ಹಿಂದಿ ದಾಷ್ಟ್ಯ ಮೆರೆಯುವ ಬಾಲಿವುಡ್ ಗೆ ರಾಮ್ ಗೋಪಾಲ್ ವರ್ಮಾ ಹಾಕಿದ ಸವಾಲೇನು ಗೊತ್ತೇ?

ನವದೆಹಲಿ: ಭಾರತದ ಹೆಸರಾಂತ ಚಿತ್ರ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ತಮ್ಮ ನೇರ ನುಡಿಗೆ ಮತ್ತು ಮುಕ್ತ ಅಭಿಪ್ರಾಯಕ್ಕೆ ಹೆಸರುವಾಸಿಯಾದವರು.ಈಗ ಅವರು ಹಿಂದಿ ಭಾಷೆಯ ವಿಚಾರವಾಗಿ ಕಿಚ್ಚ ಸುದೀಪ್ ಮತ್ತು ಅಜಯ್ ದೇವಗನ್ ನಡುವಿನ ಭಾಷಾ ಸಂಘರ್ಷದ ಹಿನ್ನೆಲೆಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಅಷ್ಟೇ ಅಲ್ಲದೆ ಬಾಲಿವುಡ್ ಚಿತ್ರರಂಗವು ಈಗ ದಕ್ಷಿಣ ಚಿತ್ರಗಳ ಯಶಸ್ಸಿನಿಂದ ಅಸೂಹೆ ಪಡುತ್ತಿದೆ. ಹೀಗಾಗಿ ಇದನ್ನು ಅವರಿಗೆ ಸಹಿಸಲು ಆಗುತ್ತಿಲ್ಲ ಎಂದು ಹೇಳಿದ್ದಾರೆ.ಈ ವಿಚಾರದಲ್ಲಿ ಕಿಚ್ಚ ಸುದೀಪ್ ಅವರ ಅಭಿಪ್ರಾಯಕ್ಕೆ ವರ್ಮಾ ಸಂಪೂರ್ಣ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ಈಗ ಈ ಸರಣಿ ಟ್ವೀಟ್ ಗಳ ಮೂಲಕವಾಗಿ ಅವರು ಬಾಲಿವುಡ್ ಚಿತ್ರರಂಗವನ್ನು ಹಾಗೂ ಅಲ್ಲಿನ ನಟರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

'ಭಾಷಾ ಯುದ್ದ ಮಾಡುತ್ತಿರುವವರು ಗಮನಿಸಬೇಕು ಹಾಲಿವುಡ್ ತನ್ನ ಚಿತ್ರಗಳನ್ನು ಪ್ರಪಂಚದಾದ್ಯಂತ ಬಹು ಭಾಷೆಗಳಲ್ಲಿ ಡಬ್ ಮಾಡುತ್ತಿದೆ.ಇತ್ತೀಚಿನ ನಿದರ್ಶನವನ್ನು ತೆಗೆದುಕೊಳ್ಳುವುದಾದರೆ ಸ್ಪೈಡರ್ಮ್ಯಾನ್ ಚಿತ್ರವು ಹಿಂದಿ, ತೆಲುಗು,ತಮಿಳು,ಕನ್ನಡ, ಮಲಯಾಳಂ,ಮರಾಠಿ, ಭೋಜ್ಪುರಿ ಮುಂತಾದ 10 ಭಾಷೆಗಳಲ್ಲಿ ಡಬ್ ಆಗಿದೆ.ಇನ್ನೊಂದೆಡೆಗೆ ಕೆಜಿಎಫ್ 2, ಆರ್‌ಆರ್‌ಆರ್, ಪುಷ್ಪ ಚಿತ್ರಗಳು ಕೇವಲ ಹಿಂದಿಗೆ ಮಾತ್ರವಲ್ಲ, ತೆಲುಗು, ತಮಿಳು ಮಲಯಾಳಂ ಇತ್ಯಾದಿಗಳಲ್ಲಿಯೂ ಡಬ್ ಆಗಿವೆ.ಇದು ನೇರವಾಗಿ ನಿರ್ಮಾಪಕರು ಎಷ್ಟು ದೂರ ಮತ್ತು ಎಷ್ಟು ವ್ಯಾಪಕವಾಗಿ ತಲುಪಲು ಬಯಸುತ್ತಾರೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಅವರು ಹೇಳಿದ್ದಾರೆ.

ಬಾಲಿವುಡ್ ಚಿತ್ರ ರಂಗಕ್ಕೆ ನುಗ್ಗಿ ಅಲ್ಲಿನ ಸ್ಟಾರ್ ನಟರಾದ ರಣವೀರ್ ಸಿಂಗ್,ರಣಬೀರ್ ಕಪೂರ್, ಅಕ್ಷಯ್ ಕಪೂರ್, ಅಜಯ ದೇವಗನ್,ಹಾಗೂ ಜಾನ್ ಅಬ್ರಾಹಂ ರಂತಹ ನಟರನ್ನು ಸೆದೆಬಡಿದ್ದಾರೆ.ಹಾಗಾಗಿ ಈಗ ಅವರಿಗೆ ಸವಾಲು ಎನ್ನುವಂತೆ ರಣವೀರ್ ಸಿಂಗ್,ರಣಬೀರ್ ಕಪೂರ್, ಅಕ್ಷಯ್ ಕುಮಾರ್, ಅಜಯ್ ದೇವಗನ್, ಜಾನ್ ಅಬ್ರಾಹಂ ಅವರೆಲ್ಲಾ ತಮ್ಮ ಹಿಂದಿ ಸಿನಿಮಾಗಳನ್ನು ತೆಲುಗು ಮತ್ತು ಕನ್ನಡಕ್ಕೆ ಡಬ್ ಮಾಡುವುದರ ಮೂಲಕ ಪ್ರಭಾಸ್, ರಾಮ್ ಚರಣ್, ಯಶ್ ಜೂನಿಯರ್ ಎನ್ಟಿಆರ್, ಅಲ್ಲು ಅರ್ಜುನ್ ರಂತಹ ನಟರನ್ನು ಸೆದೆಬಡಿದು ಹಿಂದಿ ಸಿನಿಮಾಗಳು ಹೆಚ್ಚಿನ ಕಲೆಕ್ಷನ್ ಮಾಡಬೇಕು ಎಂದು ರಾಮ್ ಗೋಪಾಲ್ ವರ್ಮಾ ಸವಾಲು ಹಾಕಿದ್ದಾರೆ.