ರಣವೀರ್ ಸಿಂಗ್ ಜೊತೆ `ಹ್ಯಾಪಿ ಡ್ಯಾನ್ಸ್` ಮಾಡಿದ ಸದ್ಗುರು-ವೀಡಿಯೋ

ನವದೆಹಲಿ: ಬಾಲಿವುಡ್ ನಟ ರಣವೀರ್ ಸಿಂಗ್ ಜೊತೆ ಸದ್ಗುರು ಜಗ್ಗಿವಾಸುದೇವ್ ಡ್ಯಾನ್ಸ್ ಮಾಡಿರುವ ವೀಡಿಯೋ ಈಗ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.

ಬಾಲಿವುಡ್ ನಟ ರಣವೀರ್ ಸಿಂಗ್ ಈ ಡ್ಯಾನ್ಸ್ ಮಾಡಿರುವ ವಿಡಿಯೋವೊಂದನ್ನು ತಮ್ಮ ಟ್ವಿಟ್ಟರ್  ಖಾತೆಯಲ್ಲಿ  ಹಂಚಿಕೊಂಡಿದ್ದಾರೆ ಈಗ ಈ ವೀಡಿಯೋ ಸಾಕಷ್ಟು ವೈರಲ್ ಆಗಿದೆ.
ರಣವೀರ್ ಸಿಂಗ್ ಇತ್ತಿಚೆಗೆ ಪದ್ಮಾವತ್ ಚಿತ್ರದಲ್ಲಿ ಖಿಲ್ಜಿ ಪಾತ್ರದಲ್ಲಿ ನಟಿಸಿ ಎಲ್ಲರ ಹುಬ್ಬೇರಿಸಿದ್ದರು.

ಈ ಹಿಂದೆ ಬಾಜಿರಾವ್ ಮಸ್ತಾನಿಯಲ್ಲೂ ನಟಿಸಿ ಐತಿಹಾಸಿಕ, ಸಾಮಾಜಿಕ, ಲವ್ ಸ್ಟೋರಿ, ಹೀಗೆ ಎಲ್ಲ ರೀತಿಯ ಪಾತ್ರಗಳನ್ನೂ ಸಲಿಸಾಗಿ ನಿರ್ವಹಿಸುತ್ತಿರುವ ರಣವೀರ್ ಸಿಂಗ್  ಈಗ ರೋಹಿತ್ ಶೆಟ್ಟಿ  ನಿರ್ದೇಶನದ ಸಿಂಬಾ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.ಈ ಚಿತ್ರವನ್ನು ಈಗ ಕರಣ್ ಜೋಹರ್ ಅವರ ಧರ್ಮಾ ಪ್ರೊಡಕ್ಷನ್ ನಿರ್ಮಿಸುತ್ತಿದೆ.

ಸಿಂಬಾ ಚಿತ್ರವು ತೆಲುಗು ಚಿತ್ರದ ರೀಮೇಕ್ ಆಗಿದೆ. ಇನ್ನೊಂದೆಡೆ  ರಣವೀರ್ ಸಿಂಗ್  ನಟಿ  ದೀಪಿಕಾ ಪಡುಕೊನೆಯನ್ನು ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿಯೂ ಹರಿದಾಡುತ್ತಿದೆ.ಕೆಲವೊಂದು ಸುದ್ದಿ ಮಾಧ್ಯಮಗಳಲ್ಲಿ  ಇನ್ನು ಮುಂದೆ ಹೋಗಿ ಅವರ ಮದುವೆಯ ದಿನಾಂಕನ್ನು ಸಹಿತ ಪ್ರಕಟಿಸಿವೆ.