ದೀಪಾವಳಿ ಹಬ್ಬದ ವೇಳೆಯೇ ಗುಡ್ ನ್ಯೂಸ್ ನೀಡಿದ ‘ಕಾಂತಾರ ಚಲುವೆ’ ಸಪ್ತಮಿ ಗೌಡ

Sapthami Gowda: ‘ಕಾಂತಾರ’ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಲೇವಲ್ ನಲ್ಲಿ ಹೆಸರು ಮಾಡಿದ ಮತ್ತು ಫಿಲಂ ಫೇರ್ ಪ್ರಶಸ್ತಿಗೂ ಭಾಜನರಾಗಿರುವ ಸ್ಯಾಂಡಲ್ ವುಡ್ ಸುಂದರಿ ಸಪ್ತಮಿ ಗೌಡ ದೀಪಾವಳಿ ಹಬ್ಬಕ್ಕೆ ಅಭಿಮಾನಿಗಳಿಗೆ ‘ಗುಡ್ ನ್ಯೂಸ್’ ಒಂದನ್ನು ನೀಡಿದ್ದಾರೆ.

‘ಕಾಂತಾರ’ ಸಿನಿಮಾದ ಲೀಲಾ ಆಗಿ ಸಪ್ತಮಿ ಗೌಡ ಅವರ ನಟನೆ ಬಹುಕಾಲ ನೆನಪಿನಲ್ಲಿ ಉಳಿಯುವಂತಹುದು. ಹಾಗಾಗಿ ಸಹಜವಾಗಿ ಕಾಂತಾರ ಸಕ್ಸಸ್ ಆಗುತ್ತಿದ್ದಂತೆ ಸಪ್ತಮಿ ಗೌಡ ಮತ್ಯಾವ ಸಿನಿಮಾ ಮಾಡಲಿದ್ದಾರೆ ಎನ್ನುವ ಕುತೂಹಲವೂ ಹುಟ್ಟುಕೊಂಡಿತ್ತು. ಇದಾದ ಬಳಿಕ ಅವರು ದೊಡ್ಮನೆಯ ಕುಡಿ ಯುವರಾಜ್ ಅವರೊಂದಿಗೆ ‘ಯುವ’ ಸಿನಿಮಾ ನಾಯಕಿಯಾಗಿ ಕಾಣಿಸಿಕೊಂಡರು.

ಇದನ್ನೂ ಓದಿ- ಡಿವೋರ್ಸ್ ಆಗಿದ್ದರೂ ನಿಲ್ಲದ ಸಮಂತಾ ರುತ್ ಪ್ರಭು-ನಾಗಾ ಚೈತನ್ಯಾ ಜಗಳ; ಲೀಗಲ್ ನೋಟಿಸ್ ಕೊಡ್ತಾರಾ?

‘ಯುವ’ ಸಿನಿಮಾ ಬಿಡುಗಡೆಯಾದ ಬಳಿಕ ಯುವರಾಜ್ ಮತ್ತು ಸಪ್ತಮಿ ಗೌಡ ನಡುವೆ ಲವ್ ಆಗಿದೆ ಎನ್ನುವ ಗಾಸಿಪ್ ಕೇಳಿಬಂತು. ಅದು ಯುವರಾಜ್ ದಾಂಪತ್ಯದ ಮೇಲೆ ಪರಿಣಾಮ ಬೀರಿದೆ ಎಂದು ಚರ್ಚೆಯಾಯಿತು. ಸಪ್ತಮಿ ಗೌಡ ‘ನನ್ನದೇನು ತಪ್ಪಿಲ್ಲ’ ಎಂದು ಅಲವತ್ತುಕೊಂಡಿದ್ದರು. ಇದರ ನಡುವೆ ಸಪ್ತಮಿ ಗೌಡ ತೆಲುಗು ಚಿತ್ರರಂಗಕ್ಕೆ ಜಿಗಿದು ನಿತಿನ್ ಅವರ ‘ತಮ್ಮುಡು’ ಸಿನಿಮಾಕ್ಕೆ ನಾಯಕಿಯಾಗಿದ್ದಾರೆ. ‘ತಮ್ಮುಡು’ ಸಿನಿಮಾದ ಚಿತ್ರೀಕರಣ ನಡೆಯುತ್ತಿರುವುದರ ನಡುವೆಯೇ ಮತ್ತೆ ಕನ್ನಡಕ್ಕೆ ಮರಳುವ ಸುಳಿವು ನೀಡಿದ್ದಾರೆ. 

ದೀಪಾವಳಿ ಹಬ್ಬದ ವೇಳೆ ಸಪ್ತಮಿ ಗೌಡ ಹೊಸ ಕನ್ನಡ ಸಿನಿಮಾದಲ್ಲಿ ನಟಿಸುವ ಬಗ್ಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಡಾಲಿ ಧನಂಜಯ ಅಭಿನಯದ ‘ಹಲಗಲಿ’ ಎಂಬ ಐತಿಹಾಸಿಕ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ವಿಶೇಷ ಎಂದರೆ ಸಪ್ತಮಿ ಗೌಡ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡಿದ್ದೆ ಡಾಲಿ ಧನಂಜಯ ಅಭಿನಯದ ‘ಪಾಪ್ ಕಾರ್ನ್ ಮಂಕಿ ಟೈಗರ್’ ಎನ್ನುವ ಸಿನಿಮಾ ಮೂಲಕ.

ಇದನ್ನೂ ಓದಿ- ಓ ಪ್ರೇಮವೇ, ನೀನೆಷ್ಟು ಕ್ರೂರಿ… ಅಭಿಷೇಕ್ ಬಚ್ಚನ್-ಐಶ್ವರ್ಯ ರೈ ವಿಚ್ಛೇದನ ವದಂತಿ ನಡುವೆ ಸಲ್ಮಾನ್ ಖಾನ್ ಮಾಜಿ ಪ್ರೇಯಸಿ ಹೇಳಿದ್ದೇನು?

‘ಹಲಗಲಿ’ ಸಿನಿಮಾ ಮೂಲಕ ಡಾಲಿ ಧನಂಜಯ ಮತ್ತು ಸಪ್ತಮಿ ಗೌಡ ಎರಡನೇ ಬಾರಿಗೆ ಸ್ಕ್ರೀನ್ ಶೇರ್ ಮಾಡುತ್ತಿದ್ದಾರೆ.  ಡಾಲಿ ಧನಂಜಯ ಈಗಾಗಲೇ ‘ಅಲ್ಲಮ’ ಎನ್ನುವ ಐತಿಹಾಸಿಕ ಸಿನಿಮಾದಲ್ಲಿ ನಟಿಸಿದ್ದಾರೆ. ಸಪ್ತಮಿ ಗೌಡ ಅವರಿಗೆ ಐತಿಹಾಸಿಕ ಸಿನಿಮಾದಲ್ಲಿ ಇದು ಮೊದಲ ಅನುಭವ. ‘ಹಲಗಲಿ’ ಸಿನಿಮಾದಲ್ಲಿ ಪ್ರಖ್ಯಾತ ನಟ ಪ್ರಕಾಶ್ ರಾಜ್ ಕೂಡ ಇರಲಿದ್ದಾರೆ. ‘ಹಲಗಲಿ’ ಚಿತ್ರ ತೀವ್ರ ಕುತೂಹಲ ಮೂಡಿಸಿದ್ದು ಬಹು ದಿನಗಳ ನಂತರ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವ ಸಪ್ತಮಿ ಗೌಡ ಅವರ ಸಿನಿ ಜರ್ನಿಯಲ್ಲಿ ನಿರ್ಣಾಯಕ ಪಾತ್ರ ವಹಿಸಲಿದೆ.