ಶಾರುಖ್‌ ಖಾನ್‌ ʼಜವಾನ್‌ʼ ಅವತಾರ ನೋಡಿ ಶಾಕ್‌ ಆದ ಫ್ಯಾನ್ಸ್‌..! ಬೋಳು ತಲೆಯಲ್ಲಿ ಕಿಂಗ್‌ ಖಾನ್‌

Shah rukh khan in Jawan : ʼಪಠಾಣ್‌ʼ ನಂತರ ಶಾರುಖ್ ಖಾನ್ ನಟನೆ ಎರಡನೇ ಸಿನಿಮಾ 'ಜವಾನ್' ರಿಲೀಸ್‌ಗೆ ರೆಡಿಯಾಗಿದೆ. ಇಂದು ಚಿತ್ರದ ಪೋಸ್ಟರ್‌ ಒಂದು ರಿಲೀಸ್‌ ಆಗಿದ್ದು ಕುತೂಹಲಕಾರಿಯಾಗಿದೆ. ಪೋಸ್ಟರ್‌ನಲ್ಲಿ ಕಿಂಗ್‌ ಖಾನ್‌ 'ಬೋಳು' ತಲೆಯಲ್ಲಿ ಮಿಂಚಿದ್ದಾರೆ. ಶಾರುಖ್‌ ನ್ಯೂ ಲುಕ್‌ ಅವರ ಫ್ಯಾನ್ಸ್‌ಗೆ ಇಷ್ಟವಾಗಿದೆ. ಅಲ್ಲದೆ ಚಿತ್ರದ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ.

ಇತ್ತೀಚಿಗೆ 'ಜವಾನ್' ಆಕ್ಷನ್-ಪ್ಯಾಕ್ಡ್ ಟ್ರೈಲರ್‌ ರಿಲೀಸ್‌ ಆಗಿತ್ತು. ಶಾರುಖ್ ಖಾನ್ ಅವರು ವಿವಿಧ ನೋಟಗಳಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದರು. ಆದ್ರೆ ಸದ್ಯ ರಿಲೀಸ್‌ ಆಗಿರುವ ಪೋಸ್ಟರ್‌ನಲ್ಲಿ ಖಾನ್‌ ಬೋಳು ತಲೆಯಲ್ಲಿ ಕಾಣಿಸಿಕೊಂಡಿದ್ದು, ಅರೆ ಈ ಲುಕ್‌ ಟೀಸರ್‌ನಲ್ಲಿ ಇದ್ದಿಲ್ಲವಲ್ಲ ಎನ್ನುವ ಪ್ರಶ್ನೆ ಹುಟ್ಟು ಹಾಕಿದೆ. ಒಟ್ಟಾರೆಯಾಗಿ ಸದ್ಯ ರಿಲೀಸ್‌ ಆಗಿರುವ ಪೋಸ್ಟರ್‌ ಒಂದು ಹಂತಕ್ಕೆ ಸಿನಿಮಾದ ಮೇಲಿನ ನಿರೀಕ್ಷೆ ಹೆಚ್ಚುವಂತೆ ಮಾಡಿದ್ದು ಸುಳ್ಳಲ್ಲ.

'ಜವಾನ್' ಚಿತ್ರವನ್ನು ರೆಡ್ ಚಿಲ್ಲಿಸ್ ಎಂಟರ್‌ಟೈನ್‌ಮೆಂಟ್ ಪ್ರಸ್ತುತ ಪಡಿಸುತ್ತಿದೆ, ಅಟ್ಲೀ ನಿರ್ದೇಶನ ಈ ಸಿನಿಮಾವನ್ನು ಗೌರಿ ಖಾನ್ ನಿರ್ಮಿಸಿದ್ದಾರೆ ಮತ್ತು ಗೌರವ್ ವರ್ಮಾ ಸಹ-ನಿರ್ಮಾಣ ಮಾಡಿದ್ದಾರೆ. ಚಿತ್ರವು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಸೆಪ್ಟೆಂಬರ್ 7, 2023 ರಂದು ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ವರದಿಗಳ ಪ್ರಕಾರ, ಶಾರುಖ್ ದ್ವಿಪಾತ್ರದಲ್ಲಿ ನಟಿಸಿದ್ದಾರೆ, ಜೊತೆಗೆ ನಯನತಾರಾ, ವಿಜಯ್ ಸೇತುಪತಿ, ದೀಪಿಕಾ ಪಡುಕೋಣೆ, ಪ್ರಿಯಾಮಣಿ ಮತ್ತು ಸನ್ಯಾ ಮಲ್ಹೋತ್ರಾ ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.