Rakshith Shetty Birthday : ಕನ್ನಡ ಸಿನಿಮಾ ಪ್ರೇಕ್ಷಕರ ಭರವಸೆಯ ನಾಯಕ ನಟರಿವರು..!

Sandalwood : ಕನ್ನಡ ಚಿತ್ರರಂಗದ ಪ್ರತಿಭಾನ್ವಿತ ನಟ ಹಾಗೂ ನಿರ್ದೇಶಕ ರಕ್ಷಿತ್‌ ಶೆಟ್ಟಿ ಅವರು ಹುಟ್ಟು ಹಬ್ಬದ ಸಂಭ್ರಮದಲ್ಲಿದ್ದಾರೆ. ಅವರ ಅಭಿಮಾನಿಗಳು, ಆಪ್ತರು ಸಾಮಾಜಿಕ ಜಾಲತಾಣದಲ್ಲಿ ನಟನಿಗೆ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದಾರೆ. ಈ ಸಿಂಪಲ್‌ ಸ್ಟಾರ್‌ ಚಿತ್ರರಂಗಕ್ಕೆ ಕಾಲಿಟ್ಟು 12 ವರ್ಷಗಳಾದರೂ ಬೆರಳಣಿಕೆ ಸಿನಿಮಾಗಳನ್ನು ಮಾತ್ರ ಮಾಡಿದ್ದಾರೆ. 

ರಕ್ಷಿತ್‌ ಶೆಟ್ಟಿ ಅವರು ಕೆಲವು ಸಿನಿಮಾಗಳಲ್ಲಿ ಅತಿಥಿ ಪಾತ್ರದಲ್ಲಿ ಮಿಂಚಿದ್ದಾರೆ. ಜೊತೆಗೆ ನಿರ್ದೇಶಕರಾಗಿಯೂ ಪ್ರೇಕ್ಷಕರ ಮನಗೆದ್ದ ಹೆಮ್ಮೆಯ ಕನ್ನಡಿಗರಿವರು. ಸಪ್ತಸಾಗರದಾಚೆ ಎಲ್ಲೋ ಚಿತ್ರದ ಚಿತ್ರೀಕರಣ ಮುಗಿಸಿರುವ ನಟ ಇದೀಗ ʼರಿಚರ್ಡ್‌ ಆಂಟನಿʼ ಸಿನಿಮಾದ ಸ್ಕ್ರಿಪ್ಟ್‌ ವರ್ಕನಲ್ಲಿ ಬ್ಯೂಸಿಯಾಗಿದ್ದಾರೆ ಎನ್ನಲಾಗುತ್ತಿದೆ. ಚುನಾವಣೆ ಮುಗಿಸಿ ಅಂದರೆ ಮತ ಚಲಾಯಿಸಿ ತಾವು ಸಿನಿಮಾದ ಸಲುವಾಗಿ ವಿದೇಶಕ್ಕೆ ತೆರಳುತ್ತೇನೆ ಎಂದಿದ್ದರು. 

ಇದನ್ನೂ ಓದಿ-Actress Parul Yadav: ʼಪ್ಯಾರ್‌ಗೆ ಆಗ್ಬಿಟ್ಟೈತೆʼ ಪಾರುಲ್ ಯಾದವ್ ಸಿನಿಮಾ ರಂಗದಿಂದ ದೂರ ಆದ್ರಾ...

ಉಳಿದವರು ಕಂಡಂತೆ ಸಿನಿಮಾಗೆ ಆಕ್ಷನ್‌ ಕಟ್‌ ಹೇಳಿದ ಸಿಂಪಲ್‌ ಸ್ಟಾರ್‌ ರಕ್ಷಿತ್‌ ಶೆಟ್ಟಿ ಸಿನಿಮಾ ಮುಗ್ಗರಿಸಿದರೂ ಅವರ ಕೀರ್ತಿ ಮತ್ತು ಜನಪ್ರಿಯತೆ ಹಾಗೆಯೇ ಇತ್ತು ಆದರೂ ಆ ಸಿನಿಮಾ ಪ್ರೇಕ್ಷರ ಮನಗೆದ್ದಿದ್ದು ಸುಳ್ಳಲ್ಲ. ಕೇವಲ ಒಬ್ಬ ನಟನಾಗಿ ಅಲ್ಲದೇ ನಿರ್ದೇಶಕನಾಗಿ ತಮ್ಮದೇ ಸ್ಟುಡಿಯೋ ಪರಂವ ಸ್ಟುಡಿಯೋ ಬ್ಯಾನರ್‌ನಟಿಯಲ್ಲಿ ರಕ್ಷಿತ್‌ ಶೆಟ್ಟಿ ಹೊಸ ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡಿತ್ತಿದ್ದಾರೆ. ಕಳೆದ ವರ್ಷ ಚಾರ್ಲಿ 777 ಸಿನಿಮಾದ ಮೂಲಕ ಪ್ರೇಕ್ಷಕರ ಮನೆಮಾತಾಗಿದ್ದ ರಕ್ಷಿತ್‌ ಶೆಟ್ಟಿ ಅವರು ಪ್ಯಾನ್‌ ಇಂಡಿಯಾ ಲೆವೆಲ್‌ನಲ್ಲಿ ಸದ್ದು ಮಾಡಿದ್ದರು. 

ಹೇಮಂತ್‌ ಕುಮಾರ್‌ ನಿರ್ದೇಶನದ ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ಸಖತ್‌ ನಿರೀಕ್ಷೆ ಮೂಡಿಸಿದ್ದು, ಇನ್ನೂ ರಿಚರ್ಡ್‌ ಆಂಟನಿಯನ್ನು ತೆರೆಮೇಲೆ ನೋಡೋಕೆ ಅಭಿಮಾನಿಗಳು ಕಾತೂರದಿಂದ ಕಾಯುತ್ತಿದ್ದಾರೆ ಎಂದರೆ ತಪ್ಪಾಗವುದಿಲ್ಲ. ಕನ್ನಡ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ ವಿಕೇಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮ ಸೀಸನ್‌ 3 ರಲ್ಲಿ ಇವರು ಅಥಿಥಿಯಾಗಿ ಆಗಮಿಸಿದ್ದರು. ಆದರೆ ಈ ಬಗ್ಗೆ ಕೆಲವರು ಟೀಕೆಯನ್ನು ವ್ಯಕ್ತಪಡಿಸಿದ್ದರು. ಜೊತೆಗೆ ಈ ವಿಚಾರವಾಗಿ ಸಾಕಷ್ಟು ಚರ್ಚೆಗಳು ಸಹ ನಡೆದಿದ್ದವು. 

ಇದನ್ನೂ ಓದಿ-Navarasa Nayaka Jaggesh : ಕೋಟಿ ಭುಜಗಳ ಶಕ್ತಿ ಸೂಲಿಬೆಲೆ ಬೆನ್ನಿಗಿದೆ

ಅಷ್ಟೆಲ್ಲಾ ಟೀಕೆಗಳು ಬಂದರು ರಕ್ಷಿತ್‌ ಶೆಟ್ಟಿ ಅವರು ಅತಿಥಿಯಾಗಿ ಆಗಮಿಸಿದ ವಿ. ವಿ. ರಮೇಶ್‌ ಎಪಿಸೋಡ್‌ ಹೆಚ್ಚು ಟಿ ಆರ್ ಪಿ ಬಂದಿತ್ತು ಎಂದು ಜೀ ಕನ್ನಡ ಬಿಜಿನೆಸ್‌ ಹೆಡ್‌ ರಾಘವೇಂದ್ರ ಹುಣಸೂರ್‌ ಅವರು ಹೇಳಿದ್ದರು. ಇದರಿಂದ ತಿಳಿಯುವುದೇನೆಂದರೇ ಅವರು ಬೆರಳೆಣಿಕೆ ಸಿನಿಮಾ ಮಾಡಿದರುಸಹ ಅವರ ಜನಪ್ರಿಯತೆ ಎಂದರೆ ಅವರನ್ನು ಅಭಿಮಾನಿಗಳು ಎಷ್ಟು ಪ್ರೀತಿಸುತ್ತಾರೆ ಎನ್ನುವುದು.