ನಟನೆಗೆ ಕಾಲಿಟ್ರಾ ಕಾಂಗ್ರೆಸ್‌ ನಾಯಕಿ ʼಸೋನಿಯಾ ಗಾಂಧಿ.ʼ.? ಪೋಸ್ಟರ್‌ ವೈರಲ್‌

Yatra 2 : ಆಂಧ್ರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ದಿವಂಗತ ವೈಎಸ್ ರಾಜಶೇಖರ್ ರೆಡ್ಡಿ ಅವರ ರಾಜಕೀಯ ಜೀವನ ಆಧಾರಿತ ಕಥೆ ಯಾತ್ರಾ-2. ಇತ್ತೀಚಿಗೆ ಈ ಸಿನಿಮಾದ ಟೀಸರ್‌ ಬಿಡುಗಡೆಯಾಗಿ ಸಂಚಲನ ಸೃಷ್ಟಿಸಿತ್ತು. ಇದರ ಬೆನ್ನಲ್ಲೆ ಇದೀಗ ಚಿತ್ರತಂಡ ಕಾಂಗ್ರೆಸ್‌ ನಾಯಕಿ ಸೋನಿಯಾ ಗಾಂಧಿ ಪಾತ್ರದ ಫೋಸ್ಟರ್‌ ರಿಲೀಸ್‌ ಮಾಡಿದ್ದು, ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಹೌದು.. ಯಾತ್ರಾ-2 ಸಿನಿಮಾದಲ್ಲಿ ಸೋನಿಯಾ ಗಾಂಧಿಯವರ ಪಾತ್ರವನ್ನು ಜರ್ಮನ್ ನಟಿ ಸುಝೇನ್ ಬರ್ನರ್ಟ್ ಅವರು ನಿರ್ವಹಿಸಿದ್ದಾರೆ. ಸಧ್ಯ ಅವರ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಸದ್ಯ ಚಿತ್ರದ ಚಿತ್ರೀಕರಣ ಶರವೇಗದಲ್ಲಿ ಸಾಗುತ್ತಿದ್ದು, ಎಲ್ಲೆಡೆ ಸದ್ದು ಮಾಡುತ್ತಿದೆ.   

ಇದನ್ನೂ ಓದಿ:ಸಂಜು ವೆಡ್ಸ್‌ ಗೀತಾ-2 ನಲ್ಲಿ ಚೇತನ್‌ ಅಹಿಂಸಾ: ಹಾಗಾದ್ರೆ ಡೈರೆಕ್ಟರ್‌ ನಾಗಶೇಖರ್‌ ಹೇಳಿದ್ದೇನು?

ದಿವಂಗತ ಮುಖ್ಯಮಂತ್ರಿ ವೈಎಸ್ ರಾಜಶೇಖರ್ ರೆಡ್ಡಿ ಅವರ ಜೀವನ ಚರಿತ್ರೆಯನ್ನು ಆಧರಿಸಿ ಯಾತ್ರಾ-2 ಚಲನಚಿತ್ರವನ್ನು ನಿರ್ಮಿಸಲಾಗುತ್ತಿದೆ. ಕಳೆದ ಚುನಾವಣೆಗೂ ಮುನ್ನ ತೆರೆಕಂಡ ಯಾತ್ರಾ ಸಿನಿಮಾದ ಮುಂದುವರಿದ ಭಾಗವಾಗಿ ಈ ಸಿನಿಮಾ ತಯಾರಾಗುತ್ತಿದೆ. ಮಹಿ ವಿ ರಾಘವ್ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ.. ತ್ರೀ ಆಯ್ಟಮ್ ಲೀವ್ಸ್, ವಿ ಸೆಲ್ಯುಲಾಯ್ಡ್ ಮತ್ತು ಶಿವ ಮೇಕಾ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. 

ವೈಎಸ್ ರಾಜಶೇಖರ್ ರೆಡ್ಡಿ ಅವರ ಪಾದಯಾತ್ರೆ ಆಂಧ್ರಪ್ರದೇಶದ ರಾಜಕೀಯವನ್ನೇ ಬದಲಾಯಿಸಿತು. ಆ ಪಾದಯಾತ್ರೆಯನ್ನೇ ಆಧಾರವಾಗಿಟ್ಟುಕೊಂಡು ಈ ಚಿತ್ರವನ್ನು ನಿರ್ಮಾಣ ಮಾಡಲಾಗುತ್ತಿದೆ. ಯಾತ್ರಾ ಮೊದಲ ಭಾಗ ಫೆಬ್ರವರಿ 2019 ರಲ್ಲಿ ಬಿಡುಗಡೆಯಾಗಿತ್ತು. 

ಸಧ್ಯ ಎಪಿಯಲ್ಲಿ 2009 ರಿಂದ 2019 ರವರೆ ಜರುಗಿದ ರಾಜಕೀಯ ಬೆಳವಣಿಗೆಗಳನ್ನು ಆಧರಿಸಿ 'ಯಾತ್ರಾ 2' ತಯಾರಾಗುತ್ತಿದೆ. ಮುಂದಿನ ವರ್ಷ ಫೆಬ್ರವರಿ 8 ರಂದು ಥಿಯೇಟರ್‌ಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಲಿದೆ. ಐದು ವರ್ಷಗಳ ಹಿಂದೆ ಇದೇ ದಿನಾಂಕದಂದು ಯಾತ್ರಾ ಬಿಡುಗಡೆಯಾಗಿತ್ತು. ಸಂತೋಷ್ ನಾರಾಯಣನ್ ಸಂಗೀತ, ಮಧಿ ಛಾಯಾಗ್ರಾಹಣ ಈ ಚಿತ್ರಕ್ಕಿದೆ.