ಅಸ್ಥಿಪಂಜರಕ್ಕೆ ಪವರ್ ಸ್ಟಾರ್ ಹೆಗಲುಕೊಟ್ಟಿದ್ದೇಕೆ? ಏನಿದು ಪೋಸ್ಟರ್ ನ ರಹಸ್ಯ...!

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರ ಯುವರತ್ನ ಸಿನಿಮಾದ ಪೋಸ್ಟರ್ ಈಗ ಎಲ್ಲರ ಗಮನ ಸೆಳೆದಿದೆ.

ನೂತನ ವರ್ಷದಂದು ಬಿಡುಗಡೆಯಾಗಿರುವ ಯುವರತ್ನ ಸಿನಿಮಾದ ಈ ಪೋಸ್ಟರ್ ನಲ್ಲಿ ಪುನೀತ್ ರಾಜಕುಮಾರ್ ಮಾನವನ ಅಸ್ಥಿಪಂಜರವನ್ನು ಹೆಗಲ ಮೇಲೆ ಏರಿಸಿಕೊಂಡು ಪೋಸ್ ಕೊಟ್ಟಿರುವುದು ಸ್ಯಾಂಡಲ್ ವುಡ್ ಅಭಿಮಾನಿಗಳಲ್ಲಿ ಸಾಕಷ್ಟು ಕೂತುಹಲ ಮೂಡಿಸಿದೆ. ಇದರ ಜೊತೆಗೆ ಮನುಷ್ಯನ ಅಸ್ಥಿಪಂಜರದ ಹಿನ್ನಲೆಯಲ್ಲಿ ಡೈನಾಸೋರ್ ಕೂಡ ಕಾಣುತ್ತಿರುವುದರಿಂದಾಗಿ ಈಗ ಕೂತುಹಲ ದುಪ್ಪಟ್ಟಾಗಿದೆ ಎಂದು ಹೇಳಬಹುದು.

ಈ ಚಿತ್ರದಲ್ಲಿ ರಗ್ಬಿ ಆಟಗಾರನಾಗಿ ಕಾಣಿಸಿಕೊಂಡಿರುವ ಪುನೀತ್ ರಾಜಕುಮಾರ್ ನೂತನ ವರ್ಷಕ್ಕೆ ಅಭಿಮಾನಿಗಳಿಗೆ ಕ್ರೀಡೆ ಸಹಿತ ಆಕ್ಷನ್ ಮೂಲಕ ರಸದೌತಣ ನೀಡಲಿದ್ದಾರೆ.ಈ ಸಿನಿಮಾವನ್ನು ಹೊಂಬಾಳೆ ಫಿಲಂಸ್ ನ ವಿಜಯ್ ಕಿರಗುಂದೂರು ಅವರು ನಿರ್ಮಿಸಿದ್ದರೆ. ಸಂತೋಷ್ ಆನಂದ್ ರಾಮ್ ಅವರು ನಿರ್ದೇಶನ ಮಾಡಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ಯುವರತ್ನದ ಪೋಸ್ಟರ್ ನ್ನು ಬಿಡುಗಡೆ ಮಾಡಿದ ಕೂಡಲೇ ದೇಶಾದ್ಯಂತ ಟ್ರೆಂಡಿಂಗ್ ಆಗಿದೆ.