Sevanthi Serial: ಹೊಸ ದಾಖಲೆ ಸೃಷ್ಟಿಸಿದ `ಸೇವಂತಿ` ಧಾರಾವಾಹಿ...1300 ಎಪಿಸೋಡ್ ಕಂಪ್ಲೀಟ್!

Sevanthi Serial : ತಮಿಳು ಧಾರಾವಹಿಯ ರಿಮೇಕ್‌ ಆದ ಸೇವಂತಿ ಸಿರೀಯಲ್‌ನಲ್ಲಿ ಮುಖ್ಯ ಪಾತ್ರದಲ್ಲಿ ನಟಿ ದೀಪಿಕಾ ನಟಿಸಿದ್ದಾರೆ. ಸದ್ಯ ಇವರು  ತಮ್ಮ ಅಭಿಮಾನಿಗಳಿಗೆ ವಿಶೇಷ ಧನ್ಯವಾದಗಳನ್ನು ತಿಳಸಿದ್ದಾರೆ. ಅಲ್ಲದೇ ಈ ಧಾರಾವಾಹಿಯನ್ನು ಅಭಿಮಾನಿಗಳು ಬಹಳವಾಗಿ ಮೆಚ್ಚಿಕೊಂಡಿದ್ದಾರೆ. 

ಜೀ ಕನ್ನಡದ ಗಟ್ಟಿಮೇಳ ಮತ್ತು ಪಾರು ಸೇರಿದಂತೆ ಇನ್ನು ಹಲವು ಧಾರಾವಾಹಿಗಳು ದೀರ್ಘಕಾಲದವರೆಗೆ ಹೆಚ್ಚು ಪ್ರಾಸಾರವಾಗುತ್ತಿರುವ ಹೆಗ್ಗಳಿಕೆಗೆ ಪಾತ್ರವಾಗಿದ್ದವು. ಆದರೆ ಇದೀಗ ಸೇವಂತಿ ಧಾರಾವಾಹಿ ಸಹ ಅದೇ ಸೇರಿದೆ. ಈ ವಿಚಾರ ಧಾರಾವಾಹಿ ತಂಡಕ್ಕೆ ಹೇಳಲಾಗದಷ್ಟು ಸಂತೋಷವನ್ನು ತಂದುಕೊಟ್ಟಿದೆ.  

ಇದನ್ನೂ ಓದಿ-ಸಿನಿಮಾ ಹುಚ್ಚು ಹಿಡಿಸಿದ್ದೇ ನಾನು ಅಂದ್ರು ತಲೈವ ಸ್ನೇಹಿತ ರಾಜ್‌

ಈ ಈ ಸೇವಂತಿ ಸಿರೀಯಲ್‌ನ ಪ್ರೀಮಿಯರ್‌ ಶೋನಲ್ಲಿ ಪಲ್ಲವಿಗೌಡ ನಾಯಕಿಯಾಗಿ ನಟಿಸಿದ್ದರು. ಕೆಲ ಸಂಚಿಕೆಗಳ ನಂತರ ನಟಿ ಮೇಘನಾ ಖುಷಿಯವರು ಪಾತ್ರಕ್ಕೆ ಜೀವತುಂಬಿದ್ದರು. ಸದ್ಯ ನಟಿ ದೀಪಿಕಾ ಈ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

ಇನ್ನು ಈ ಧಾರಾವಾಹಿಯಲ್ಲಿ ನಟ ಶಿಶಿರ್‌ ಶಾಸ್ತ್ರಿ ನಾಯಕನ ಪಾತ್ರಕ್ಕೆ ಜೀವತುಂಬಿ, ವಕೀಲನ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಈ ಧಾರಾವಾಹಿಯ ಇನ್ನೊಂದು ವಿಶೇಷತೆಯೆಂದರೆ ಸಾಹಸಸಿಂಹ ವಿಷ್ಣುವರ್ಧನ್ ಅವರ ಪತ್ನಿ ಭಾರತಿ ವಿಷ್ಣುವರ್ಧನ್ ಈ ಧಾರಾವಾಹಿಯಲ್ಲಿ ನಟಿಸುವ ಮೂಲಕ ಕಿರುತೆರೆಗೆ ಪಾದಾರ್ಪಣೆ ಮಾಡಿದ್ದರು. ಸದ್ಯ  ಸಾವಿರದ ಮುನ್ನೂರು ಎಪಿಸೋಡ್‌ಗಳನ್ನು ಪೊರೈಸಿದ ಧಾರಾವಾಹಿ ಹೀಗೆ ಇನ್ನಷ್ಟು ಭರ್ಜರಿ ಎಪಿಸೋಡ್ ಗಳನ್ನು ನೀಡುವಂತಾಗಲಿ.