ಮಗನಿಗೆ ಶಾರುಖ್‌ ʼಅಬ್ರಾಮ್ʼ ಎಂಬ ಹೆಸರಿಟ್ಟಿದ್ದು ಏಕೆ.? ಈ ಪದದ ಅರ್ಥ ತಿಳಿದ್ರೆ ಶಾಕ್‌ ಆಗ್ತೀರಾ

SRK King movie : ಬಾಲಿವುಡ್ ಸ್ಟಾರ್‌ ನಟ ಶಾರುಖ್ ಖಾನ್ ಅವರು ತಮ್ಮ ಕಿರಿಯ ಪುತ್ರನಿಗೆ 'ಅಬ್ರಾಮ್' ಅಂತ ಏಕೆ ಹೆಸರಿಟ್ಟರು ಎಂಬುದನ್ನು ರಿವೀಲ್‌ ಮಾಡಿದ್ದಾರೆ. ಕಳೆದ ವರ್ಷ ಶಾರುಖ್ ಖಾನ್ ಪಠಾಣ್, ಜವಾನ್ ಮತ್ತು ಡುಂಕಿ ಚಿತ್ರಗಳಲ್ಲಿ ನಟಿಸಿದ್ದರು. ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಪಠಾಣ್ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ನಟಿಸಿದ್ದಾರೆ. 

ನಾಲ್ಕು ವರ್ಷಗಳ ನಂತರ ಶಾರುಖ್ ಖಾನ್ ನಟಿಸಿದ್ದರಿಂದ ಅಭಿಮಾನಿಗಳಲ್ಲಿ ಭಾರೀ ನಿರೀಕ್ಷೆ ಮೂಡಿಸಿತ್ತು. ಚಿತ್ರದ ಸಿಂಗಲ್ ಸಾಂಗ್ ರಿಲೀಸ್ ಆದಾಗ ಕೆಲವರು ದೀಪಿಕಾ ಪಡುಕೋಣೆ ತೊಟ್ಟಿದ್ದ ಡ್ರೆಸ್ ಬಣ್ಣದ ಬಗ್ಗೆ ವಿರೋಧ ವ್ಯಕ್ತಪಡಿಸಿದ್ದರು. ಅದರ ನಂತರ ಶಾರುಖ್ ಖಾನ್ ಅಟ್ಲಿ ನಿರ್ದೇಶನದ ಜವಾನ್ ಚಿತ್ರದಲ್ಲಿ ನಟಿಸಿದರು. ತಮಿಳುನಾಡಿನಲ್ಲಿ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಗದಿದ್ದರೂ ಉತ್ತರದ ರಾಜ್ಯಗಳಲ್ಲಿ ಚಿತ್ರಕ್ಕೆ ಭರ್ಜರಿ ಸ್ವಾಗತ ಸಿಕ್ಕಿತ್ತು. ಈ ಚಿತ್ರ ಸಾವಿರ ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ದಾಖಲೆಯನ್ನೂ ಮಾಡಿದೆ.

ಇದನ್ನೂ ಓದಿ:ಜಾನಿ ಮಾಸ್ಟರ್ ಅತ್ಯಾಚಾರ ಕೇಸ್‌ನಲ್ಲಿ ಅಲ್ಲು ಅರ್ಜುನ್..! ʼಪುಷ್ಪಾ 2ʼ ಶೂಟಿಂಗ್‌ ವೇಳೆ ಏನಾಯ್ತು..?

ಈ ಚಿತ್ರದ ನಂತರ ಶಾರುಖ್ ಖಾನ್ ಡಂಕಿ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಕಳೆದ ವರ್ಷ ಡಿಸೆಂಬರ್ ನಲ್ಲಿ ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆ ಪಡೆದು ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ನಿರ್ಮಿಸಿತ್ತು. ಈ ಮೂಲಕ ಶಾರುಖ್ ಸತತ ಮೂರು ಹಿಟ್ ಚಿತ್ರಗಳನ್ನು ನೀಡುವ ಮೂಲಕ ದಾಖಲೆ ನಿರ್ಮಿಸಿದ್ದರು.  

'ಜಾನೆ ಜಾನ್' ಚಿತ್ರ ನಿರ್ದೇಶಿಸಿದ್ದ ಸುಜಯ್ ಘೋಷ್ ನಿರ್ದೇಶನದಲ್ಲಿ ಶಾರುಖ್ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ 'ಕಿಂಗ್' ಎಂದು ಹೆಸರಿಡಲಾಗಿದೆ ಎಂದು ವರದಿಯಾಗಿದೆ. ಶಾರುಖ್ ಖಾನ್ ಪುತ್ರಿ ಸುಹಾನಾ ಈ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಲಿದ್ದಾರೆ. ಅಭಿಷೇಕ್ ಬಚ್ಚನ್ ಶಾರುಖ್ ಖಾನ್ ಗೆ ವಿಲನ್ ಆಗಿ ನಟಿಸಲಿದ್ದಾರೆ ಎನ್ನಲಾಗಿದೆ. ಸದ್ಯ, ಚಿತ್ರದ ಪ್ರಿ-ಪ್ರೊಡಕ್ಷನ್ ಕೆಲಸಗಳು ಭರದಿಂದ ಸಾಗುತ್ತಿದ್ದು, ಆಗಸ್ಟ್‌ನಲ್ಲಿ ಚಿತ್ರ ತೆರೆಗೆ ಬರುವ ನಿರೀಕ್ಷೆಯಿದೆ.  

ಇದನ್ನೂ ಓದಿ:ಒಂದೇ ಒಂದು ಸಿನಿಮಾದ ಮೂಲಕ ಭಾರತೀಯ ಚಿತ್ರರಂಗವನ್ನೇ ಅಲ್ಲಾಡಿಸಿದ ಈ ಕನ್ನಡದ ನಟ ಯಾರ್‌ ಗೊತ್ತೆ..?

ನಟ ಶಾರುಖ್ ಖಾನ್ ಮತ್ತು ಗೌರಿ ಖಾನ್ ಮೂರನೇ ಪುತ್ರ ʼಅಬ್ರಾಮ್ʼ. ಈ ಹೆಸರಿನ ಅರ್ಥದ ಬಗ್ಗೆ ಅಭಿಮಾನಿಗಳು ಶಾರುಖ್ ಖಾನ್ ಅವರನ್ನು ಕೇಳಿದರು. ಇದಕ್ಕೆ ಉತ್ತರಿಸಿದ ಕಿಂಗ್‌ ಖಾನ್, ಇಸ್ಲಾಂ ಧರ್ಮದ ಹಜರತ್ ಇಬ್ರಾಹಿಂ ಅವರನ್ನು ಬೈಬಲ್‌ನಲ್ಲಿ ಅಬ್ರಹಾಂ ಮತ್ತು ಜುದಾಯಿಸಂನಲ್ಲಿ ಅಬ್ರಾಮ್ ಎಂದು ಕರೆಯಲಾಗುತ್ತದೆ ಅದಕ್ಕೆ ಈ ರೀತಿ ಹೆಸರಿಸಿದೆವು. ನನ್ನ ಹೆಂಡತಿ ಹಿಂದೂ, ಮುಸಲ್ಮಾನನಾಗಿದ್ದ ನಾನು ನನ್ನ ಮಕ್ಕಳು ಮನೆಯಲ್ಲಿ ಜಾತ್ಯತೀತ ಭಾವನೆ ಹೊಂದಬೇಕೆಂದು ಬಯಸಿದ್ದೆ.. ಅದಕ್ಕೆ ಆ ರೀತಿ ಹೆಸರಿಟ್ಟಿದ್ದೇನೆ ಎಂದು ಹೇಳಿದ್ದಾರೆ.