Pushpa 2: ʻಪುಷ್ಪ-2ʼ ಫಸ್ಟ್‌ ಸಾಂಗ್‌ ಅಪ್‌ಡೇಟ್‌: `ಪುಷ್ಪ ಪುಷ್ಪ​` ಪ್ರೋಮೋ ಔಟ್.!

Pushpa 2 First Song Promo Released: ಟಾಲಿವುಡ್‌ ಐಕಾನ್‌ ಸ್ಟಾರ್‌  ಅಲ್ಲು ಅರ್ಜುನ್​ ಅಭಿನಯದ ಬಹುನಿರೀಕ್ಷಿತ ʻಪುಷ್ಪ-2ʼ ಚಿತ್ರದ ಫಸ್ಟ್‌ ಸಾಂಗ್‌ ಪ್ರೋಮೋ ರಿಲೀಸ್‌ ಆಗಿದೆ. ಈಗಾಗಲೇ ಈ ಸಿನಿಮಾದ ಟೀಸರ್  ಅರ್ಜುನ್ ಹುಟ್ಟುಹಬ್ಬದಂದು ಚಿತ್ರತಂಡ ರಲೀಸ್‌ ಮಾಡಿತ್ತು. ಈ ಝಲಕ್‌ ನೋಡಿದ ಫ್ಯಾನ್ಸ್​ ಥ್ರಿಲ್ ಆಗಿದ್ದಾರೆ. ಮತ್ತಷ್ಟು ಅಪ್‌ಡೇಟ್‌ಗಾಗಿ ಕಾಯುತ್ತಿದ್ದ ಫ್ಯಾನ್ಸ್‌ಗೆ ಇದೀಗ ಚಿತ್ರದ ಮೊದಲ ಹಾಡಿನ ತುಣುಕು ಬಿಡುಗಡೆಯಾಗಿದೆ.

ಪುಷ್ಪರಾಜ್‌ನ ಹೊಸ ಅವತಾರವನ್ನು ನೋಡಿದ ಅಭಿಮಾನಿಗಳು ಫಿದಾ ಆಗಿದ್ದು, ಸದ್ಯ "ಪುಷ್ಪ ಪುಷ್ಪ" ಸಾಂಗ್‌ನ ಲಿರಿಕಲ್ ಪ್ರೋಮೋ ರಿಲೀಸ್‌ ಆಗಿದೆ. ಈ ಹಾಡಿನ ಝಲಕ್‌ನಲ್ಲಿ ಚಿತ್ರದ ಮೊದಲ ಹಾಡಿನ​ ರಿಲೀಸ್​ ಡೇಟ್ ಅನ್ನು ಕೂಡ ರಿಲೀಸ್‌ ಮಾಡಲಾಗಿದೆ. ʻಪುಷ್ಪ ಪುಷ್ಪ ಪುಷ್ಪರಾಜ್....ʼ  ಫುಲ್‌ ಸಾಂಗ್‌ ಇದೇ ಮೇ 1 ಬುಧವಾರದಂದು ಬೆಳಗ್ಗೆ 11.07ಕ್ಕೆ ರಿಲೀಸ್ ಆಗಲಿದೆ. ಪ್ರೋಮೋ ಮೂಲಕ ಈ ಮಾಸ್‌ ಹಾಡು ಇನ್ನಷ್ಟು ಕುತೂಹಲ ಕೆರಳಿಸಿದೆ.

ʻಪುಷ್ಪ: ದಿ ರೈಸ್‌ʼ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದ್ದು, ಅಲ್ಲು ಅರ್ಜುನ್‌ ಮ್ಯಾನರಿಸಂ, ಡ್ಯಾನ್ಸ್ ನೋಡಿ ದೇಶವಷ್ಟೇ ಅಲ್ಲದೇ ವಿದೇಶದಲ್ಲೂ ಅಭಿಮಾನಿಗಳಲ್ಲೂ ಫೀವರ್​ ಹುಟ್ಟಿಸಿತ್ತು. ಈ ಚಿತ್ರದ ಡೈಲಾಗ್‌ಗಳು ಮತ್ತು ಸಿಗ್ನೇಚರ್ ಡ್ಯಾನ್ಸ್ ಕೂಡ ಎಲ್ಲರನ್ನೂ ಹುಚ್ಚೆಬ್ಬಿಸಿತ್ತು. ಇದೀಗ ಅಲ್ಲು ಅರ್ಜುನ್‌ ಮತ್ತೊಮ್ಮೆ ಫ್ಯಾನ್ಸ್‌ ಕ್ರೇಜ್‌ ಹೆಚ್ಚಿಸಲು ಭರ್ಜರಿಯಾಗಿ ಎಂಟ್ರೀ ನೀಡಲು ರೆಡಿಯಾಗಿದ್ದಾರೆ. ಅದರಂತೆ ಪುಷ್ಪ 2 ಸಿನಿಮಾ ಪ್ರಚಾರ ಕೂಡ ಜೋರಾಗಿದೆ.

ʻಪುಷ್ಪ 2: ದಿ‌ ರೂಲ್ʼ ಚಿತ್ರದಲ್ಲಿ ಅಲ್ಲು ಅರ್ಜುನ್‌ಗೆ ಜೋಡಿಯಾಗಿ ರಶ್ಮಿಕಾ ಮಂದಣ್ಣ  ಬಣ್ಣ ಹಚ್ಚಿದ್ದಾರೆ. ಹಾಗೆಯೇ ಇದರಲ್ಲಿ ಅನೇಕ ಕಲಾವಿದರಾದ ಫಹಾದ್ ಫಾಜಿಲ್, ಜಗಪತಿ ಬಾಬು, ಪ್ರಕಾಶ್ ರಾಜ್, ಸುನೀಲ್ ಮತ್ತು ಅನಸೂಯಾ ಪ್ರಮುಖ ಪಾತ್ರಗಳಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಸಿನಿಮಾದ ಹಾಡುಗಳನ್ನು ಸಂಗೀತ ಸಂಯೋಜಕ ದೇವಿ ಶ್ರೀಪ್ರಸಾದ್ ಕಂಪೋಸ್‌ ಮಾಡಿದ್ದಾರೆ. ಈ ಚಿತ್ರವನ್ನು ಮೈತ್ರಿ ಮೂವೀ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ನವೀನ್ ಯೆರ್ನೇನಿ ಮತ್ತು ಯಲಮಂಚಿಲಿ ರವಿಶಂಕರ್ ನಿರ್ಮಾಣ ಮಾಡಿದ್ದಾರೆ.