Shah Rukh Khan: ನಟ ಶಾರುಖ್ ಖಾನ್ ಆಸ್ಪತ್ರೆಗೆ ದಾಖಲು..! ಏನಾಯ್ತು ಕಿಂಗ್ ಖಾನ್‌ಗೆ?

Shah Rukh Khan hospitalised : ಬಾಲಿವುಡ್ ಸೂಪರ್ ಸ್ಟಾರ್ ನಟ ಶಾರುಖ್ ಖಾನ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇಂದು ಮಧ್ಯಾಹ್ನ ಅಹಮದಾಬಾದ್‌ನ ಕೆಡಿ ಆಸ್ಪತ್ರೆಗೆ ಕಿಂಗ್‌ ಖಾನ್‌ ಅವರನ್ನು ದಾಖಲಿಸಲಾಗಿದೆ. ಬಿಸಿಲ ತಾಪದಿಂದ ಸೂಪರ್ ಸ್ಟಾರ್ ನಟನ ಆರೋಗ್ಯ ಹದಗೆಟ್ಟು ನಿರ್ಜಲೀಕರಣಕ್ಕೆ ಒಳಗಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಐಪಿಎಲ್ 2024 ಕ್ವಾಲಿಫೈಯರ್ 1 ರಲ್ಲಿ ತಮ್ಮ ತಂಡ ಕೆಕೆಆರ್ ಅನ್ನು ಬೆಂಬಲಿಸಲು ಶಾರುಖ್ ಖಾನ್ ಅಹಮದಾಬಾದ್‌ ಬಂದಿದ್ದರು. ನಿನ್ನೆ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ತಮ್ಮ ತಂಡವನ್ನು ಹುರಿದುಂಬಿಸುತ್ತಿದ್ದರು. ಅಲ್ಲಿನ ತಾಪಮಾನ ಪರಿಣಾಮ ಹೀಟ್‌ಸ್ಟ್ರೋಕ್‌ಗೆ ಒಳಗಾದ ಶಾರುಖ್‌ ಆರೋಗ್ಯ ಹದಗೆಟ್ಟಿದೆ ಎನ್ನಲಾಗಿದೆ.

ಇದನ್ನೂ ಓದಿ:Pushpa 2 Song : ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅವರ ಟೀಸರ್ ಪೋಸ್ಟರ್ ಬಿಡುಗಡೆ! 

ನಿನ್ನೆ ಅಹಮದಾಬಾದ್‌ನ ತಾಪಮಾನವು 40 ಡಿಗ್ರಿ ಮೀರಿತ್ತು. ಹೀಗಿರುವಾಗ ಹೀಟ್ ಸ್ಟ್ರೋಕ್ ನಿಂದ ಶಾರುಖ್ ಖಾನ್ ಅವರ ಆರೋಗ್ಯ ಹದಗೆಟ್ಟ ಹಿನ್ನೆಲೆ, ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದೀಗ ಕಿಂಗ್‌ ಖಾನ್‌ ಡಿಸ್ಚಾರ್ಜ್ ಆಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ, ನಟನ ಆರೋಗ್ಯದ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲ.

ಐಪಿಎಲ್ 2024 ಕ್ವಾಲಿಫೈಯರ್ 1 ರ ಪಂದ್ಯದಲ್ಲಿ ಮಗ ಅಬ್ರಾಮ್ ಮತ್ತು ಮಗಳು ಸುಹಾನಾ ಖಾನ್ ಅವರೊಂದಿಗೆ ಶಾರುಖ್ ಖಾನ್ ತಮ್ಮ ತಂಡ ಕೆಕೆಆರ್‌ ಅನ್ನು ಬೆಂಬಲಿಸಲು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂಗೆ ಬಂದಿದ್ದರು. ಕೆಕೆಆರ್ ತಂಡ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು 8 ವಿಕೆಟ್ ಗಳಿಂದ ಸೋಲಿಸಿ ಐಪಿಎಲ್ ಫೈನಲ್‌ಗೆ (IPL Final) ಲಗ್ಗೆ ಇಟ್ಟಿದೆ..