Slman Khan : ʼಜಾನ್‌ʼ ಅಂತ ಕರೆಯಬೇಕಾಗಿದ್ದವಳು ಈಗ ʼಭಾಯ್‌ʼ ಅಂತೀದಾಳೆ..!

Slman Khan : ಬಾಲಿವುಡ್‌ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ನಟ ಸಲ್ಮಾನ್ ಖಾನ್ ಯಾವಾಗ ಮದುವೆ ಆಗ್ತಾರೆ ಎನ್ನವ ಪ್ರಶ್ನೆ ಅವರ ಅಭಿಮಾನಿಗಳನ್ನು ಕಾಡುತ್ತಿದೆ. ಸಲ್ಲು ಭಾಯ್‌ ಸಹ ಈ ಕುರಿತು ಎಲ್ಲೂ ತುಟಿ ಬಿಚ್ಚಿಲ್ಲ. ಅಲ್ಲದೆ, ಯಾರನ್ನಾದ್ರೂ ಲವ್‌ ಮಾಡ್ತೀದಿನಿ ಇಲ್ಲ ಡೇಟಿಂಗ್‌ನಲ್ಲಿದಿನಿ ಅಂದ್ರೆ ಅವರ ಪ್ಯಾನ್ಸ್‌ಗೆ ಸ್ವಲ್ಪ ಖುಷಿ ಆಗ್ಬಹುದು ಅನಿಸುತ್ತೆ ಆದ್ರೆ. ಭಾಯ್‌ ಮಾತ್ರ ತಮ್ಮ ಲೈಫ್‌ನಲ್ಲಿ ಪ್ರೀತಿ ಅನ್ನೋದು ದುರಾದೃಷ್ಟ ಅಂತ ಹೇಳುವ ಮೂಲಕ ಅಭಿಮಾನಿಗಳಿಗೆ ಶಾಕ್‌ ನೀಡಿದ್ದಾರೆ.

ಹೌದು..  ರಜತ್ ಶರ್ಮಾ ಅವರು ನಡೆಸಿಕೊಡುವ ಜನಪ್ರಿಯ ಕಾರ್ಯಕ್ರಮ ಆಪ್ ಕಿ ಅದಾಲತ್‌ನಲ್ಲಿ ಮೊದಲ ಬಾರಿಗೆ ಅತಿಥಿಯಾಗಿ ಸಲ್ಮಾನ್‌ ಖಾನ್‌ ಆಗಮಿಸಿದ್ದರು. ಈ ವೇಳೆ ಅವರಿಗೆ ತಮ್ಮ ಪ್ರೇಮ ಜೀವನದ ಬಗ್ಗೆ ಪ್ರಶ್ನೆ ಕೇಳಲಾಯಿತು. ಅಲ್ಲದೆ, ಅವರ ಜೀವನದಲ್ಲಿ ಎಷ್ಟು ಯುವತಿಯರು ಬಂದು ಹೋದರು, ಪ್ರಸ್ತುತ ಪರಿಸ್ಥಿತಿ ಏನು ಎಂಬುದರ ಕುರಿತು ಅವರು ಪ್ರಶ್ನಿಸಲಾಯಿತು. ಸಲ್ಮಾನ್ ಖಾನ್ ಸ್ವಲ್ಪ ಮುಜುಗರದಿಂದ, ನಾನು ಏನು ಮಾಡಬಲ್ಲೆ, ನನ್ನ ಜೀವನದಲ್ಲಿ ಪ್ರೀತಿ ಎಂಬುವುದು ದುರದೃಷ್ಟ... ಜಾನ್ ಎಂದು ಕರೆಯಲು ಬಯಸಿದವಳು ಈಗ ಭಾಯ್ ಎಂದು ಕರೆಯುತ್ತಾರೆ.. ಹಾಗಾಗಿ ನಾನೇನು ಮಾಡಲಿ ಅಂತ ಸಲ್ಲು ಉತ್ತರ ನೀಡಿದರು.

ಇನ್ನು ಬಿ-ಟೌನ್ ನಟಿಯರೊಂದಿಗಿನ ಸಂಬಂಧ ಸುದ್ದಿಗಳಿಂದ ಸಲ್ಮಾನ್ ಖಾನ್ ಆಗಾಗ್ಗೆ ಸುದ್ದಿಯಲ್ಲಿರುತ್ತಾರೆ. ಇತ್ತೀಚಿಗೆ ಸಲ್ಲು ಬಾಯ್‌ ಮತ್ತು ಪೂಜಾ ಹೆಗ್ಡೆ ಡೇಟಿಂಗ್‌ ಮಾಡುತ್ತಿದ್ದು, ಮದುವೆ ಆಗ್ತಾರೆ ಅಂತ ಹೇಳಲಾಗುತ್ತಿತ್ತು. ಈ ಸುದ್ದಿ ಕೆಲವು ದಿನಗಳು ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ಸೆನ್ಸೇಷನ್‌ ಕ್ರಿಯೇಟ್‌ ಮಾಡಿತ್ತು. ಅದ್ರೆ. ಇದು ಸುಳ್ಳು ಅಂತ ಪೂಜಾ ಈ ಸುದ್ದಿಯನ್ನು ಅಲ್ಲಗಳೆದಿದ್ದರು.