ಗಿನ್ನಿಸ್‌ ದಾಖಲೆ ಬರೆದ ಶಾರುಖ್‌ ಅಭಿಮಾನಿಗಳು..!

Patan Movie : ಹಿಂದಿಯ ಜನಪ್ರಿಯ ವಾಹಿನಿ ಸ್ಟಾರ್‌ ಗೋಲ್ಡ್‌ ಪಠಾನ್‌ ಸಿನಿಮಾವನ್ನು ಪ್ರದರ್ಶೀಸುವ ಹಕ್ಕನ್ನು ದುಬಾರಿ ಮೊತ್ತಕ್ಕೆ ಖರೀದಿ ಮಾಡಿದೆ. ಇದೇ ಜೂನ್‌ 18ರಂದು ರಾತ್ರಿ 8 ಗಂಟೆಗೆ ಚಿತ್ರ ಸ್ಟಾರ್‌ ಗೋಲ್ಡ್‌ ವಾಹಿನಿಯಲ್ಲಿ ಪ್ರಸಾರವಾಗಲಿದೆ. ಈ ಹಿನ್ನೆಲೆ ಕಳೆದ ಶನಿವಾರ 250ಕ್ಕೂ ಹೆಚ್ಚು ಮಂದಿ ಅಭಿಮಾನಿಗಳು ಶಾರುಖ್‌ ಖಾನ್‌ ನಿವಾಸದ ಎದುರು ಏಕಕಾಲಕ್ಕೆ ಶಾರುಖ್‌ ಖಾನ್‌ ಅವರ ಸೂಪರ್‌ ಹಿಟ್‌ ಪೋಸ್‌ನ್ನು ಪ್ರದರ್ಶಿಸಿದ್ದಾರೆ. 

ಒಟ್ಟಿಗೆ 250 ಅಭಿಮಾನಿಗಳು ಒಂದೇ ಸಲ ಶಾರುಖ್‌ ಅವರ ಜನಪ್ರಿಯ ಪೋಸ್‌ನ್ನು ಪ್ರದೃಶಿಸಿದ್ದು ಗಿನ್ನಿಸ್‌ ದಾಖಲೆಯ ಪುಟಕ್ಕೆ ಸೇರಿಕೊಂಡಿದೆ. ತಮ್ಮ ಜನಪ್ರಿಯ ಪೋಸ್‌ ಅನುಕರಿಸಿ ಗಿನ್ನಿಸ್‌ ದಾಖಲೆ ಬರೆದ ಫ್ಯಾನ್ಸ್‌ಗೆ ಶಾರುಖ್‌ ಕೂಡ ಧನ್ಯವಾದ ಹೇಳಿದ್ದಾರೆ. ಈ ವಿಶೇಷ ಕಾರ್ಯಕ್ರಮವನ್ನು ಸ್ಟಾರ್‌ ಗೋಲ್ಡ್‌ ಆಯೋಜಿಸಿತ್ತು. 

ಇನ್ನು ಈ ಪಠಾನ್‌ ಸಿನಿಮಾ ಭಾಕ್ಸಾಫಿಸ್‌ನಲ್ಲಿ ಭರ್ಜರಿ ಕಲೆಕ್ಷನ್‌ ಮಾಡಿತ್ತು. ದಾಖಲೆಯನ್ನು ಸೃಷ್ಟಸಿತ್ತು. ಇದೇ ಸಿನಿಮಾ ಇದೀಗ ಮತ್ತೆ ತೆರೆಗೆ ಬರಲು ಸಜ್ಜಾಗಿದ್ದು, ಜುಲೈ 13 ರಂದು ರಷ್ಯಾ ಸೇರಿದಂತೆ 7 ಪ್ರಮುಖ ದೇಶಗಳ 3 ಸಾವಿರ ಪರದೆಗಳಲ್ಲಿ ಈ ಚಿತ್ರ ಬಿಡುಗಡೆಯಾಗುತ್ತಿದೆ. ಜಾಗತಿಕವಾಗಿ ಅತಿಹೆಚ್ಚು ಗಳಿಕೆ ಮಾಡಿದ ಭಾರತೀಯ ಸಿನಿಮಾಗಳಲ್ಲಿ ಸದ್ಯ ಈ ಸಿನಿಮಾ 5 ನೇ ಸ್ಥಾನದಲ್ಲಿದೆ. ಮತ್ತು ಮೂರನೇ ಸ್ಥಾನಕ್ಕೇರುವ ನಿರೀಕ್ಷೆಯೂ ಸಿನಿ ತಂಡಕ್ಕಿದೆ.