ಅಭಿಮಾನಿಯಿಂದ 250 ಕೆಜಿ ತೂಕದ ರಜನಿಕಾಂತ್‌ ಪ್ರತಿಮೆ ನಿರ್ಮಾಣ

Rajanikanth Fan: ಅಭಿಮಾನಿಗಳು ಸ್ಟಾರ್‌ಗಳ ಪ್ರತಿಮೆ ಮಾಡಿಸಿ ದೇವಸ್ಥಾನ ಕಟ್ಟಿಸುವುದು ಇದೇನು ಮೊದಲ ಬಾರಿ ಅಲ್ಲ. ತಮ್ಮ ನೆಚ್ಚಿನ ಸ್ಟಾರ್‌ಗಾಗಿ ದೇವಸ್ಥಾನ ಕಟ್ಟಿಸಿ ದಿನನಿತ್ಯ ತಪ್ಪದೆ ಪೂಜೆ ಮಾಡುತ್ತಾರೆ. ಈ ರೀತಿ ಅಭಿಮಾನಿಗಳು ತಮಗೆ ಸ್ಟಾರ್‌ಗಳ ಮೇಲೆ ಇರುವ ಅಭಿಮಾನವನ್ನು ತೋರಿಸುತ್ತಾರೆ. ಈ ರೀತಿಯ ಫ್ಯಾನ್ಸ್‌ಗಳ ವರ್ತನೆ ದಕ್ಷಿಣ ಭಾರತದಲ್ಲಿ ಇದು ಆಗಾಗ ನಡೆಯುತ್ತಾನೆ ಇರುತ್ತದೆ. ಇಂತಹ ಅಭಿಮಾನಿಗಳ ಸರಣಿಯಲ್ಲಿ ಮತ್ತೊಬ್ಬ ವ್ಯಕ್ತಿ ಸೇರಿಕೊಂಡಿದ್ದಾರೆ.

ಹೌದು.. ಈ ಹಿಂದೆ ತಮಿಳುನಾಡಿನಲ್ಲಿ ಬಹುಭಾಷಾ ನಟಿ ಖುಷ್ಬು ಹಾಗೂ ನಯನತಾರ  ಪುತ್ತಳಿಯನ್ನು ಅಭಿಮಾನಿಗಳು ನಿರ್ಮಿಸಿದ್ದಾರೆ. ಹಾಗೆ ಇದೇ ವರ್ಷ ಸಮಂತಾ ರುತ್‌ ಪ್ರಭುರವರ ವಿಗ್ರಹವನ್ನು ಅಭಿಮಾನಿಯೊಬ್ಬನು ತಮ್ಮ ಮನೆಯ ಮುಂದೆಯೇ ಇರಿಸಿ ಚಿಕ್ಕ ದೇವಸ್ಥಾನವನ್ನು ಕಟ್ಟಿಸಿದ್ದಾರೆ. ಹಾಗೆ ಈ ಅಭಿಮಾನಿ ಸಮಂತಾ ಅನಾರೋಗ್ಯದಿಂದ ಬಳಲುತ್ತಿರುವಾಗ ತೀರ್ಥಯಾತ್ರೆಗೂ ಸಹ ತೆರಳಿದ್ದರು. ಸದ್ಯ ಈ ಎಲ್ಲಾ ಅಭಿಮಾನಿಗಳ ಸಾಲಿಗೆ ರಜನಿಕಾಂತ್‌ ಅಭಿಮಾನಿ ಸೇರಿಕೊಂಡಿದ್ದಾರೆ. 

ಇದನ್ನು ಓದಿ: ಡಿಸೆಂಬರ್‌ 6ಕ್ಕೆ ನಂದಿ ಅವಾರ್ಡ್ಸ್ ಸಮಾರಂಭ: ಕರ್ನಾಟಕ ರಾಜ್ಯ ಪ್ರಶಸ್ತಿ

ಸೂಪರ್‌ ಸ್ಟಾರ್‌ ನಟ ರಜನಿಕಾಂತ್‌ಗೆ ಅಭಿಮಾನಿಗಳಿಗೇನು ಕಮ್ಮಿಯಿಲ್ಲ. ತಮಿಳುನಾಡಿನ ಮಧುರೈ ಮೂಲದ ಕಾರ್ತಿಕ್‌ ಅನ್ನುವ ರಜಿನಿಕಾಂತ್‌ ಅಭಿಮಾನಿಯೊಬ್ಬರು ತಲೈವನ ದೇವಸ್ಥಾನವನ್ನೇ ನಿರ್ಮಿಸಿದ್ದಾರೆ. ಆ ದೇವಸ್ತಾನದಲ್ಲಿರುವ ವಿಗ್ರಹ ರಜನಿಕಾಂತ್‌ ಮೇಲಿರುವ ಪ್ರೀತಿಗೆ ಸಾಕ್ಷಿಯಾಗಿದೆ. ಇದು 250 ಕೆಜಿ ತೂಕದ ವಿಭಿನ್ನ ವಿಗ್ರಹವಾಗಿದೆ.ಈ ವಿಷಯ ತಮಿಳುನಾಡಿನಲ್ಲಿ ಭಾರಿ ಸುದ್ದಿಯಾಗಿದ್ದು, ಇದರ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ವೈರಲ್‌ ಆಗಿದೆ. 

ಈ ಅಭಿಮಾನಿ ರಜನಿಕಾಂತ ಅವರು ವಿಗ್ರಹದ ಜೊತೆಗೆ ತಮ್‌ ತಂದೆಯ ಫೋಟೋ ಹಾಗೂ ಗಣೇಶನ ಫೋಟೋ ಸಹ ಇಟ್ಟಿದ್ದಾರೆ. ಪ್ರತಿ ದಿನ ರಜನಿಕಾಂತ್‌ಗೆ ಪೂಜೆ ಸಲ್ಲಿಸಿ, ಪ್ರತಿಮೆಗೆ ಅಭಿಷೇಕ ಮಾಡುತ್ತಾರೆ. ಕಾರ್ತಿಕ್ 'ರಜನಿಕಾಂತ್' ದೇವರ ಭಕ್ತನಾಗಿದ್ದಾನೆ. ಇವರಿಗೆ ಅವರ ಮನೆಯವರು ಸಾಥ್ ನೀಡಿದ್ದಾರೆ. ಕಾರ್ತಿಕ್ ಅವರ ರಜನಿಕಾಂತ್ ದೇವಸ್ಥಾನ ಮತ್ತು ಪೂಜೆಗಳ ಬಗ್ಗೆ ತಮಿಳು ಮಾಧ್ಯಮಗಲು ಸಾಲು ಸಾಲು ವರದಿ ಮಾಡುತ್ತಿವೆ. ಕಾರ್ತಿಕ್‌ಗೆ ಅವರ ಮನೆಯವರು ಸಾಥ್ ನೀಡಿರುವುದು ವಿಶೇಷವಾಗಿದೆ.