Pushpa 2: ಪುಷ್ಪ ಸೀಕ್ವೆಲ್‌ನಲ್ಲಿ ಬಹು ಕೋಟಿ ವೆಚ್ಚದ ಗಂಗಮ್ಮ ಜಾತ್ರೆ ಸೆಟ್: ಇದಕ್ಕೆ ಖರ್ಚಾಗಿದೆಷ್ಟು ಗೊತ್ತೇ?

Pushpa 2 Gangamma Jathara Set Cost: ಟಾಲಿವುಡ್‌ ಐಕಾನ್ ಸ್ಟಾರ್‌' ಅಲ್ಲು ಅರ್ಜುನ್ ನಟನೆಯ 'ಪುಷ್ಪ 2: ದಿ ರೂಲ್' ಚಿತ್ರದ ಟೀಸರ್‌ ಕೆಲವು ದಿನಗಳ ಹಿಂದೆಯಷ್ಟೇ ರಿಲೀಸ್‌ ಆಗಿದೆ. ಈ ಝಲಕ್‌ನಲ್ಲಿ ಹೆಚ್ಚು ಹೈಲೆಟ್‌ ಆಗಿದ್ದು ಅಲ್ಲು ಅರ್ಜುನ್‌ ವೇಷ ಹಾಗೂ ಅಲ್ಲಿಯ ಜಾತ್ರೆ ದೃಶ್ಯಗಳು. ಈ ಟೀಸರ್‌ ಮೂಲಕ ಸಿನಿಮಾದ ಬಗ್ಗೆ ಇನ್ನಷ್ಟು ಕೂತೂಹಲ ಹೆಚ್ಚಿಸಿದೆ. ಇನ್ನೂ ಚಿತ್ರಕ್ಕಾಗಿ ಹಾಕಿರುವ ಜಾತ್ರೆಯ ಸೆಟ್‌ಗೆ ಬಹು ಕೋಟಿ ಹಣವನ್ನು ಖರ್ಚು ಮಾಡಿದ್ದಾರೆ.

'ಪುಷ್ಪ 2' ಚಿತ್ರದಲ್ಲಿ ಬರುವ ಗಂಗಮ್ಮ ಜಾತ್ರೆಯ ಸೀನ್‌ನಲ್ಲಿ ನಟ ಅಲ್ಲು ಅರ್ಜುನ್‌ ಸೀರೆಯನ್ನು ಉಟ್ಟಿಕೊಂಡು ಖಳನಾಯಕರ ಜೊತೆಗೆ ಹೊಡೆದಾಡುವ ದೃಶ್ಯ ಹೈಲೆಟ್‌ ಆಗಿತ್ತು. ಹಾಗೆಯೇ ಈ ಸಿನಿಮಾದಲ್ಲಿ ಗಂಗಮ್ಮ ಜಾತ್ರೆಯ  ಸೀನ್‌ ಬಹಳಾನೇ ಪ್ರಮುಖವಾದುದು ಎನ್ನಲಾಗಿದೆ. ಇದಕ್ಕಾಗಿಯೇ ಡೈರೆಕ್ಟರ್‌  ಸುಕುಮಾರ್ ಜಾತ್ರೆ ಸೆಟ್‌ ಅನ್ನು ಅದ್ದೂರಿಯಾಗಿ ಹಾಕಿಸಿದ್ದರು. ಚಿತ್ರದ ನಿರ್ಮಾಪಕರು ಈ ಜಾತ್ರೆಯ ಸೀನ್‌ಗಾಗಿ ಸೆಟ್‌  ರೆಡಿ ಮಾಡಿಸಲು 50 ಕೋಟಿ ರೂ. ಖರ್ಚು ಮಾಡಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ.

ಇದನ್ನೂ ಓದಿ: ಶಾರುಖ್ ಖಾನ್ ಪುತ್ರನ ಜೊತೆ ಐಶ್ವರ್ಯಾ ರೈ ಮಗಳ‌ ಮದುವೆ !? ಆರಾಧ್ಯ ಆರ್ಯನ್ ಫೋಟೋ ವೈರಲ್!‌

ಗಂಗಮ್ಮನ ಜಾತ್ರೆಯ ಸೆಟ್‌ ಅನ್ನು ಹೈದಬಾರಾದ್‌ನ ಗಂದಿಪೇಟ್‌ನಲ್ಲಿರು ಅಲ್ಲು ಸ್ಟುಡಿಯೋಸ್‌ನಲ್ಲಿ ಗ್ರಾಂಡ್‌ ಆಗಿ ಹಾಕಲಾಗಿತ್ತು. ಈ ದೃಶ್ಯಕ್ಕಾಗಿ ವಿಶೇಷ ಲೈಟಿಂಗ್ ಸೆಟಪ್ ಜೊತೆಗೆ ಕಲಾವಿದರಿಗೂ ಸ್ಪೆಷಲ್‌ ಆಗಿ  ಮೇಕಪ್‌ ಮಾಡಲಾಗಿತ್ತು. ಇದಕ್ಕಾಗಿ ಮುಂಬೈನಿಂದ ಮೋಕೊಬೋಟ್ ಕ್ಯಾಮೆರಾವನ್ನು ತರಿಸಿಕೊಂಡಿದ್ದು, ಇದಕ್ಕಾಗಿ 30 ಕೋಟಿ ರೂ. ಹಣ ಹಾಕಿದ್ದಾರೆ. ಇನ್ನು ಈ ಸಿನಿಮಾದ ಸೀನ್‌ನಲ್ಲಿ ಕೆಲಸ ಮಾಡಿದ ಕಲಾವಿದರಿಗೆ, ತಂತ್ರಜ್ಞರ ಸಂಭಾವನೆ, ವಿಶುವಲ್ ಎಫೆಕ್ಟ್ಸ್, ಪೋಸ್ಟ್ ಪ್ರೊಡಕ್ಷನ್ ವರ್ಕ್‌, ಸೌಂಡ್ ಡಿಸೈನ್ ಹಾಗೂ ಇನ್ನೂ ಇತರೆ ಕಾರ್ಯಗಳಿಗೆ 20 ಕೋಟಿ ರೂ. ಖರ್ಚಾಗಿದೆ.

ಮೈತ್ರಿ ಮೂವೀ ಮೇಕರ್ಸ್ ಒಟ್ಟಾರೆಯಾಗಿ ಜಾತ್ರೆಯ ಸೀನ್‌ಗೆ 50 ಕೋಟಿ ರೂ.  ಖರ್ಚು ಮಾಡಿದ್ದಾರೆ. 'ಪುಷ್ಪ 2' ಚಿತ್ರವನ್ನು  250 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಾಣ ಮಾಡಲಾಗುತ್ತಿದ್ದು, ಈ ಸಿನಿಮಾ ಇದೇ ಆಗಸ್ಟ್ 15ರಂದು ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ತರೆಯ ಮೇಲೆ ರಾರಾಜಿಸಲಿದೆ. ಚಿತ್ರತಂಡ ಈಗಾಗಲೇ ಒಂದು ಸಾವಿರ ಕೋಟಿ ರೂ.ಗಳಿಗೂ ಅಧಿಕ ಗಳಿಕೆಯನ್ನು ಮಾಡಬೇಕೆಂದು ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ಈ ಸಿನಿಮಾದ ಹಾಡುಗಳನ್ನು ದೇವಿಶ್ರೀ ಪ್ರಸಾದ್  ಸಂಗೀತಾ ಸಂಯೋಜನೆ ಮಾಡಿದ್ದಾರೆ.