ಶಿವಣ್ಣ ಅಭಿನಯಕ್ಕೆ ಅಭಿಮಾನಿಗಳು ಫಿದಾ, 7ನೇ ದಿನವೂ ‘ಭೈರತಿ ರಣಗಲ್’ ಭರ್ಜರಿ ಕಲೆಕ್ಷನ್! ಹೊರನಾಡಿನಲ್ಲೂ ಕಮಾಲ್!!

Bhairati Rangal Box Office Collection: ಹ್ಯಾಟ್ರಿಕ್ ಹೀರೊ ಶಿವರಾಜಕುಮಾರ್ ಅಭಿನಯದ ‘ಭೈರತಿ ರಣಗಲ್’ ಸಿನಿಮಾಕ್ಕೆ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದೆ. ಕರ್ನಾಟಕ ಮಾತ್ರವಲ್ಲ ಹೊರರಾಜ್ಯ-ಹೊರದೇಶಗಳಲ್ಲೂ ಚಿತ್ರ ಮೆಚ್ಚುಗೆ ಗಳಿಸಿದೆ. ಚಿತ್ರ ಬಿಡುಗಡೆಯಾಗಿ ಒಂದು ವಾರವಾದರೂ ಎಲ್ಲೆಡೆ ಹೌಸ್ ಫುಲ್ ಕಂಡುಬರುತ್ತಿದೆ. 7ನೇ ದಿನವೂ ‘ಭೈರತಿ ರಣಗಲ್’ ಸಿನಿಮಾದ ಕಲೆಕ್ಷನ್ ಚೆನ್ನಾಗಿದೆ ಎಂದು ತಿಳಿದುಬಂದಿದೆ. 

ಬಹಳ ದಿನಗಳ ಬಳಿಕ ಶಿವರಾಜಕುಮಾರ್ ಮತ್ತೆ ಮಚ್ಚು ಹಿಡಿದಿರುವ ಸಿನಿಮಾ ‘ಭೈರತಿ ರಣಗಲ್’. ಹಾಗಾಗಿ ಶಿವರಾಜಕುಮಾರ್ ಮೇಲೆ ಅಪಾರವಾದ ನಿರೀಕ್ಷೆ ಇತ್ತು. ಜೊತೆಗೆ ‘ಮಫ್ತಿ’ ಚಿತ್ರದ ನಂತರ ನಿರ್ದೇಶಕ ನರ್ತನ್ ಅವರ ಮೇಲೂ ಸಿಕ್ಕಾಪಟ್ಟೆ ನಿರೀಕ್ಷೆ ಇತ್ತು. ಇದಕ್ಕೆ ತಕ್ಕಂತೆ ಮೂಡಿಬಂದಿರುವ ‘ಭೈರತಿ ರಣಗಲ್’ ಮೊದಲ ದಿನದಿಂದಲೂ ಗಲ್ಲ ಪೆಟ್ಟಿಗೆಯನ್ನು ಉಡೀಸ್ ಮಾಡುತ್ತಿದೆ. 7ನೇ ದಿನ ‘ಭೈರತಿ ರಣಗಲ್’ ಸುಮಾರು 70ರಿಂದ 80 ಲಕ್ಷ ಕಲೆಕ್ಷನ್ ಮಾಡಿದೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ- ಮಗಳು ಆರಾಧ್ಯ ಬರ್ತ್ ಡೇಗೆ ಬಾರದ ಅಭಿಷೇಕ್ ಬಚ್ಚನ್: ಐಶ್ವರ್ಯ ರೈ ಡಿವೋರ್ಸ್ ಗ್ಯಾರಂಟಿನಾ?

ಆರಂಭದಿಂದಲೂ ‘ಭೈರತಿ ರಣಗಲ್’ ಅಬ್ಬರ!
‘ಭೈರತಿ ರಣಗಲ್’ ಸಿನಿಮಾ ಬಿಡುಗಡೆಯಾದ ಆರಂಭದಿಂದಲೂ ಕಲೆಕ್ಷನ್ ದೃಷ್ಟಿಯಲ್ಲಿ ಅಬ್ಬರಿಸುತ್ತಲೇ ಇದೆ. ಒಂದು ವಾರದಿಂದ ‘ಭೈರತಿ ರಣಗಲ್’ ಮೊದಲ ದಿನದಿಂದ ಈವರೆಗೆ ಮಾಡಿದ ಕಲೆಕ್ಷನ್ ವಿವರ ಹೀಗಿದೆ ಎಂದು ತಿಳಿದುಬಂದಿದೆ. 

‘ಭೈರತಿ ರಣಗಲ್’ಒಂದು ವಾರದ ಕಲೆಕ್ಷನ್: 
ಮೊದಲ ದಿನದ ಕಲೆಕ್ಷನ್- 2.10 ಕೋಟಿ ರೂಪಾಯಿ. 
ಎರಡನೇ ದಿನದ ಕಲೆಕ್ಷನ್- 2.30 ಕೋಟಿ ರೂಪಾಯಿ. 
ಮೂರನೇ ದಿನದ ಕಲೆಕ್ಷನ್- 3.40 ಕೋಟಿ ರೂಪಾಯಿ. 
ನಾಲ್ಕನೇ ದಿನದ ಕಲೆಕ್ಷನ್- 1.60 ಕೋಟಿ ರೂಪಾಯಿ. 
ಐದನೇ ದಿನದ ಕಲೆಕ್ಷನ್- 1.30 ಕೋಟಿ ರೂಪಾಯಿ. 
ಆರನೇ ದಿನದ ಕಲೆಕ್ಷನ್- 0.80 ಕೋಟಿ ರೂಪಾಯಿ. 
ಏಳನೇ ದಿನದ ಕಲೆಕ್ಷನ್- 70 ಕೋಟಿ ರೂಪಾಯಿ. 
ಈವರೆಗಿನ ‘ಭೈರತಿ ರಣಗಲ್’ ಸಿನಿಮಾದ ಒಟ್ಟು ಗಳಿಕೆ 12.80 ಕೋಟಿ ರೂಪಾಯಿ ಎಂದು  ವಿತರಕರು ಮತ್ತು ಗಾಂಧಿ ನಗರದ ಮೂಲಗಳಿಂದ ತಿಳಿದುಬಂದಿದೆ. 

ಇದನ್ನೂ ಓದಿ- ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ "ಕೃಷ್ಣಂ ಪ್ರಣಯ ಸಖಿ" ಚಿತ್ರಕ್ಕೆ ಶತದಿನದ ಸಂಭ್ರಮ

ಈ ನಡುವೆ ‘ಭೈರತಿ ರಣಗಲ್’ ಸಿನಿಮಾಕ್ಕೆ ಬಾಲಿವುಡ್ ನಿಂದಲೂ ಬೇಡಿಕೆ ಬಂದಿದೆ. ಹಿಂದಿ ಚಿತ್ರರಂಗದ ನಾಯಕ ರಣಬೀರ್ ಕಪೂರ್ ‘ಭೈರತಿರಣಗಲ್’ ಸಿನಿಮಾದ ಹಕ್ಕುಗಳ ಖರೀದಿಗೆ ಮುಂದಾಗಿದ್ದಾರೆ ಎನ್ನುವ ಮಾಹಿತಿಗಳು ಲಭ್ಯವಾಗುತ್ತಿವೆ. ಆದರೆ ‘ಭೈರತಿ ರಣಗಲ್’ ಚಿತ್ರತಂಡ ಈ ಬಗ್ಗೆ ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.