Rajinikanth baba movie : ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ 2002 ಬ್ಲಾಕ್ಬಸ್ಟರ್‌ ಸಿನಿಮಾ 'ಬಾಬಾ' ಮರು-ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಇಂಟರ್‌ನೆಟ್‌ನಲ್ಲಿ ವೈರಲ್‌ ಆಗುತ್ತಿದೆ. ಇದು ತಲೈವಾ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಾಗುವಂತೆ ಮಾಡಿದೆ. ಅಲ್ಲದೆ, ಸೂಪರ್‌ ಸ್ಟಾರ್‌ ನಟನೆಯ ಬಾಬಾ ಸಿನಿಮಾಗೆ ಮರಳಿ ಡಬ್ಬಿಂಗ್‌ ಮಾಡಿದ್ದಾರೆ ಎಂದು ಹೇಳಲಾಗಿದ್ದು, ಈ ಕುರಿತು ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ.


COMMERCIAL BREAK
SCROLL TO CONTINUE READING

ಹೌದು.. ಬಾಬಾ ಸಿನಿಮಾ ಸೂಪರ್‌ ಸ್ಟಾರ್‌ ರಜನಿಕಾಂತ್‌ ಅವರ ಹಿಟ್‌ ಸಿನಿಮಾಗಳಲ್ಲಿ ಒಂದು. ಇದೀಗ ತಲೈವಾ ಹುಟ್ಟುಹಬ್ಬದ ಪ್ರಯುಕ್ತ ಬಾಬಾ ಚಿತ್ರದ ಒಂದೇ ಒಂದು ಪ್ರದರ್ಶನ ಏರ್ಪಡಿಸಲು ಯೋಜನೆ ರೂಪಿಸಲಾಗಿದೆ. ಬಾಬಾ ಸಿನಿಮಾದ ಚಿತ್ರತಂಡ ಈ ಪ್ಲಾನ್‌ ಮಾಡಿದ್ದು, ತಮಿಳುನಾಡು ಮಾತ್ರವಲ್ಲದೆ ಹೊರರಾಜ್ಯ, ವಿದೇಶಗಳ ಹಲವು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ಬಿಡುಗಡೆ ಮಾಡಲು ಗಂಭೀರವಾಗಿ ಚಿಂತನೆ ನಡೆಸಲಾಗಿದೆ ಎಂದು ತಿಳಿದು ಬಂದಿದೆ.


ಇದನ್ನೂ ಓದಿ: Katrina Kaif : ತುಂಡ್‌ ಹೈಕ್ಳ ಹೃದಯ ಘಾಸಿಗೊಳಿಸಿದ ಕ್ಯಾಟ್‌ ಖತರ್ನಾಕ್ ಮೈಮಾಟ


ಡಿಐ, ಮಿಕ್ಸಿಂಗ್ ಮುಂತಾದ ತಾಂತ್ರಿಕ ಬದಲಾವಣೆಗಳೊಂದಿಗೆ 'ಬಾಬಾ' ಚಿತ್ರವನ್ನು ನವೀಕರಿಸಲಾಗಿದೆ. ಇದಲ್ಲದೇ ಚಿತ್ರದ ಸಂಗೀತ ನಿರ್ದೇಶಕ ಎ.ಆರ್.ರೆಹಮಾನ್ ಚಿತ್ರವನ್ನು ಮೊದಲು ನೋಡಲಿದ್ದಾರೆ. ಚಿತ್ರದ ಸಂಗೀತದಲ್ಲಿ ಏನಾದರೂ ತಪ್ಪಿದ್ದರೆ ಅಥಮಾ ಇನ್ನಷ್ಟು ಹೊಸತನ ತುಂಬಲು ಸಾಧ್ಯವಾಗುತ್ತಾ ಎನ್ನುವ ಅಂಶದ ಕುರಿತು ರೆಹಮಾನ್‌ ಯೋಚನೆ ಮಾಡಲಿದ್ದಾರೆ ಎನ್ನಲಾಗಿದೆ. 


ಇನ್ನು ಇತ್ತೀಚೆಗೆ ಸೂಪರ್ ಸ್ಟಾರ್ ರಜನಿಕಾಂತ್ ಅವರು ಬಾಬಾ ಸಿನಿಮಾದಲ್ಲಿ ಸೇರಿಸಲಾದ ಹೊಸ ದೃಶ್ಯಗಳಿಗೆ ಡಬ್ಬಿಂಗ್ ಮಾಡಿದರು. ನಿರ್ದೇಶಕ ಸುರೇಶ್ ಕೃಷ್ಣ ಹಾಗೂ ರಜನಿಕಾಂತ್‌ ಅವರು ಬಾಬಾ ಮರು-ಬಿಡುಗಡೆ ಕುರಿತು ಸಂತೋಷ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಇತ್ತೀಚೆಗೆ ಬಿಡುಗಡೆಯಾದ ಕನ್ನಡದ 'ಕಾಂತಾರ' ಚಿತ್ರದ ಭರ್ಜರಿ ಯಶಸ್ಸಿನ ನಂತರ ರಜನಿಕಾಂತ್ ಅವರಿಗೆ 'ಬಾಬಾ' ಮರು ಬಿಡುಗಡೆ ಮಾಡುವ ಆಲೋಚನೆ ಬಂದಿತು ಎಂದು ನಿರ್ದೇಶಕ ಸುರೇಶ್ ಕೃಷ್ಣ ಇತ್ತೀಚಿನ ಸಂದರ್ಶನದಲ್ಲಿ ಒಂದು ಹೇಳಿದ್ದಾರೆ. ರಜನಿಕಾಂತ್ ಅವರ ಜನ್ಮದಿನ ಡಿಸೆಂಬರ್ 12 ರಂದು ವಿಶ್ವದಾದ್ಯಂತ ಬಾಬಾ ತೆರೆಕಾಣಲಿದೆ.https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.