ದೆಹಲಿ ಹಿಂಸಾಚಾರದ ಕುರಿತು ಅಸಭ್ಯ ಬಾಷೆಯಲ್ಲಿ ಟ್ವೀಟ್ ಮಾಡಿದ ಸ್ವರಾ ಭಾಸ್ಕರ್

ನವದೆಹಲಿ: ದೆಹಲಿಯಲ್ಲಿ ನಡೆಯುತ್ತಿರುವ ಹಿಂಸಾಚಾರದ ಕುರಿತು ಇದೀಗ ಬಾಲಿವುಡ್ ಸೆಲಿಬ್ರಿಟಿಗಳೂ ಕೂಡ ಸಾಮಾಜಿಕ ಮಾಧ್ಯಮಗಳ ಮೇಲೆ ಭಾರೀ ಸಕ್ರೀಯರಾಗಿರುವುದು ಕಂಡುಬರುತ್ತಿದೆ. ಈ ಹಿಂಸಾಚಾರದ ಕುರಿತು ಕೆಲವರು ತಿಳುವಳಿಕೆ ಹೇಳುತ್ತಿದ್ದರೆ, ಇನ್ನೂ ಕೆಲವರು ಜನರನ್ನು ರೊಚ್ಚಿಗೆಬ್ಬಿಸುವ ಕೆಲಸ ಮಾಡುತ್ತಿದ್ದಾರೆ. ದೆಹಲಿಯಲ್ಲಿ ನಡೆದ ಹಿಂಸಾಚಾರದಲ್ಲಿ ಇದುವರೆಗೆ ಓರ್ವ ಹೆಡ್ ಕಾನ್ಸ್ಟೇಬಲ್ ಸೇರಿದಂತೆ ಸುಮಾರು 27 ಮಂದಿ ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ ಈ ಗಲಭೆಗಳಲ್ಲಿ ಸುಮಾರು 200 ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆ. ಈ ಎಲ್ಲ ಪ್ರಕರಣದ ಕುರಿತು ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ ಟ್ವೀಟ್ ವೊಂದನ್ನು ಮಾಡಿದ್ದು, ಅವರ ಟ್ವೀಟ್ ಇದೀಗ ಭಾರಿ ವೈರಲ್ ಆಗುತ್ತಿದ್ದು, ಜನರು ಅವರನ್ನು ಟ್ರೋಲ್ ಕೂಡ ಮಾಡುತ್ತಿದ್ದಾರೆ. ಈ ಟ್ವೀಟ್ ನಲ್ಲಿ ಸ್ವರಾ ಭಾಸ್ಕರ್ ಸಭ್ಯತೆಯ ಎಲ್ಲೇ ಮೀರಿ ಭಾಷೆಯನ್ನೂ ಪ್ರಯೋಗಿಸಿರುವುದೇ ಇದಕ್ಕೆ ಕಾರಣ ಎನ್ನಲಾಗಿದೆ.

ಬಳಕೆದಾರರೋಬ್ಬರಿಗೆ ಉತ್ತರ ನೀಡಿರುವ ಸ್ವರಾ, " ..... ಅಂಕಲ್-ನನ್ನ ಚಿಂತೆ ಮಾಡಬೇಡ! ಈ ಎಲ್ಲ ಸಾವುಗಳು ನಿಮ್ಮ ಐಡಿಯಾಲಾಜಿ ಎಂದು ಬಡೆದುಕೊಳ್ಳುವವರ ಕೊಡುಗೆಯಾಗಿದೆ! ಒಂದು ದಿನ ಈ ಬೆಂಕಿ ನಮ್ಮೆಲರ ಮನೆಗೆ ಪಸರಿಸಲಿದೆ ಹಾಗೂ ಹಾಗೂ ಅದು ನಿಮ್ಮಿಂದ ಬರಲಿದೆ! ಹೋಗಿ ಮತ್ತು ...... ತಿನ್ನಿ" ಎಂದು ಬರೆದುಕೊಂಡಿದ್ದಾಳೆ.  

ಸದ್ಯ ದೆಹಲಿ ಹೊತ್ತಿ ಉರಿಯುತ್ತಿದ್ದು, ಜನರು ಸಾವನ್ನಪ್ಪುತ್ತಿದ್ದಾರೆ. ಸ್ವರಾ ಓರ್ವ ಸೆಲಿಬ್ರಿಟಿ ಆಗಿ ಈ ರೀತಿಯ ಟ್ವೀಟ್ ಮಾಡುತ್ತಿದ್ದಾರೆ. ಇದೆ ಕಾರಣದಿಂದ ಅವರು ಟ್ರೊಲ್ ಕೂಡ ಆಗುತ್ತಿದ್ದಾರೆ. ದೆಹಲಿ ಹಿಂಸಾಚಾರದ ಕುರಿತು ಅವರು ಮಾಡಿರುವ ಈ ಟ್ವೀಟ್ ಜನರನ್ನು ರೋಚ್ಚಿಗೆಬ್ಬಿಸುವ ರೀತಿಯಾಗಿದೆ. ಅಷ್ಟೇ ಅಲ್ಲ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಬಳಕೆ ಮಾಡಿರುವ ಭಾಷೆ ಸಾಮಾನ್ಯ ಜೀವನದಲ್ಲಿಯೂ ಕೂಡ ಯಾರೂ ಬಳಕೆ ಮಾಡಲು ಇಷ್ಟಪಡುವುದಿಲ್ಲ. ಸ್ವರಾ ನೀವು ಈ ರೀತಿಯ ಭಾಷೆ ಬಳಕೆ ಮಾಡಲು ಹೇಗೆ ಸಾಧ್ಯ ಎಂದು ನೆಟ್ಟಿಗರು ಸ್ವರಾ ಅವರನ್ನು ಪ್ರಶ್ನಿಸಲಾರಂಭಿಸಿದ್ದಾರೆ. ಸ್ವರಾ ಮಾಡಿರುವ ಟ್ವೀಟ್ ಗೆ ಪ್ರತಿಕ್ರಿಯೆ ನೀಡಿರುವ ಓರ್ವ ಟ್ವಿಟ್ಟರ್ ಬಳಕೆದಾರ, ನಿಮ್ಮ ಕುಟುಂಬ ಸದಸ್ಯರು ನಿಮಗೆ ಈ ರೀತಿಯ ಸಂಸ್ಕಾರ ನೀಡಿದ್ದಾರೆಯೇ? ಎಂದು ಪ್ರಶ್ನಿಸಿದ್ದಾರೆ.

ಇದಕ್ಕೂ ಮೊದಲು 'ಶೀರ ಕೊರ್ಮಾ' ಚಿತ್ರದ ಟ್ರೈಲರ್ ಅನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದ ಸ್ವರಾ Woooohoooo ಎಂಬ ಪ್ರತಿಕ್ರಿಯೆ ನೀಡಿ ಭಾರಿ ಟ್ರೋಲ್ ಗೆ ಒಳಗಾಗಿದ್ದರು.