`ಲಾಲ್ ಸಲಾಂ` ಟೀಸರ್ ಔಟ್‌..! ಮುಸ್ಲಿಂ ನಾಯಕನ ಪಾತ್ರದಲ್ಲಿ ತಲೈವಾ ಕೊಟ್ರು ಫವರ್‌ ಫುಲ್‌ ಸಂದೇಶ

Rajinikanth Lal Salaam : ಕ್ರಿಕೆಟ್ ಆಟ ಮತ್ತು ಧಾರ್ಮಿಕ ರಾಜಕೀಯವನ್ನು ಆಧರಿಸಿ ʼಲಾಲ್ ಸಲಾಮ್ʼ ಚಿತ್ರವನ್ನು ನಿರ್ಮಾಣಮಾಡಲಾಗಿದೆ. ಈ ಸಿನಿಮಾದಲ್ಲಿ ವಿಷ್ಣು ವಿಶಾಲ್ ಮತ್ತು ವಿಕ್ರಾಂತ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ರಜನಿಕಾಂತ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು ಬಹುನಿರೀಕ್ಷಿತ ಚಿತ್ರದ ಟೀಸರ್‌ ಬಿಡುಗಡೆಯಾಗಿದೆ.

2015ರ ನಂತರ ಐಶ್ವರ್ಯಾ ರಜನಿಕಾಂತ್ ನಿರ್ದೇಶನದ ಚಿತ್ರ ಲಾಲ್‌ ಸಲಾಮ್‌. ಈ ಸಿನಿಮಾದ ಶೂಟಿಂಗ್‌ ಕಳೆದ ಆಗಸ್ಟ್‌ನಲ್ಲಿ ಪೂರ್ಣಗೊಂಡಿತ್ತು. ಲಾಲ್ ಸಲಾಮ್ ಅನ್ನು ಲೈಕಾ ಸಿಇಒ ಸುಭಾಸ್ಕರನ್ ನಿರ್ಮಾಣಮಾಡಿದ್ದಾರೆ. ಇಂದು ದೀಪಾವಳಿಯ ಹಬ್ಬದ ಪ್ರಯುಕ್ತ ಚಿತ್ರದ ಟೀಸರ್ ರಿಲೀಸ್‌ ಆಗಿದೆ.

ಇದನ್ನೂ ಓದಿ: 35 ಕೋಟಿಗೆ ‌ʼಬ್ಯಾಡ್‌ ಮ್ಯಾನರ್ಸ್ʼ ಹಕ್ಕು ಸೇಲ್:‌ ಜೂ.ರೆಬಲ್‌ಸ್ಟಾರ್ ಚಿತ್ರದ ರೈಟ್ಸ್ ಜಯಣ್ಣನ ಪಾಲು..!

ಇಂದು ಬೆಳಗ್ಗೆ ಬಿಡುಗಡೆಯಾದ ಲಾಲ್ ಸಲಾಂ ಟೀಸರ್‌ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಪ್ರೇಕ್ಷಕರು ಲಾಲ್ ಸಲಾಮ್ ಬಗ್ಗೆ ವಿಭಿನ್ನ ವಿಮರ್ಶೆಗಳನ್ನು ನೀಡುತ್ತಿದ್ದಾರೆ. ತಮಿಳು ಚಿತ್ರರಂಗ ಮಾತ್ರವಲ್ಲ, ಭಾರತೀಯ ಚಿತ್ರರಂಗ ಭಯೋತ್ಪಾದಕರನ್ನು ಮುಸ್ಲಿಮರಂತೆ ತೋರಿಸುತ್ತಿದೆ. ಈ ಪದ್ಧತಿ ಸುಮಾರು ವರ್ಷಗಳಿಂದಲೂ ಇದೆ. ಇದನ್ನು ಬ್ರೇಕ್ ಮಾಡಲು ರಜನಿ ಸದ್ಯ ಲಾಲ್ ಸಲಾಂ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಎಂದು ಅಭಿಮಾನಿಯೊಬ್ಬರು ಕಮೆಂಟ್ ಮಾಡಿದ್ದಾರೆ. ಹೀಗೆ ಹಲವಾರು ಭಿನ್ನ ವಿಭಿನ್ನ ಪ್ರತಿಕ್ರಿಯೆಗಳು ವ್ಯಕ್ತವಾಗಿದೆ.