KKBKKJ : 7ನೇ ದಿನಕ್ಕೆ 150 ಕೋಟಿ ಗಳಿಕೆ ಕಂಡ ಸಲ್ಲು ʼಕೆಕೆಬಿಕೆಕೆಜೆʼ ಚಿತ್ರ..!

Kisi Ka Bhai Kisi Ki Jaan box office collections day 7 : ಬಾಲಿವುಡ್‌ ನಟ ಸಲ್ಮಾನ್ ಖಾನ್ ಅಭಿನಯದ ಮಸಾಲಾ ಎಂಟರ್‌ಟೈನರ್ ಸಿನಿಮಾ ʼಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ʼ ರಿಲೀಸ್‌ ಆದ ಒಂದು ವಾರಕ್ಕೆ ಉತ್ತಮ ಕಲೇಕ್ಷನ್‌ ಮಾಡಿದೆ. ಏಪ್ರಿಲ್ 21 ರಂದು ಬಿಡುಗಡೆಯಾದ ಫರ್ಹಾದ್ ಸಾಮ್ಜಿ ನಿರ್ದೇಶನದ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಮೊದಲ 7 ದಿನಗಳಲ್ಲಿ 150 ಕೋಟಿ ರೂಪಾಯಿಗಳನ್ನು ದಾಟಿದೆ. 

ಸ್ವತಃ ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ‌ ಚಿತ್ರತಂಡ ಪೋಸ್ಟರ್‌ ಒಂದನ್ನು ಹಂಚಿಕೊಂಡಿದೆ. ಇಲ್ಲಿಯವರೆಗೆ, ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ವಿಶ್ವದಾದ್ಯಂತ 151.12 ಕೋಟಿ ರೂಪಾಯಿ ಗಳಿಸಿದೆ ಎಂದು ತಿಳಿಸಿದೆ. Sacnilk ಒದಗಿಸಿದ ಮಾಹಿತಿಯ ಪ್ರಕಾರ, ಶಾರುಖ್ ಖಾನ್ ನಟನೆಯ ಪಠಾಣ್‌ ಮತ್ತು ರಣಬೀರ್ ಕಪೂರ್ ಅವರ ತು ಜೂಥಿ ಮೈನ್ ಮಕ್ಕರ್ ನಂತರ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ವಿಶ್ವದಾದ್ಯಂತ 150 ಕೋಟಿ ರೂ. ಗಳಿಕೆ ಮಾಡಿದ ಈ ವರ್ಷದ ಮೂರನೇ ಚಿತ್ರವಾಗಿದೆ.

ಇದನ್ನೂ ಓದಿ: ಆಸ್ಕರ್‌ ಏನ್‌ ಅಂತ ದೊಡ್ಡ ಪ್ರಶಸ್ತಿನಾ..? RGV ಪ್ರಶ್ನೆಗೆ ಮುಖಕ್ಕೆ ಹೊಡೆದಂತೆ ಉತ್ತರಿಸಿದ ಕೀರವಾಣಿ

ಇನ್ನು ಬಿಡುಗಡೆಯಾದ ಮೊದಲ ದಿನದಿಂದಲೇ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾದವು. ಇದರ ಹೊರತಾಗಿಯೂ ಖಾನ್ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಹೊಸ ದಾಖಲೆಗಳನ್ನು ಸೃಷ್ಟಿಸಿದೆ. ದೇಶೀಯ ಕಲೆಕ್ಷನ್‌ಗೆ ಸಂಬಂಧಿಸಿದಂತೆ ಚಿತ್ರವು 90.15 ಕೋಟಿ ರೂಪಾಯಿ ಗಳಿಸಿದೆ. ಮೊದಲು 15.81 ರೂ ಗಳಿಸುವ ಮೂಲಕ, ಚಿತ್ರವು ಅನಿರೀಕ್ಷಿತವಾಗಿ ಗಲ್ಲಾಪೆಟ್ಟಿಗೆ ಪಟ್ಟಿಯಲ್ಲಿ ಹಿಂದಕ್ಕೆ ಬಿದ್ದಿತ್ತು. ಆದರೆ, ಚಿತ್ರ ಎರಡನೇ ದಿನ ಭರ್ಜರಿ ಜಿಗಿತ ಕಂಡು, 25.75 ಕೋಟಿ ಕಲೆಕ್ಷನ್ ಮಾಡಿತ್ತು.

ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಚಿತ್ರದಲ್ಲಿ ದಗ್ಗುಬಾಟಿ ವೆಂಕಟೇಶ್, ಪೂಜಾ ಹೆಗ್ಡೆ, ಸಿದ್ಧಾರ್ಥ್ ನಿಗಮ್, ರಾಘವ್ ಜುಯಲ್, ಜಸ್ಸಿ ಗಿಲ್, ಜಗಪತಿ ಬಾಬು, ಶೆಹನಾಜ್ ಗಿಲ್, ಪಾಲಕ್ ತಿವಾರಿ, ಮತ್ತು ವಿನಾಲಿ ಭಟ್ನಾಗರ್ ತಾರಾಗಣದಲ್ಲಿದ್ದಾರೆ. ವರ್ಷದ ಸಲ್ಮಾನ್ ಅವರ ಮುಂದಿನ ಬಿಡುಗಡೆಯು ಹೆಚ್ಚು ನಿರೀಕ್ಷಿತ ಟೈಗರ್ 3 ಆಗಿರುತ್ತದೆ. ಚಿತ್ರವು 2023 ರ ದೀಪಾವಳಿಯಂದು ಬಿಡುಗಡೆಯಾಗಲಿದೆ.