ನ್ಯಾಯ ಅಂದ್ರೆ ನ್ಯಾಯ...ಹಾಸ್ಟೆಲ್‌ ಹುಡುಗರನ್ನು ಕೆಣಕಿದ ಮೋಹಕತಾರೆಗೆ ಟಾಂಗ್‌ ಕೊಟ್ಟ ರಿಷಬ್‌ ಶೆಟ್ಟಿ..!

Hostel Hudugaru Bekagiddare : ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದ ಕನ್ನಡದ 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಸಿನಿಮಾ ಇಂದು ( ಜುಲೈ 21 ) ರಿಲೀಸ್‌ ಆಗಲಿದೆ. ವಿಭಿನ್ನವಾದ ಪ್ರಚಾರದಿಂದ ಸದ್ದು ಮಾಡಿದ್ದ ಚಿತ್ರತಂಡ ರಿಷಬ್‌ ಶೆಟ್ಟಿ ಸೇರಿದಂತೆ ಹಲವಾರು ಸ್ಟಾರ್‌ ನಟರನ್ನು ತಮ್ಮ ಚಿತ್ರದ ಪ್ರೋಮೋದಲ್ಲಿ ಹಾಕಿಕೊಂಡು ಭರ್ಜರಿ ವಿಡಿಯೋಗಳನ್ನು ರಿಲೀಸ್‌ ಮಾಡುವ ಮೂಲಕ ಸಿನಿಪ್ರಿಯರ ಮನಗೆದ್ದಿದೆ.

ಇನ್ನು ಈ 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಚಿತ್ರತಂಡದ ಜೊತೆ ಕೈ ಜೋಡಿಸಿದ ರಮ್ಯಾ ಪ್ರೋಮೊ ಹಾಗೂ ಸಿನಿಮಾದಲ್ಲಿ ಪ್ರಾಧ್ಯಾಪಕಿಯ ಪಾತ್ರವನ್ನು ನಿರ್ವಹಿಸಿದ್ದರು. ಹೀಗೆ ಆರಂಭದಿಂದಲೂ ಚಿತ್ರತಂಡದ ಜೊತೆ ಇದ್ದ ನಟಿ ಚಿತ್ರ ಬಿಡುಗಡೆಗೆ ಇನ್ನು ಕೇವಲ ಎರಡೇ ದಿನಗಳು ಬಾಕಿ ಇದೆ ಎನ್ನುವಾಗ ಲೀಗಲ್ ನೋಟಿಸ್ ಕಳುಹಿಸಿದ್ದರು. 

ಹೌದು ನಟಿ ರಮ್ಯಾ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಚಿತ್ರತಂಡ ತನ್ನ ವಿಡಿಯೊ ಹಾಗೂ ಫೋಟೊಗಳನ್ನು ತನ್ನ ಅನುಮತಿ ಇಲ್ಲದೇ ಬಳಸಿದೆ ಎಂಬ ಕಾರಣ ಹೇಳಿ ಲೀಗಲ್ ನೋಟಿಸ್ ಕಳುಹಿಸಿ, ಒಂದು ಕೋಟಿ ಪರಿಹಾರ ಕೇಳಿದ್ದರು.  

ನಟಿ ರಮ್ಯಾ ಅವರ ಈ ವರ್ತನೆಯಿಂದ ಸಿನಿ ಪ್ರಿಯರು ನಟಿ ವಿರುದ್ದ ಗರಂ ಆಗಿದ್ದರು. ಯುವ ಪ್ರತಿಭೆಗಳ ಒಳ್ಳೆಯ ಪ್ರಯತ್ನಕ್ಕೆ ಈ ರೀತಿ ಅಡ್ಡಿಯಾಗುವುದು ಸರಿಯಲ್ಲ ಎಂದಿದ್ರು. ಹೀಗೆ ರಮ್ಯಾ ನೀಡದ್ದ ನೋಟಿಸ್‌ ಕುರಿತು ತೀರ್ಪು ನೀಡ ಕೋರ್ಟ್‌ ರಮ್ಯಾ ಮಾಡಿದ್ದ ಆರೋಪವನ್ನು ಬದಿಗೊತ್ತಿ ಚಿತ್ರವನ್ನು ಸೆನ್ಸಾರ್ ಮಂಡಳಿ ನೀಡಿರುವ ಮಾರ್ಗದರ್ಶನದಂತೆ, ರಮ್ಯಾ ಅವರ ಸೀನ್‌ಗಳನ್ನು ಕಟ್‌ ಮಾಡದೆಯೇ ಬಿಡುಗಡೆ ಮಾಡಬಹುದು ಎಂದು ತೀರ್ಪನ್ನು ನೀಡಿತು.

ಇದನ್ನೂ ಓದಿ-ಹಾಟ್ ಲುಕ್‌ ನಲ್ಲಿ ಕಿರುತೆರೆ ನಟಿ ಜ್ಯೋತಿ ರೈ : ಫೋಟೋಸ್‌ ನೋಡಿ ಶಾಕ್‌ ಆಗ್ತೀರಾ..!

ಹೀಗೆ ಈ 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಚಿತ್ರದ ವಿವಾದ ಕೊನೆಗೊಂಡಿದ್ದು, ಹಾಸ್ಟೆಲ್ ಹುಡುಗರಿಗೆ ಜಯ ಸಿಕ್ಕಿದೆ. ತೀರ್ಪು ಹೊರಬೀಳುತ್ತಿದ್ದಂತೆಯೇ ಸೋಷಿಯಲ್‌ ಮಿಡಿಯಾದಲ್ಲಿ ಸಿನಿ ರಸಿಕರು ಸಂಭ್ರಮಿಸುತ್ತಿದ್ದಾರೆ. 

ಇನ್ನು ಈ ನಡುವೆ ನಟ ಹಾಗೂ ನಿರ್ದೇಶಕ ರಿಷಬ್ ಶೆಟ್ಟಿ 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಚಿತ್ರದ ಪರವಾಗಿ ವಿಶೇಷ ಪೋಸ್ಟ್ ಹಂಚಿಕೊಂಡು ಚಿತ್ರತಂಡಕ್ಕೆ ಸಾತ್‌ ನೀಡುವುದರ ಜೊತೆಗೆ "ನ್ಯಾಯ ಅಂದ್ರೆ ನ್ಯಾಯ.. ಜೈ ಆಂಜನೇಯ! ನಾಳೆ ಹಾಸ್ಟೆಲ್ ಹುಡುಗರು ರಿಲೀಸ್ ಆಗ್ತಿದೆ. ಥಿಯೇಟರ್‌ನಲ್ಲಿ ಸಿಗೋಣ" ಎಂದು ಬರೆದುಕೊಂಡು ನಟಿ ರಮ್ಯಾಗೆ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ.