ಸೌತ್ ಬ್ಯೂಟಿ ತ್ರಿಶಾ ಕೃಷ್ಣನ್ ವಯಸ್ಸು 40 ವರ್ಷ… ಆದ್ರೆ ಇನ್ನೂ ಮದುವೆಯಾಗದಿರಲು ಇದುವೇ ಕಾರಣವಂತೆ!

Why Trisha Krishnan is not married: ಭಾರತೀಯ ಚಿತ್ರರಂಗದಲ್ಲಿ ಟ್ರೆಂಡ್ ಒಂದು ಪ್ರಸ್ತುತ ಚಾಲ್ತಿಯಲ್ಲಿದೆ. ಅದರಂತೆ ಸಲ್ಮಾನ್ ಖಾನ್, ಟಬು, ಅಮೀಶಾ ಪಟೇಲ್ ಅವರಂತಹ ಅನೇಕ ತಾರೆಯರು ಸಿಂಗಲ್ ಆಗಿ ಉಳಿಯಲು ಇಷ್ಟಪಡುತ್ತಿದ್ದಾರೆ. ಈ ಪೈಕಿ ದಕ್ಷಿಣದ ಖ್ಯಾತ ನಟಿ ತ್ರಿಶಾ ಕೃಷ್ಣನ್ ಒಬ್ಬರು.

ಇದನ್ನೂ ಓದಿ: ಸೌರವ್ ಗಂಗೂಲಿ ಬಯೋಪಿಕ್ ನಲ್ಲಿ ನಟಿಸಲಿರುವ ಬಾಲಿವುಡ್‌ ನಟ ಯಾರು ಗೊತ್ತಾ?   

ಸೌತ್ ಫಿಲ್ಮ್ ಇಂಡಸ್ಟ್ರಿಯ ಖ್ಯಾತ ನಟಿ ತ್ರಿಶಾ ಕೃಷ್ಣನ್ ಬಗ್ಗೆ ನಾವಿಂದು ಮಾತನಾಡಲಿದ್ದೇವೆ. ಪೊನ್ನಿಯನ್ ಸೆಲ್ವನ್ 1 & 2, ಲಿಯೋ ಹೀಗೆ ಕೆಲ ಸಿನಿಮಾಗಳ ಮೂಲಕ ಮತ್ತೆ ತೆರೆಮೇಲೆ ಮಿಂಚುತ್ತಿರುವ ಮುದ್ದು ಮುಖದ ಈ ಚೆಲುವೆಗೆ 40 ವರ್ಷ ವಯಸ್ಸು, ಆದ್ರೆ ಇಂದಿಗೂ ಮದುವೆ ವಿಚಾರದಿಂದ ಅಂತರ ಕಾಯ್ದುಕೊಂಡಿದ್ದಾರೆ.

ನಟಿ, ಅದ್ಭುತ ರೂಪದರ್ಶಿ ಮತ್ತು ಲಕ್ಷಾಂತರ ಅಭಿಮಾನಿಗಳ ಮನಗೆದ್ದ ಚೆಲುವೆ ಪ್ರಸಿದ್ಧ ತಾರೆಗಳೊಂದಿಗೆ ಸಿನಿಮಾ ಮಾಡಿದ್ದಾರೆ. ಆದರೆ, ಮದುವೆ ವಿಚಾರ ಬಂದಾಗ ಅದರಿಂದ ದೂರವಾಗುತ್ತಾರೆ.

ಕಳೆದ ವರ್ಷ ನಡೆಸಿದ ಸಂದರ್ಶನವೊಂದರಲ್ಲಿ ತ್ರಿಶಾ ಕೃಷ್ಣನ್ ಅವರಿಗೆ ಮದುವೆ ಸಂಬಂಧಿಸಿ ಪ್ರಶ್ನೆಯೊಂದನ್ನು ಕೇಳಲಾಯಿತು. ಆಗ ಪ್ರತಿಕ್ರಿಯಿಸಿದ ತ್ರಿಶಾ, “ಕೆಲಸದ ಕಾರಣದಿಂದ ಮದುವೆಯಾದ ನಂತರ ವಿಚ್ಛೇದನ ಪಡೆಯಲು ಇಷ್ಟವಿಲ್ಲ” ಎಂದಿದ್ದಾರೆ.

“ಆ ಸಂಬಂಧದಲ್ಲಿ ಜನರು ಸಂತೋಷವಾಗಿರದಿದ್ದರೆ ಮತ್ತೆ ಏಕೆ ಮದುವೆಯಾಗಬೇಕು. ಮದುವೆಯಾಗಬೇಕು ಎನಿಸುವಂತಹ  ಸರಿಯಾದ ವ್ಯಕ್ತಿಯನ್ನು ನಾನಿನ್ನು ಭೇಟಿ ಮಾಡಿಲ್ಲ” ಎಂದು ಹೇಳಿದ್ದಾರೆ.

ಈ ಹಿಂದೆ ತ್ರಿಶಾ, ಬಾಹುಬಲಿ ಸ್ಟಾರ್ ರಾಣಾ ದಗ್ಗುಬಾಟಿ ಜೊತೆ ಸಂಬಂಧ ಹೊಂದಿದ್ದಾರೆಂದು ಸುದ್ದಿ ಹಬ್ಬಿತ್ತು. ಅದಾದ ಬಳಿಕ ರಾಣಾ ಅವರೇ ತ್ರಿಷಾ ಜೊತೆ ರಿಲೇಶನ್ ಶಿಪ್ ನಲ್ಲಿ ಇರುವುದಾಗಿ ಒಪ್ಪಿಕೊಂಡಿದ್ದರು. ಆದರೆ ಕೆಲ ಸಮಯದ ನಂತರ ಈ ಸಂಬಂಧ ಮುರಿದುಬಿದ್ದಿತ್ತು. ಅಷ್ಟೇ ಅಲ್ಲದೆ, ನಟಿಯ ಹೆಸರು ತಮಿಳು ಸೂಪರ್‌ ಸ್ಟಾರ್ ವಿಜಯ್ ಜೊತೆಯೂ ಕೇಳಿಬಂದಿತ್ತು. ಆದರೆ ಈ ವದಂತಿಯನ್ನು ಇಬ್ಬರೂ ತಿರಸ್ಕರಿಸಿದ್ದರು.  

ಇದನ್ನೂ ಓದಿ: ಬಿಗ್‌ ಬಾಸ್‌ ಸಂಗೀತಾ ಫಿನಾಲೆ ಟಿಕೆಟ್‌ ಪಡೆದದ್ದು ಪ್ರಿ ಡಿಸೈಡೆಡ್? ಅತಿ ಹೆಚ್ಚು ಅಂಕ ಗಳಿಸಿಯೂ ಫೈನಲ್‌ ತಲುಪದ ಪ್ರತಾಪ್!

ಈ ಹಿಂದೆ ತ್ರಿಶಾ, ಉದ್ಯಮಿ ವರುಣ್ ಮಿನಿಯನ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ ಆ ಸಂಬಂಧ ಮುರಿದುಬಿದ್ದಿದೆ. ಅದಾದ ಬಳಿಕ ತ್ರಿಶಾ ಒಂಟಿಯಾಗಿ ಸಂತೋಷದ ಜೀವನ ನಡೆಸುತ್ತಿದ್ದಾರೆ.