋಕೇಶ್..ಬೆಳಗಾವಿಯಲ್ಲಿ ಪಿಎಚ್‌ಡಿ ರಿಸರ್ಚ್‌..!

Pavitra Lokesh : ಇತ್ತೀಚೆಗೆ ತೆಲುಗು ನಟ ನರೇಶ್‌ ಜತೆ ಕಾಣಿಸಿಕೊಂಡಿದ್ದರಿಂದ ಸದಾ ಸುದ್ದಿಯಲ್ಲಿರುವ ಪವಿತ್ರಾ ಲೋಕೆಶ್‌ ತಮ್ಮ ನಿಜ ಜೀವನವನ್ನೇ ತೆರೆಮೇಲೆ ತಂದು ಸಾಕಷ್ಟು ಗುಲ್ಲೆಬ್ಬಿಸಿದ್ದರು. ಇದೀಗ ಇದೆಲ್ಲದರ ನಡುವಯೇ ತಮ್ಮ ಶೈಕ್ಷಣಿಕ ಬದುಕಿಗೂ ಹೊಸ ತಿರುವನ್ನು ನೀಡಿ ಯಶಸ್ಸು ಪಡೆದುಕೊಂಡಿದ್ದಾರೆ.

ಕೇವಲ ನಟಿಯಾಗಿ ಗುರುತಿಸಿಕೊಳ್ಳುವುದಲ್ಲದೇ ಶೈಕ್ಷಣಿಕವಾಗಿಯೂ ದೃಢವಾಗಿವಾಗಿರುವ ನಟಿ ಪವಿತ್ರಾ ಲೋಕೇಶ್‌. ಇದೇ ಕಾರಣಕ್ಕೆ ಪಿಎಚ್‌ಡಿ ಪದವಿ ಪಡೆಯುವುದಕ್ಕೆ ಸಕಲ ತಯಾರಿಯನ್ನೂ ನಡೆಸಿದ್ದ ಅವರು ಇದೀಗ ಪಿಎಚ್‌ಡಿ ಪದವಿ ಆರಂಭಿಕ ಪ್ರವೇಶ ಪರೀಕ್ಷೆಯಲ್ಲಿ ಪವಿತ್ರಾ ತೇರ್ಗಡೆಯಾಗಿದ್ದಾರೆ. 

ಇದನ್ನೂ ಓದಿ-Shocking: ಮದುವೆಯಾದ ಒಂದೇ ವರ್ಷಕ್ಕೆ ಪತಿಯನ್ನು ಕಳೆದುಕೊಂಡ ಖ್ಯಾತ ನಟಿ!

ಪಿಎಚ್‌ಡಿಗಾಗಿ ಪ್ರವೇಶ ಪರೀಕ್ಷೆ ಬರೆದವರ ಫಲಿತಾಂಶವನ್ನು ಹಂಪಿ ಕನ್ನಡ ವಿಶ್ವವಿದ್ಯಾಲಯ ಪ್ರಕಟಿಸಿದೆ. ಒಟ್ಟು 980ಕ್ಕೂ ಹೆಚ್ಚು ಜನ ಪಿಎಚ್‌ಡಿ ಪ್ರವೇಶ ಪರೀಕ್ಷೆ ಬರೆದಿದ್ದರು. ಆ ಪೈಕಿ 259 ಮಂದಿ ತೇರ್ಗಡೆಯಾಗಿದ್ದಾರೆಂದು ವಿವಿ ಕುಲಸಚಿವ ಡಾ. ಸುಬ್ಬಣ್ಣ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇನ್ನು ಇದೇ ಮೇ 30ರಂದು ನಡೆದ ಪಿಎಚ್‌ಡಿ ಪ್ರವೇಶ ಪರೀಕ್ಷೆಗೆ ಹಾಜರಾಗಿದ್ದ ಪವಿತ್ರಾ ಲೋಕೇಶ್‌, ಬೆಳಗಾವಿ ವಿಸ್ತರಣಾ ಕೇಂದ್ರದಲ್ಲಿ ಸಂಶೋಧನಾ ಕೈಗೊಳ್ಳಲು ಪರೀಕ್ಷೆಯನ್ನು ಬರೆದಿದ್ದರು. ಅದರಂತೆ ಇದೀಗ ಆ ಸಿಯಟಿ ಪರೀಕ್ಷೆಯಲ್ಲಿ ಪವಿತ್ರಾ ಲೋಕೇಶ್‌ ಉತ್ತೀರ್ಣರಾಗಿದ್ದಾರೆ.