ಹಾಲಿವುಡ್ ಚಿತ್ರವನ್ನು ಮೀರಿಸಿದ `ಸಲಾರ್` ಆಕ್ಷನ್ ಸೀಕ್ವೆನ್ಸ್... ನಿರೀಕ್ಷೆ ಹೆಚ್ಚಿಸುವ ಲೇಟೆಸ್ಟ್ ಅಪ್‌ಡೇಟ್..!

Salar Updates: ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ 'ಕೆಜಿಎಫ್' ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನದ ಸಲಾರ್ ಮೂಲಕ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಈ ಚಿತ್ರವನ್ನು ಸುಮಾರು 250 ಕೋಟಿ ಬಜೆಟ್ ನಲ್ಲಿ ಹೊಂಬಾಳೆ ಫಿಲಂಸ್ ನಿರ್ಮಾಣ ಮಾಡುತ್ತಿದೆ. ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಈ ಚಿತ್ರ ಈಗಾಗಲೇ ಪ್ರೇಕ್ಷಕರನ್ನು ತಲುಪುತ್ತಿತ್ತು. ಆದರೆ ಬಹು ನಿರೀಕ್ಷಿತ ಚಿತ್ರವು ಅತ್ಯುತ್ತಮ ಔಟ್‌ಪುಟ್‌ಗಾಗಿ ಡಿಸೆಂಬರ್ 22 ಕ್ಕೆ ಮುಂದೂಡಲ್ಪಟ್ಟಿದೆ ಎಂದು ತಿಳಿದುಬಂದಿದೆ. ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಮತ್ತು ಸಿಜಿ ಸಂಬಂಧಿತ ಕೆಲಸಗಳು ಸರಾಗವಾಗಿ ನಡೆಯುತ್ತಿವೆ.

ಇದನ್ನೂ ಓದಿ-BBK 10:‌ ಕ್ಯಾಪ್ಟನ್ ಪಟ್ಟಕ್ಕೆ ವಿನಯ್ ಆಯ್ಕೆ..! ಬಿಗ್‌ಬಾಸ್ ಆಟಕ್ಕೀಗ ಹೊಸ ತಿರುವು  

ಇದೆಲ್ಲದರ ನಡುವೆ 'ಸಲಾರ್' ಮೇಲೆ ಈಗಾಗಲೇ ನಿರೀಕ್ಷೆ ಹೆಚ್ಚಿದೆ. ಪ್ರಶಾಂತ್ ನೀಲ್ ನಿರ್ದೇಶನ, ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಅವರ ಫುಲ್ ಲೆಂಗ್ತ್ ಆಕ್ಷನ್ ಮೋಡ್, ರವಿ ಬರೂರ್ ಅವರ ಸಂಗೀತ, ಪೃಥ್ವಿ ರಾಜ್ ಸುಕುಮಾರ್, ಜಗಪತಿ ಬಾಬು ಮುಂತಾದ ತಾರೆಯರು ಖಳನಾಯಕರಾಗಿ ನಟಿಸಿದ್ದಾರೆ, ಪ್ರಪಂಚದಾದ್ಯಂತದ ಪ್ರೇಕ್ಷಕರು ಈ ಚಿತ್ರಕ್ಕಾಗಿ ಕಾಯುತ್ತಿದ್ದಾರೆ. ಇದೀಗ ಅಭಿಮಾನಿಗಳು ಮತ್ತು ಪ್ರೇಕ್ಷಕರ ನಿರೀಕ್ಷೆಯನ್ನು ಹೆಚ್ಚಿಸಲು ಆಸಕ್ತಿದಾಯಕ ಅಪಡೇಟ್‌ನ್ನು ಬಿಡುಗಡೆಮಾಡಲಾಗಿದೆ. 

ಇದನ್ನೂ ಓದಿ-Aishwarya Arjun: ಮದುವೆಗೂ ಮುನ್ನ ಭಾವಿ ಸೊಸೆಗೆ ಕಂಡೀಷನ್ ಹಾಕಿದ ತಂಬಿ ರಾಮಯ್ಯ..!  

ಈ ಸಿನಿಮಾದ ಚಿತ್ರೀಕರಣಕ್ಕೆ ಪ್ರಶಾಂತ್ ನೀಲ್ 750 ವಿವಿಧ ವಾಹನಗಳನ್ನು ಬಳಸಲಾಗಿದ್ದು, ಚಿತ್ರದಲ್ಲಿ, ಹೆಚ್ಚಿನ ಆಕ್ಷನ್ ಅನ್ನು ನೆಲದ ಮೇಲೆ ವಿನ್ಯಾಸಗೊಳಿಸಲಾಗಿದೆ. ಆಕ್ಷನ್ ಸೀಕ್ವೆನ್ಸ್ ಅನ್ನು ಜೀಪ್, ಟ್ಯಾಂಕ್, ಟ್ರಕ್ ಇತ್ಯಾದಿಗಳಿಂದ ಚಿತ್ರೀಕರಿಸಲಾಗಿದೆ ಎನ್ನಲಾಗುತ್ತಿದೆ. ಹಾಲಿವುಡ್ ಸಿನಿಮಾಗಳು ಮಾತ್ರ ಭಾರೀ ಪ್ರಮಾಣದ ವಾಹನಗಳನ್ನು ಬಳಸಿ ಯುದ್ಧದ ದೃಶ್ಯಗಳನ್ನು ಚಿತ್ರೀಕರಿಸುತ್ತಿದ್ದವು. ಆದರೆ ಇದೀಗ ಪ್ರಶಾಂತ್ ನೀಲ್ ಅವರು ಹಾಲಿವುಡ್‌ ರೇಂಜ್‌ಗೆ ‘ಸಲಾರ್’ ಚಿತ್ರಕ್ಕಾಗಿ ಭಾರೀ ವಾಹನಗಳನ್ನು ಬಳಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ. 

ಪ್ರಭಾಸ್ ಅಭಿನಯದ ಆಕ್ಷನ್ ಚಿತ್ರಕ್ಕಾಗಿ ಕಾಯುತ್ತಿರುವ ಅಭಿಮಾನಿಗಳಿಗೆ 'ಸಲಾರ್' ಫುಲ್ ಮೀಲ್ ನೀಡಲಿದೆ ಎಂದು ತಿಳಿದುಬಂದಿದೆ. ಈಗಾಗಲೇ ರಿಲೀಸ್ ಆಗಿರುವ 'ಸಲಾರ್' ಟೀಸರ್ ಒಂದು ರೇಂಜ್ ನಿರೀಕ್ಷೆ ಹುಟ್ಟು ಹಾಕಿದ್ದು ಗೊತ್ತೇ ಇದೆ. ಇದಲ್ಲದೇ ಪ್ರಶಾಂತ್ ನೀಲ್ ಆಕ್ಷನ್ ಸೀಕ್ವೆನ್ಸ್‌ಗೆ ಎಷ್ಟು ಪ್ರಾಮುಖ್ಯತೆ ನೀಡಿದ್ದಾರೆ ಎಂಬುದು ಇಲ್ಲಿ ಸ್ಪಷ್ಟವಾಗಿದೆ.