ನಟ ರಣಬೀರ್‌ ಟ್ಯಾಟೂ ನೋಡಿ ಶಾಕ್‌ ಆದ ಫ್ಯಾನ್ಸ್‌..! ಸಖತ್‌ ವೈರಲ್‌ ಆಗ್ತಿದೆ ಈ ವಿಡಿಯೋ

Ranbir Kapoor : 'ಅನಿಮಲ್' ಬಾಲಿವುಡ್‌​ ನಟ ರಣ್​​​ಬೀರ್ ಕಪೂರ್ ನಟನೆಯ ಬಹುನಿರೀಕ್ಷಿತ ಸಿನಿಮಾ. ಈ ಚಿತ್ರ ಡಿಸೆಂಬರ್​ 1 ರಂದು ಬಿಡುಗಡೆಯಾಗಲಿದ್ದು, ಚಿತ್ರತಂಡ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದೆ. ಇತ್ತೀಚಿಗೆ ರಣಬೀರ್‌, ನಟ ಬಾಲಕೃಷ್ಣ ನಡೆಸಿಕೊಡುವ ಅನ್‌ಸ್ಟಾಪಬಲ್‌ನಲ್ಲಿ ಭಾಗವಹಿಸಿದ್ದರು. ಈ ವೇಳೆ ಅವರು ತಮ್ಮ ಟ್ಯೂಟೂ ತೋರಿಸಿದ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ.

ಹೌದು.. ಅನಿಮಲ್‌ ಸಿನಿಮಾ ಟ್ರೈಲರ್‌ ಮೂಲಕ ಅಬ್ಬರಿಸುತ್ತಿದೆ. ಈ ಸಿನಿಮಾದಲ್ಲಿ ರಣಬೀರ್‌ ಕಪೂರ್‌ ಮತ್ತು ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಇತ್ತೀಚೆಗೆ ಟಾಲಿವುಡ್‌ ಸ್ಟಾರ್‌ ನಟ ನಂದಮೂರಿ ಬಾಲಕೃಷ್ಣ ಅವರು ನಡೆಸಿಕೊಡುವ 'ಅನ್‌ಸ್ಟಾಪಬಲ್ ವಿತ್ ಎನ್‌ಬಿಕೆ' ರಣ್​ಬೀರ್​ ಕಪೂರ್ ಚಿತ್ರ ತಂಡದೊಂದಿಗೆ ಭಾಗವಹಿಸಿದ್ದರು.

ಇದನ್ನೂ ಓದಿ: ಕ್ಯಾಪ್ಚರ್ ಚಿತ್ರಕ್ಕೆ ಈಜಿಪ್ಟ್ ಕನ್ನಡಿಗರಿಂದ ಆಲ್ ದಿ ಬೆಸ್ಟ್..ಪೋಟೋಸ್‌ ಇಲ್ಲಿವೆ

ಈ ವೇಳೆ ತಮ್ಮ ಮಗಳು ರಾಹಾ ಬಗ್ಗೆ ಮಾತನಾಡುವಾಗ ರಣ್​​ಬೀರ್ ತಮ್ಮ ಭುಜದ ಮೇಲೆ ಮಗಳ ಹೆಸರಿನ ಟ್ಯಾಟೂ ಹಾಕಿಸಿಕೊಂಡಿದ್ದನ್ನು ಪ್ರದರ್ಶಿಸಿದರು. ಸಧ್ಯ ಈ ವಿಡಿಯೋ ಇಂಟರ್‌ನೆಟ್‌ನಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ನಟನಿಗೆ ತಮ್ಮ ಪುತ್ರಿಯ ಮೇಲಿರುವ ಪ್ರೀತಿ ನೋಡಿ ಅವರ ಪ್ಯಾನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

'ಅನಿಮಲ್' ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಬಹುನಿರೀಕ್ಷಿತ ಸಿನಿಮಾ. ಈ ಚಿತ್ರದಲ್ಲಿ ರಣಬೀರ್‌ ಕಪೂರ್‌ ಜೊತೆ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ನಿನ್ನೆಯಷ್ಟೇ ಬಿಡುಗಡೆಯಾದ ಈ ಚಿತ್ರದ ಟ್ರೈಲರ್‌ಗೆ ಅದ್ಧೂರಿ ರೆಸ್ಪಾನ್ಸ್‌ ಸಿಕ್ಕಿದೆ. ತಂದೆ-ಮಗನ ಸಂಬಂಧದ ಕಥಾಹಂದರ ಹೊಂದಿರುವ ಅನಿಮಲ್‌ ಡಿಸೆಂಬರ್​ 1 ರಂದು ಬಿಡುಗಡೆಯಾಗಲಿದೆ.