ಕನ್ನಡ ʼಘೋಸ್ಟ್‌ʼ Vs ತಮಿಳು ʼಲಿಯೋʼ : ಕರುನಾಡ ಬಾಕ್ಸ್‌ ಆಫೀಸ್‌ನಲ್ಲಿ ಮೊದಲ ದಿನ ಗೆದ್ದವರು ಯಾರು..?

Leo first day collection : ದಳಪತಿ ವಿಜಯ್ ನಟನೆಯ ಲಿಯೋ ಮತ್ತು ಕರುನಾಡ ಚಕ್ರವರ್ತಿ ಶಿವರಾಜ್‌ ಕುಮಾರ್‌ ನಟನೆಯ ಘೋಸ್ಟ್‌ ಸಿನಿಮಾ ನಡುವೆ ಬಾಕ್ಸ್‌ ಆಫೀಸ್‌ನಲ್ಲಿ ಗುದ್ದಾಟ ಶುರುವಾಗಿದೆ. ಎರಡು ಚಿತ್ರಗಳು ಮೊದಲ ದಿನ ಯಶಸ್ವಿ ಪ್ರದರ್ಶನ ಕಂಡಿವೆ. ಹಾಗಿದ್ರೆ ಫಸ್ಟ್‌ ಡೇ ಗಲ್ಲಾಪೆಟ್ಟೆಗೆಯಲ್ಲಿ ಸದ್ದು ಮಾಡಿರುವ ಸಿನಿಮಾ ಯಾವುದು ಅಂತ ನೋಡೋಣ ಬನ್ನಿ..

ಎಂಜಿ ಶ್ರೀನಿವಾಸ್ ನಿರ್ದೇಶನದ ಘೋಸ್ಟ್‌ ಚಿತ್ರವು ಅಕ್ಟೋಬರ್ 19 ರಂದು ತೆರೆ ಕಂಡಿತು. ನಟ ಶಿವರಾಜಕುಮಾರ್ ಮುಖ್ಯ ಭೂಮಿಕೆಯ ಚಿತ್ರದಲ್ಲಿ ಮಲಯಾಳಂ ನಟ ಜಯರಾಮ್ ಮತ್ತು ಬಾಲಿವುಡ್‌ ನಟ ಅನುಪಮ್ ಖೇರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಘೋಸ್ಟ್‌ಗೆ ಪ್ರೇಕ್ಷಕ ಮಾಹಾಶಯ ಉತ್ತಮ ಪ್ರಶಂಸೆ ವ್ಯಕ್ತಪಡಿಸಿದ್ದಾನೆ.

ಇದನ್ನೂ ಓದಿ: ಸಿನಿಪ್ರಿಯರಿಗೆ ಭರ್ಜರಿ ಆಫರ್‌ ಕೊಟ್ಟ ಪಿವಿಆರ್

Sacnilk.com ವರದಿಯ ಪ್ರಕಾರ ಘೋಸ್ಟ್ ಚಿತ್ರವು ಗುರುವಾರ ಅಂದಾಜು ₹ 2 ಕೋಟಿ ಗಳಿಸಿದೆ ಎನ್ನಲಾಗಿದೆ. ಅಲ್ಲದೆ ಶುಕ್ರವಾರ ₹ 1.5 ಕೋಟಿ ರೂ. ಕಲೆ ಹಾಕುತ್ತದೆ ಎಂದು ಹೇಳಲಾಗಿದೆ. ಶಿವಣ್ಣ ಸಿನಿಮಾಗೆ ತೆಲುಗು ನಟ ಬಾಲಕೃಷ್ಣ ನಟನೆಯ ಭಗವಂತ್‌ ಕೇಸರಿ ಮತ್ತು ವಿಜಯ್‌ ಲಿಯೋ ಭಾರಿ ಪೈಪೋಟಿ ನೀಡುತ್ತಿವೆ.

ಇನ್ನು ಥಳಪತಿ ವಿಜಯ್ ಅಭಿನಯದ 'ಲಿಯೋ' ಕಲೆಕ್ಷನ್‌ ನೋಡುವುದಾದರೆ, ಗುರುವಾರ ತೆರೆಕಂಡ ಈ ಸಿನಿಮಾ, ಅತಿ ಹೆಚ್ಚು ಜಾಗತಿಕ ಓಪನಿಂಗ್ ಪಡೆದುಕೊಂಡಿದೆ. ಸ್ಯಾಕ್‌ನಿಲ್ಕ್ ವರದಿಯ ಪ್ರಕಾರ, ತನ್ನ ಮೊದಲ ದಿನದಲ್ಲಿ, ಚಲನಚಿತ್ರವು ಎಲ್ಲಾ ಭಾಷೆಯ ಆವೃತ್ತಿಗಳಲ್ಲಿ ಭಾರತದಲ್ಲಿ 68 ಕೋಟಿ ನಿವ್ವಳ ಗಳಿಸಿದೆ ಎಂದು ಹೇಳಲಾಗಿದೆ.

'ಲಿಯೋ' ಚಿತ್ರವನ್ನು ಲೋಕೇಶ್ ಕನಕರಾಜ್ ನಿರ್ದೇಶಿಸಿದ್ದು, ಎಸ್ ಎಸ್ ಲಲಿತ್ ಕುಮಾರ್ ನಿರ್ಮಾಣ ಮಾಡಿದ್ದಾರೆ. ವಿಜಯ್ ಜೊತೆ ಬಹಳ ದಿನಗಳ ನಂತರ ತ್ರಿಶಾ ಕೃಷ್ಣನ್ ನಟಿಸಿದ್ದಾರೆ. ಸಂಜಯ್ ದತ್, ಅರ್ಜುನ್ ಸರ್ಜಾ, ಮನ್ಸೂರ್ ಅಲಿ ಖಾನ್, ಪ್ರಿಯಾ ಆನಂದ್, ಮಿಸ್ಕಿನ್ ಮತ್ತು ಗೌತಮ್ ವಾಸುದೇವ್ ಮೆನನ್ ಚಿತ್ರದಲ್ಲಿದ್ದಾರೆ.