Lohithaswa : ಕನ್ನಡ ಸಿನಿರಂಗದ ಹಿರಿಯ ನಟ ಲೋಹಿತಾಶ್ವ ಇನ್ನಿಲ್ಲ

Veteran actor Lohithaswa : ಕನ್ನಡ ಸಿನಿರಂಗದ ಹಿರಿಯ ನಟ ಲೋಹಿತಾಶ್ವ ವಿಧಿವಶರಾಗಿದ್ದಾರೆ. ಇಂದು ಮಧ್ಯಾಹ್ನದ ವೇಳೆಗೆ ಲೋಹಿತಾಶ್ವ ಇಹಲೋಕ ತ್ಯಜಿಸಿದ್ದಾರೆ. ಅನಾರೋಗ್ಯದ ಹಿನ್ನೆಲೆ ಕಳೆದ ಒಂದು ತಿಂಗಳಿನಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಕುಮಾರಸ್ವಾಮಿ ಲೇಔಟ್ ನಲ್ಲಿರುವ ಸಾಗರ್ ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಇಂದು ನಿಧನರಾಗಿದ್ದಾರೆ.

ಇದನ್ನೂ ಓದಿ : Amitabh Bachchan : ಜಯಾ ಬಚ್ಚನ್‌ಗೆ ಮದುವೆಗೂ ಮುನ್ನ ಅಮಿತಾಬ್‌ ಹಾಕಿದ್ರಂತೆ ಈ ಕಂಡೀಷನ್‌!

ತುಮಕೂರು ಬಳಿ ತೋಂಡಗೇರೆ ಗ್ರಾಮದಲ್ಲಿ ಜನಸಿದ್ದ ಲೋಹಿತಾಶ್ವ ಅವರಿಗೆ ಮೂರು ಜನ ಮಕ್ಕಳು. ಬರಗೂರು ರಾಮಚಂದ್ರಪ್ಪ ಅವರ  ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಲೋಹಿತಾಶ್ವ ಪದಾರ್ಪಣೆ ಮಾಡಿದ್ದರು. ಲೋಹಿತಾಶ್ವ ಅವರ ಮೊದಲ ಕಮರ್ಷಿಯಲ್‌ ಸಿನಿಮಾ ಗೀತಾ. ಡಾ.ರಾಜ್ ಕುಮಾರ್, ವಿಷ್ಣುವರ್ಧನ್, ಅಂಬರೀಶ್ ಶಂಕರ್ ನಾಗ್ ನಾಲ್ಕು ದಿಗ್ಗಜ ನಟರ ಜೊತೆ ಲೋಹಿತಾಶ್ವ ತೆರೆ ಹಂಚಿಕೊಂಡಿದ್ದರು.

ಹಿರಿಯ ನಿರ್ದೇಶ ಬಿ ಸೋಮಶೇಖರ್ ಅವರ ಬಹುತೇಕ ಸಿನಿಮಾಗಳಲ್ಲಿ ಲೋಹಿತಾಶ್ವ ನಟಿಸಿದ್ದಾರೆ. ಪರಶುರಾಮ, ಸಮಯದ ಗೊಂಬೆ ಸಿನಿಮಾಗಳಲ್ಲಿ ಅಣ್ಣಾವ್ರ ಜೊತೆ ನಟಿಸಿದ್ದರು. ಅಂಬರೀಶ್, ವಿಷ್ಣುವರ್ಧನ್, ಶಂಕರ್ ನಾಗ್ ಜೊತೆ ಅತಿ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದರು. 500 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದ ಹಿರಿಯ ಜೀವ ಇಂದು ವಿಧಿವಶರಾಗಿದ್ದಾರೆ.