ಬ್ಯಾಡ್‌ ಮ್ಯಾನರ್ಸ್ ಅಂತ ಸಖತ್ ಸೌಂಡ್ ಮಾಡುತ್ತಿದ್ದಾರೆ ಮರಿ ರೆಬೆಲ್ ಸ್ಟಾರ್ ಅಭಿಷೇಕ್ ಅಂಬರೀಶ್..!

Abhishek Ambareesh : ಇದೀಗ ರಿಲೀಸ್ ಆಗಿರೋ ಸಿನಿಮಾದ ಫಸ್ಟ್ ಟೈಟಲ್ ಟ್ರ್ಯಾಕ್ ಸಖತ್ ಆಗಿದೆ. ಟ್ರೆಂಡಿ ಅನಿಸೋ ಈ ಗೀತೆ ಸಖತ್ ಕಿಕ್ ಕೊಡುವ ಹಾಗೇನೂ ಇದೆ. ಕಲರ್ ಫುಲ್ ಸೆಟ್​ನಲ್ಲಿ ಇಡೀ ಹಾಡು ಚಿತ್ರೀಕರಣ ಆಗಿದೆ. ಝಗಮಗಿಸೋ ಲೈಟ್‌ಗಳ ಮಧ್ಯೆ ಅಭಿಷೇಕ್ ಫುಲ್ ಸ್ಟೈಲಿಶ್ ಆಗಿಯೇ ಕಾಣಿಸಿಕೊಂಡು ಇಡೀ ಮಾಹೋಲ್ ಅನ್ನು ರಂಗೇರಿಸಿದ್ದಾರೆ.

ಚರಣ್ ರಾಜ್ ಸಂಗೀತ ನಿರ್ದೇಶನದ ಈ ಹಾಡಲ್ಲಿ ಅಭಿಷೇಕ್ ಅಂಬರೀಶ್ ಅದ್ಭುತವಾಗಿಯೇ ಕಾಣಿಸುತ್ತಿದ್ದಾರೆ. ಸ್ಪೆಷಲ್ ಜಾಕೆಟ್ ಸ್ಪೆಷಲ್ ಸನ್‌ ಗ್ಲಾಸ್, ಕೈಯಲ್ಲಿ ಸಿಗಾರ್ ಹೀಗೆ ಅಭಿಷೇಕ್ ಖದರ್ ಇಲ್ಲಿ ಕಂಪ್ಲೀಟ್ ಚೇಂಜ್ ಆಗಿದೆ. ತುಂಬಾನೇ ವಿಭಿನ್ನ ಅನಿಸೋ ಈ ಗೀತೆಯನ್ನ ವಿಶೇಷ ಧ್ವನಿಯ ಗಾಯಕಿಯಿಂದಲೇ ಹಾಡಿಸಲಾಗಿದೆ. ಬಹು ಭಾಷೆಯಲ್ಲೂ ಮಿಂಚಿರೋ ಗಾಯಕಿ ಉಷಾ ಉತ್ತುಪ್ ಈ ಗೀತೆಗೆ ಧ್ವನಿ ಆಗಿದ್ದಾರೆ. ತಮ್ಮ ವಿಶೇಷ ಕಂಠಸಿರಿಯಿಂದ ಇಡೀ ಹಾಡಿಗೆ ಬೇರೆ ಮೆರಗು ತಂದು ಕೊಟ್ಟಿದ್ದಾರೆ.

ಇದನ್ನೂ ಓದಿ-SC ST Reservation: ಎಸ್‌ಸಿ, ಎಸ್‌ಟಿ ಮೀಸಲಾತಿ ವಿಳಂಬ, ರಾಜಭವನ ಚಲೋಗೆ ಯತ್ನ : ಕಾಂಗ್ರೆಸ್ ನಾಯಕರು ಪೊಲೀಸ್ ವಶಕ್ಕೆ

ಧನಂಜಯ್ ರಾಜನ್ ಬರೆದಿರೋ ಈ ಗೀತೆಯಲ್ಲಿ ಅಭಿಷೇಕ್ ಪಾತ್ರದ ಚಿತ್ರಣ ಇದೆ. ಸ್ವಲ್ಪ ಬ್ಯಾಡ್ ಸ್ವಲ್ಪ ಗುಡ್ ಅನ್ನೋ ಅರ್ಥದ ಸಾಲುಗಳು ಇಲ್ಲಿ ಗಮನ ಸೆಳೆಯುತ್ತವೆ. ಸ್ಪೆಷಲ್ ಆಗಿ ದುನಿಯಾ ಸೂರಿ ಡಿಸೈನ್ ಮಾಡಿರೋ ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಅಭಿ ಪಾತ್ರದ ಝಲಕ್ ಈ ಒಂದು ಗೀತೆಯಲ್ಲಿ ಸಾಲುಗಳಾಗಿ ಹೊರ ಹೊಮ್ಮಿದೆ.

ಮೂಲಕ ಅಭಿಷೇಕ್ ಅಂಬರೀಶ್ ಅಭಿನಯದ ಬ್ಯಾಡ್ ಮ್ಯಾನರ್ಸ್ ಚಿತ್ರದ ಪ್ರಚಾರ ಶುರು ಆಗಿದೆ. ಇನ್ನೇನು ರಿಲೀಸ್ ದಿನವೂ ಅನೌನ್ಸ್ ಆಗಲಿದೆ. ಹಾಡು ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಮಿಲಿಯನ್ ಗಟ್ಟಲೇ ವ್ಯೂಸ್ ಪಡ್ಕೊಂಡು ಇತ್ತು.ಇದೀಗ 2 ಮಿಲಿಯನ್ ಹೆಚ್ಚು ವೀಕ್ಷಣೆ ಪಡ್ಕೊಂಡು ಟ್ರೆಂಡಿಂಗ್ ನಲ್ಲಿದೆ. ನೋಡೋಣ ಈ ಸಿನಿಮಾದಲ್ಲಿಮರಿ ರೆಬೆಲ್ ಹವಾ ಹೆಂಗಿರುತ್ತೆ ಅಂತ.