ಶೀಘ್ರದಲ್ಲೇ ರಾಮ್ ಚರಣ್ ಜೊತೆ ಪ್ರಭಾಸ್‌ ಸಿನಿಮಾ..! ಬಾಕ್ಸ್‌ ಆಫೀಸ್‌ ಬ್ಲಾಸ್ಟ್‌ ಮಾಡೋಕೆ ಸಿದ್ಧತೆ

Kalki 2898 AD updates : ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಇತ್ತೀಚಿನ ಚಿತ್ರ ಕಲ್ಕಿ 2898 AD. ಈ ಚಿತ್ರದ ಗ್ಲಿಂಪ್ಸ್ ಪ್ರಪಂಚದಾದ್ಯಂತ ಟ್ರೆಂಡಿಂಗ್ ಆಗಿದೆ. ಚಿತ್ರದ ಶೀರ್ಷಿಕೆ, ಗ್ಲಿಂಪ್ಸ್ ಅನ್ನು ಪ್ರತಿಷ್ಠಿತ ಸ್ಯಾನ್ ಡಿಯಾಗೋ ಕಾಮಿಕ್-ಕಾನ್ ಸಮಾರಂಭದಲ್ಲಿ ಬಿಡುಗಡೆ ಮಾಡಲಾಯಿತು. ಈ ವೇಳೆ ಪ್ರಭಾಸ್‌ ಅಚ್ಚರಿಯ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಹೌದು..  ಈ ಹಿಂದೆ ಪ್ರಾಜೆಕ್ಟ್-ಕೆ ಎಂಬ ಕೆಲಸದ ಶೀರ್ಷಿಕೆಯೊಂದಿಗೆ ʼಕಲ್ಕಿ 2898 ADʼ ಚಿತ್ರ ಪ್ರಾರಂಭವಾಯಿತು. ವೈಜ್ಞಾನಿಕ ಕಥೆಯ ಹಿನ್ನೆಲೆಯಲ್ಲಿ ತಯಾರಾಗುತ್ತಿರುವ ಈ ಚಿತ್ರದ ಮೇಲೆ ಭಾರೀ ನಿರೀಕ್ಷೆಗಳಿವೆ. ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್, ಸೌತ್ ಸ್ಟಾರ್ ಹೀರೋ ಕಮಲ್ ಹಾಸನ್, ದೀಪಿಕಾ ಪಡುಕೋಣೆ ಮತ್ತು ದಿಶಾ ಪಟಾನಿ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಮುಂದಿನ ಸಂಕ್ರಾಂತಿಗೆ ಈ ಚಿತ್ರ ತೆರೆಗೆ ಬರಲಿದೆ. 

ಇನ್ನು ಅಮೆರಿಕದಲ್ಲಿ ನಡೆದ ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರಭಾಸ್ ರಾಮ್ ಚರಣ್ ಜೊತೆ ಸಿನಿಮಾ ಮಾಡುವುದಾಗಿ ತಿಳಿಸಿದ್ದಾರೆ. ಮುಂದೊಂದು ದಿನ ನಾವಿಬ್ಬರೂ ಸೇರಿ ಖಂಡಿತಾ ಸಿನಿಮಾ ಮಾಡುತ್ತೇವೆ ಎಂದು ಪ್ರಭಾಸ್ ಹೇಳಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ವೈರಲ್ ಆಗಿದೆ.

ಡಾರ್ಲಿಂಗ್‌ ಇಷ್ಟು ಹೇಳುತ್ತಲೇ ಅವರ ಅಭಿಮಾನಿಗಳು ಇಂಟರ್‌ನೆಟ್‌ನಲ್ಲಿ ಸಖತ್‌ ಚರ್ಚೆ ಶುರು ಮಾಡಿದ್ದಾರೆ. ಇವರಿಬ್ಬರ ಕಾಂಬಿನೇಷನ್‌ ಸಿನಿಮಾವು ಟಾಲಿವುಡ್ ನಲ್ಲಿ ಅತಿ ದೊಡ್ಡ ಮಲ್ಟಿಸ್ಟಾರರ್ ಆಗಲಿದೆ ಎನ್ನುತ್ತಿದ್ದಾರೆ. ಅಲ್ಲದೆ, ದಾಖಲೆ ಸೃಷ್ಟಿಸಲಿದೆ ಅಂತ ಕಾಮೆಂಟ್‌ ಮಾಡುತ್ತಿದ್ದಾರೆ. ಸಧ್ಯ ರಾಮ್ ಚರಣ್ ನಟನೆಯ ಗೇಮ್ ಚೇಂಜರ್ ಕೂಡ ಮುಂದಿನ ಸಂಕ್ರಾಂತಿಗೆ ಬಿಡುಗಡೆಯಾಗುವ ಸಾಧ್ಯತೆ ಇದೆ.

ಇದನ್ನೂ ಓದಿ: ನಟಿ ಅನುಪ್ರಭಾಕರ್ ಪುತ್ರಿಯ ಜಿಮ್ನಾಸ್ಟಿಕ್ ವಿಡಿಯೋ

ಹೊಸದಾಗಿ ಬಿಡುಗಡೆಯಾದ ಕಲ್ಕಿ 2898 AD ಸಿನಿಮಾದ ಗ್ಲಿಂಪ್ಸ್ ಹಾಲಿವುಡ್‌ ಸಿನಿಮಾದಂತಿದೆ. ಪ್ರಭಾಸ್ ಎಂಟಿ ಬೇರೆ ಲೆವೆಲ್... ಸೂಪರ್‌... ಸಾಹಸ ದೃಶ್ಯಗಳು ಮತ್ತು ವಿಎಫ್‌ಎಕ್ಸ್‌ ಆಕರ್ಷಕವಾಗಿವೆ. ನಾಗ್ ಅಶ್ವಿನ್ ನಿರ್ದೇಶನದ ಈ ಸಿನಿಮಾವನ್ನು ಸಿ.ಜಯಂತಿ ಮೂವೀಸ್ ಬ್ಯಾನರ್ ನಿರ್ಮಿಸಿದೆ. ಸುಮಾರು 600 ಕೋಟಿ ರೂಪಾಯಿಗಳ ಬೃಹತ್ ಬಜೆಟ್‌ನಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ.