ಇಂದು ಬೆಂಗಳೂರಿಗೆ ಪ್ರಧಾನಿ ಮೋದಿ ಭೇಟಿ: ಪೊಲೀಸರಿಂದ ಬಿಗಿಭದ್ರತೆ-ಸಂಚಾರಕ್ಕೆ ಈ ರಸ್ತೆಗಳನ್ನು ಬಳಸಲು ಸೂಚನೆ

PM Narendra Modi Bengaluru Visit: ಗ್ರೀಸ್‌’ನಿಂದ ಹಿಂದಿರುಗಿದ ಪ್ರಧಾನಿ ಮೋದಿ ಇಂದು ಬೆಂಗಳೂರಿಗೆ ಆಗಮಿಸಲಿದ್ದು,  ಇಸ್ರೋ ವಿಜ್ಞಾನಿಗಳನ್ನು ಭೇಟಿಯಾಗಲಿದ್ದಾರೆ. ಚಂದ್ರಯಾನ-3 ಯಶಸ್ವಿ ಉಡಾವಣೆ ಮತ್ತು ಯಶಸ್ವಿ ಸಾಫ್ಟ್ ಲ್ಯಾಂಡಿಂಗ್ ಹಿನ್ನೆಲೆಯಲ್ಲಿ ಇಸ್ರೋ ತಂಡವನ್ನು ಅಭಿನಂದಿಸಲು ಪ್ರಧಾನಿ ಮೋದಿ ಬೆಳಿಗ್ಗೆ HAL ವಿಮಾನ ನಿಲ್ದಾಣಕ್ಕೆ ಆಗಮಿಸಲಿದ್ದಾರೆ.

ಇದನ್ನೂ ಓದಿ: ಶ್ರಾವಣ ಶನಿವಾರದಂದು ಈ ರಾಶಿಯ ಅದೃಷ್ಟ ಬೆಳಗುವನು ಶನಿಮಹಾತ್ಮ: ಕೈಯಿಟ್ಟಲ್ಲೆಲ್ಲಾ ಯಶಸ್ಸು!

ಈ ಸಂದರ್ಭದಲ್ಲಿ ದಿನನಿತ್ಯದ ಪ್ರಯಾಣಿಕರಿಗೆ ಯಾವುದೇ ಸಮಸ್ಯೆ ಉಂಟಾಗಬಾರದೆಂದು ಬೆಂಗಳೂರು ಪೊಲೀಸರು ಮಾರ್ಗಸೂಚಿ ಬಿಡುಗಡೆ ಮಾಡಿದ್ದು, ಮಾರ್ಗ ಬದಲಾವಣೆಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದಾರೆ. ಈ ಮಾರ್ಗಗಳನ್ನು 9 ಗಂಟೆವರೆಗೆ ಬಳಕೆ ಮಾಡದಿರಲು ಮನವಿ ಮಾಡಲಾಗಿದೆ.

-ಓಲ್ಡ್ ವಿಮಾನ ನಿಲ್ದಾಣ ರಸ್ತೆ

-ಓಲ್ಡ್ ಮದ್ರಾಸ್ ರಸ್ತೆ

-ಎಂ.ಜಿ.ರೋಡ್

-ಕಬ್ಬನ್ ರಸ್ತೆ

-ರಾಜಭವನ ರಸ್ತೆ

-ಬಳ್ಳಾರಿ ರಸ್ತೆ

-ಸಿ.ವಿ.ರಾಮನ್ ರಸ್ತೆ

-ಯಶವಂತಪುರ ಫ್ಲೈ ಓವರ್

-ತುಮಕೂರು ರಸ್ತೆ

-ಮಾಗಡಿ ರಸ್ತೆ

-ಹೊರ ವರ್ತುಲ ರಸ್ತೆ

-ಜಾಲಹಳ್ಳಿ ಅಡ್ಡರಸ್ತೆ

ಈ ರಸ್ತೆಗಳಲ್ಲಿ ಬೆಳಿಗ್ಗೆ 9:30 ರವರೆಗೆ ಸಂಚಾರ ಸ್ಥಗಿತಗೊಳಿಸಲಾಗಿದೆ. ಇದರ ಜೊತೆಗೆ ಬೆಳಗ್ಗೆ 10 ಗಂಟೆಯವರೆಗೆ ಎಲ್ಲಾ ರೀತಿಯ ಭಾರೀ ಸರಕು ಸಾಗಣೆ ವಾಹನಗಳ ಪ್ರವೇಶವನ್ನು ನಿರ್ಬಂಧಿಸಲಾಗಿದೆ.

ಇದನ್ನೂ ಓದಿ: ಏಷ್ಯಾಕಪ್’ಗೆ ಆಯ್ಕೆಯಾಗಿದ್ದ ಇಬ್ಬರು ಆಟಗಾರರಿಗೆ ಕೊರೊನಾ! ರದ್ದಾಗುತ್ತಾ Asia Cup?