ʼಸಪ್ತ ಸಾಗರದಾಚೇ ಎಲ್ಲೋʼ ಇದೇ 22ಕ್ಕೇ ತೆಲುಗುನಲ್ಲಿ ರಿಲೀಸ್

Releasing in Telugu : ರಕ್ಷಿತ್ ಶೆಟ್ಟಿ ಮತ್ತು ರುಕ್ಮಿಣಿ ವಸಂತ ಅಭಿನಯದ ಹೇಮಂತ್ ರಾವ್ ನಿರ್ದೇಶನದ ಚಿತ್ರ 'ಸಪ್ತ ಸಾಗರದಾಚೆ ಎಲ್ಲೊ' ಸೆಪ್ಟೆಂಬರ್ 01ರಂದು ರಿಲೀಸ್ ಆಗಿದ್ದು, ನೋಡುಗರ ಮನಗೆದ್ದು ಯಶಸ್ಸನ್ನುಗಳಿಸಿದೆ. ಅದೇ ಸಿನಿಮಾ ಇದೀಗ ತೆಲುಗುನಲ್ಲಿ ರಿಲೀಸ್ ಆಗುತ್ತಿದೆ ಎಂದು ನಿನ್ನೆ ಚಿತ್ರ ತಂಡ ಮಾಹಿತಿ ನೀಡಿದೆ. ಸಿನಿಮಾ ಸೆಪ್ಟೆಂಬರ್ 22 ರಂದು  ತೆಲುಗುನಲ್ಲಿ  ' ಸಪ್ತ ಸಾಗರಲು ದಾಟಿ ' ಎಂಬ ಶೀರ್ಷಿಕೆಯಲ್ಲಿ  ತೆರೆ ಕಾಣಲು ಸಿದ್ಧವಾಗಿದೆ.   

ನಾಯಕಿ ರುಕ್ಮಿಣಿ ವಸಂತ (ಪ್ರಿಯಾ) ಪಾತ್ರದಲ್ಲಿ , ರಕ್ಷಿತ್ ಶೆಟ್ಟಿ (ಮನು) ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ನಿರ್ದೇಶಕ ಹೇಮಂತ್ ರಾವ್ ಅವರ ನಿರ್ದೇಶನದಲ್ಲಿ ತೆರೆ ಕಂಡ ಮೂರನೇ ಸಿನಿಮಾ ಇದಾಗಿದ್ದು, ಈಗ ಈ ಸಿನಿಮಾ ತೆಲುಗುನಲ್ಲಿ ತೆರೆ ಕಾಣಲು ಸಿದ್ದವಾಗಿದೆ. ಸಿನಿಮಾದಲ್ಲಿನ  ಸಮುದ್ರ ದಡದ ಅಲೆಯ ಸದ್ದಿನೊಂದಿಗೆ ಪ್ರೀತಿ, ನೋವು ಸಂಪೂರ್ಣವಾಗಿ ಸೇರಿಕೊಂಡು ಅಭಿಮಾನಿಗಳನ್ನು ಆವರಿಸಿ ಬಿಟ್ಟಿದೆ. 

ಇದನ್ನು ಓದಿ- ಪವನ್ ಕಲ್ಯಾಣ್ ಅವರ ಬೆರಳುಗಳಲ್ಲಿರುವ ಆ ಎರಡು ಉಂಗುರಗಳ ವೈಶಿಷ್ಠ್ಯವೇನು ಗೊತ್ತಾ?

ಸಿನಿಮಾವನ್ನು ಎರಡು ಭಾಗಗಳಾಗಿ ಮಾಡಿದ್ದು ಕನ್ನಡಲ್ಲಿ Side-A ಈಗಾಗಲೇ ತೆರೆ ಕಂಡಿದ್ದು, ಸಿನಿಮಾದ ಮೊದಲ ಭಾಗ ಜನರಲ್ಲಿ ಒಂದು ಅಭಿಪ್ರಾಯ ಮೂಡಿಸಿದೆ ಮತ್ತು ಎರಡನೇ ಭಾಗಕ್ಕಾಗಿ ಕಾಯುವ ಕುತೂಹಲವನ್ನು ಉಂಟು ಮಾಡಿದೆ.