Shivarajkumar: ತೆಲುಗು, ತಮಿಳು ಆಯ್ತು ಈಗ ಬಾಲಿವುಡ್‌ಗೆ ಸೆಂಚುರಿ ಸ್ಟಾರ್‌...ಕೇರಳ ಸ್ಟೋರಿ ನಿರ್ದೇಶಕನ ಚಿತ್ರದಲ್ಲಿ ನಟನೆ?

Shivanna in Bollywood Film : ಜೈಲರ್‌ ಸಿನಿಮಾ ಭಾಕಾಫೀಸ್‌ ಕೊಳ್ಳೆ ಹೊಡೆಯುತ್ತಿರುವುದು ಎಲ್ಲರಿಗು ಗೊತ್ತೆಯಿದೆ. ಅದರಲ್ಲಿ ಶಿವಣ್ಣ ಅವರದು ಚಿಕ್ಕ ಪಾತ್ರ ಆದರೂ ಸಹ ಅದಕ್ಕೆ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್‌ ಸಿಕ್ಕಿದೆ. ಇನ್ನು ಇದೇ ಸಿನಿಮಾದ ಮೂಲಕ ಶಿವಣ್ಣ ಕಾಲಿವುಡ್ ಪ್ರವೇಶಿಸಿದ್ದಾರೆ.

ಕನ್ನಡದಲ್ಲಿಯೇ ಮಾಸ್‌ ಡೈಲಾಗ್‌ ಹೊಡೆದಿರುವ ಶಿವಣ್ಣ ತಮಿಳು ಮಂದಿ ಸೇರಿದಂತೆ ಕೇರಳ ಹಾಗೂ ಆಂಧ್ರ ಜನರಿಗೆ ಸಖತ್‌ ಫೇವರೆಟ್‌ ಆಗಿದ್ದಾರೆ. ಚಿತ್ರದಲ್ಲಿ ರಜನಿ ಪಾತ್ರಕ್ಕೆ ಎಷ್ಟು ಗಮ್ಮತ್ತಿದೆಯೋ ಅಷ್ಟೇ ಗಮ್ಮತ್ತು ಶಿವಣ್ಣನ ಅಥಿತಿ ಪಾತ್ರಕ್ಕಿದೆ. 

ಇದನ್ನೂ ಓದಿ-Kichha 47: ಈ ಕ್ರೇಜಿ ಕಾಂಬಿನೇಷನ್‌ನಲ್ಲಿ ಕಿಚ್ಚನ ಮುಂದಿನ ಸಿನಿಮಾ!...ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್‌ನಲ್ಲಿ ಮೆಗಾ ಪ್ರಾಜೆಕ್ಟ್?

ಹೀಗೆ ಸೌತ್‌ನ ಮೂರು ಚಿತ್ರರಂಗಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರುವ ಶಿವಣ್ಣ ಸದ್ಯ ಬಾಲಿವುಡ್‌ಗೂ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗುತ್ತಿದೆ. ಹೌದು ಹಿಂದಿ ಚಿತ್ರದಲ್ಲಿ ಶಿವರಾಜ್‌ಕುಮಾರ್‌ ಒಂದು ಪಾತ್ರಕ್ಕೆ ಜೀವ ತುಂಬಲಿದ್ದಾರೆ ಎನ್ನಲಾಗುತ್ತಿದೆ. 

ಇನ್ನು ಈ ರೀತಿ ಸುದ್ದಿ ಹರಿದಾಡಲು ಕಾರಣವೆಂದರೇ ಅದು ಈ ವರ್ಷ ಬಿಡುಗಡೆಯಾಗಿ ವಿವಾದಕ್ಕೆ ಸಿಲುಕಿದರೂ ಬಾಕ್ಸ್ ಆಫೀಸ್‌ನಲ್ಲಿ ಸುನಾಮಿ ಎಬ್ಬಿಸಿದ್ದ 'ದಿ ಕೇರಳ ಸ್ಟೋರಿ' ಚಿತ್ರದ ನಿರ್ದೇಶಕ ಸುದೀಪ್ತೊ ಸೇನ್ ಅವರನ್ನು ಶಿವಣ್ಣ ಭೇಟಿಯಾಗಿರುವುದು.  

ಹೌದು ಶಿವಣ್ಣ ಸುದೀಪ್ತೊ ಸೇನ್ ಅವರನ್ನು ಭೇಟಿ ಮಾಡಿರುವ ಫೋಟೊಗಳು ಸೋಷಿಯಲ್‌ ಮಿಡಿಯಾದಲ್ಲಿ ಸಖತ್‌ ವೈರಲ್‌ ಆಗಿದ್ದು, ನಿರ್ದೇಶಕ ಸುದೀಪ್ತೊ ಸೇನ್ ತಮ್ಮ ಮುಂದಿನ ಚಿತ್ರ 'ಬಸ್ತರ್' ಶಿವಣ್ಣನಿಗೆ ವಿಶೇಷ ಪಾತ್ರವೊಂದನ್ನು ಮಾಡಲು ಆಹ್ವಾನಿಸಿದ್ದಾರೆ ಎನ್ನಲಾಗುತ್ತಿದೆ.